ဘာကောင်မှန်းမသိတဲ့ VIP

  ~နိုင်ငံတခုတွင် ဖြစ်သည်။လူထုဘဝကို လေ့လာချင်သော သမ္မတကြီးသည် ကိုယ်ရံတော် မပါ၊ လုံခြုံရေးမပါဘဲ၊ ကားတစ်စီး နှင့် ဒရိုင်ဘာတစ်ဦးကို ခေါ်ပြီး ခရီးထွက်လာရာ ပြည်နယ်မြို့ကြီးတစ်မြို့သို့ ရောက်လာ၏။  
 -
 - မြို့အနှံ့လေ့လာနေစဉ် သမ္မတကြီးက ဒရိုင်ဘာကို ပြောသည်... ....

"ငါလည်း ကားမမောင်းရတာကြာပြီ၊ မင်းလည်း ပင်ပန်းနေပြီ၊ ငါတစ်လှည့်မောင်းမယ် မင်း နားလိုက်"

"ဟုတ်ကဲ့"

... ဆိုပြီး နေရာပြောင်းထိုင်ကြတယ်

သမ္မတကြီးလည်း ငယ်မူငယ်သွေးတွေကြွပြီး စွတ်ရွတ်မောင်းလိုက်တာ တနာရီ မိုင်၈၀ လောက်ဖြစ်ရော ယာဉ်ထိန်းရဲက ဖမ်းတားပြီပေါ့၊

လိုင်စင်တောင်းမလို့ ကားထဲငုံ့ကြည့်လိုက်တော့ အထဲကလူနှစ်ယောက်ကို မြင်တာနဲ့ ရဲခမြာ လန့်ဖျန့်သွားတယ်။

ဘာလုပ်ရမှန်း မသိလို့ သူ့ဆရာဆီကို ဝေါ်ကီတော်ကီနဲ့ လှမ်းခေါ်တယ်...

"ဆရာ... ဒီမှာ ကားတစ်စီးကို မိုင်နှုန်းပိုမောင်းလို့ ဖမ်းထားတယ် ခင်ဗျ"
"အဲဒါဘာဖြစ်လဲကွ၊ ချလံဖြတ်လိုက်ပေါ့"

"ကားပေါ်မှာ VIP ပါနေလို့ ဆရာ"
"ဘာ VIP လဲကွ"


"ပေ့ါသေးသေးတော့ မဟုတ်ဘူးဆရာ"
"လွှတ်တော် အမတ်လား"

"သူ့ထက် VIP တယ် ဆရာ "
"မြို့တော်ဝန်လား"

"သူ့ထက် VIP တယ် ဆရာ "
"တိုင်းမှုးလား"

"သူ့ထက် VIP တယ် ဆရာ "
"ဝန်ကြီးချုပ်လား"

"သူ့ထက် VIP တယ် ဆရာ "

အဲဒီမှာ ဆရာလုပ်သူလည်း ဒေါသထွက်လာပြီး သူ့တပည့်ယာဉ်ထိန်းရဲကို အော်တော့တာပေါ့... ....

"ဟေ့ကောင်၊ ဝန်ကြီးချုပ်ထက်ကြီးတာ မင့်အမေလင် သမ္မတပဲ ကျန်တော့တယ်"

ဒီတော့ ရဲလေးက တိုးတိုးလေးပြန်ပြောလိုက်ပါတော့တယ်...

"အဲဒီလူက ဘာကောင်လဲတော့ မသိဘူး။
သူ့ကို ကားမောင်းပေးနေရတာကတော့ ဆရာပြောတဲ့ အဲဒီကျနော့်အမေလင်ကိုယ်တိုင်ပါပဲခင်ဗျ..."

(သန်၎ကို ပေါက်ကရရေးသည်)

 
(သန်၎ကိုရဲ့ ဟာသများကို http://blog.irrawaddy.org/search/label/Than%20Lay%20Ko မှာ ဖတ်နိုင်ပါပြီ)