အသက် ၂၆ နှစ်အရွယ် မြန်မာနိုင်ငံသား ဦးသန့်ဇင်လင်းကို ၎င်း၏ အခန်းဖော်များက ချွန်ထက်သော ကိရိယာများဖြင့် အကြိမ်ကြိမ် ထိုးနှက်သတ်ဖြတ်ခဲ့ကြောင်း အိမ်နီးချင်းတစ်ဦး၏ ပြောကြားချက်အရ သိရသည်ဟု မလေးရဲတပ်ဖွဲ့က ထုတ်ပြန်ထားသည်။
အဆိုပါ သက်သေထွက်ဆိုသူ အိမ်နီးချင်းက သြဂုတ်လ ၂၂ ရက်နေ့ ည ၁၂ နာရီကျော်ခန့်တွင် ကပ်လျက်အိမ်၌ ဆူညံသံများ၊ အော်ဟစ်ရုန်းကန်သံများ ကြား၍ အခန်းထဲသို့ ချောင်းကြည်ရာ ဦးသန့်ဇင်လင်းသည် သွေးအိုင်ထဲတွင် လဲနေသည်ကိုတွေ့၍ ရဲတပ်ဖွဲ့ထံ တိုင်ကြားခဲ့ခြင်း ဖြစ်သည်။
ဦးသန့်ဇင်လင်းကို သတ်ဖြတ်ခဲ့သည်ဟု ယူဆရသည့် အခန်းဖော် Joe နှင့် Mai တို့သည် သြဂုတ်လ ၂၂ ရက် နေ့ ည ၁၂ ကျော် နောက်ပိုင်းက ပင် ပျောက်ဆုံးနေခဲ့ကြောင်း၊ ၎င်းတို့နှစ်ဦးကို ဖမ်းဝရမ်းထုတ်ထားပြီး ဖမ်းမိပါက မလေးရှား ပီနန်ဥပဒေပုဒ်မ ၃၀၂ အရ လူသတ်မှုဖြင့် အရေးယူသွားမည် ဖြစ်ကြောင်း ယင်းသတင်းဌာနများတွင် ဖော်ပြထားသည်။
ဦးသန့်ဇင်လင်းသည် မလေးရှားနိုင်ငံတွင် အလုပ်လုပ်နေသူဖြစ်ပြီး ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးမှ ထုတ်ပေးသော ပြည်တွင်းနေထိုင်ခွင့် အမှတ်အသား ကတ်ပြားကို ကိုင်ဆောင်ထားသူတစ်ဦး ဖြစ်သည်။
From : ..the voice
No comments:
Post a Comment
သင့်စိတ်နှင့်သင့်ကိုယ်လွတ်လက်စွာပေါက်ကွဲပိုင်ခွင့်ရှိပါတယ် ဒါပေမဲ့ သင်ပေးသွားတဲ့ Comment ဟာသင့်ရဲ့စိတ်ထားပါပဲ မိတ်ဆွေ...လာရောက်အားပေးတဲ့အတွက် အမြဲကျေးဇူးတင်နေမှာပါ.....GOOD LUCK...