Pages

Sunday, August 18, 2013

ABSDFမြောက်ပိုင်းကျောင်းသားများတပ်ဖွဲ့နှင့် ရဲဘော်ဟောင်းများတွေ့ဆုံ

ABSDFမြောက်ပိုင်းကျောင်းသားများတပ်ဖွဲ့သည် ကချင်ပြည်နယ် မိုးညှင်သို့ ရောက်ရှိကာ မိုးညှင်းမြို့ရှိ ကျောင်းသားဟောင်းများနှင့် ယမန်နေ့က တွေ့ဆုံခဲ့ကြောင်းသိရှိရသည်။
မိုးညှင်းမြို့ အမျိုးသားဒီမိုကရေစီ အဖွဲ့ချုပ် မြို့နယ်ရုံးတွင် ABSDFမြောက်ပိုင်း ကျောင်းသားများ တပ်ဖွဲ့မှ ကိုအောင်ဆွေဦး (မြောက်ပိုင်းအလုပ်အမှုဆောင် အဖွဲ့ဒုတာဝန်ခံ)၊ ကိုယောရှု (မြောက်ပိုင်းအလုပ်အမှုဆောင်အဖွဲ့ အဖွဲ့ဝင်)၊ မညိုညိုလင်း (သတင်းမှတ်တမ်းဌာန)၊ မြို့ပေါ်ရှိ ရဲဘော်ဟောင်းများ၊ မိသားစုဝင်များ၊ ဒေသခံများနှင့်တွေ့ဆုံခဲ့သည်။

“ဒီခရီးစဉ်ဟာ ရဲဘော်ဟောင်းများနဲ့ မိသားစုများ၊ မြို့ပေါ်အဖွဲ့အစည်းအသီးသီးနဲ့ တွေ့ချင်လို့လာခဲ့တာ”ဟု လာရောက်တွေ့ဆုံသူများက ပြောကြသည်။ “တိုက်ပွဲဝင်ခဲ့ကြတာဟာ လူမျိုးရေးအတွက် မဟုတ်ဘူး။ ငြိမ်းချမ်းရေးယူတာလည်း စစ်ရှုံးလို့မဟုတ်ဘူး။ ပြည်သူအတွက် လက်ရှိအစိုးရနဲ့လက်တွဲပြီး ပြည်သူအကျိုးပြုဖို့ လာခဲ့ကြတာပါ”ဟု ကိုယောရှုမှ ပြောသည်။

(၂၅)နှစ်တာ လုပ်ဆောင်ခဲ့မှုများသည် အလကားမဟုတ်ကြောင်း၊ ပြည်သူလူထုကို အကျိုးပြုရန်၊ လက်ရှိအစိုးရနှင့် လက်တွဲလုပ်ဆောင်ရန် ပြည်တွင်းငြိမ်းချမ်းရေးအတွက် လာခဲ့ကြခြင်းဖြစ်ကြောင်း၊ လက်ရှိအစိုးရနှင့် ငြိမ်းချမ်းရေး ဆွေးနွးခဲ့ပုံများကို ရှင်းပြ ၍ ရှေ့ဆက်၍ ဖက်ဒရယ်ပြည်ထောင်စု ရရှိရေးအတွက် ဆက်လက်ဆောင်ရွက် သွားမည်ဟု ကိုအောင်ဆွေဦးက ပြောသည်။


From :myanma age

No comments:

Post a Comment

သင့်စိတ်နှင့်သင့်ကိုယ်လွတ်လက်စွာပေါက်ကွဲပိုင်ခွင့်ရှိပါတယ် ဒါပေမဲ့ သင်ပေးသွားတဲ့ Comment ဟာသင့်ရဲ့စိတ်ထားပါပဲ မိတ်ဆွေ...လာရောက်အားပေးတဲ့အတွက် အမြဲကျေးဇူးတင်နေမှာပါ.....GOOD LUCK...