ငြိမ်းချမ်းရေး ဆွေးနွေးပွဲ KIO နယ်မြေမှာ ပြုလုပ်မည်

မဆုမွန်
02.04.2013

တိုင်းရင်းသား လက်နက်ကိုင် အဖွဲ့တခုဖြစ်တဲ့ ကချင်လွတ်မြောက်ရေးအဖွဲ့ KIO နဲ့ မြန်မာအစိုးရတို့ကြား ပထမဆုံးအကြိမ်အဖြစ်  ကချင်ပြည်နယ်ထဲမှာ တွေ့ဆုံကြဖို့ စီစဉ်နေတဲ့အကြောင်း နှစ်ဘက်တာဝန်ရှိသူတွေက ပြောပါတယ်။

တိုက်ပွဲတွေ အကြီးအကျယ် ဖြစ်ပွားပြီးနောက် ငြိမ်းချမ်းရေးအတွက် အစောပိုင်း ဆွေးနွေးပွဲတွေ တရုတ်နိုင်ငံမှာ နှစ်ကြိမ်လုပ်ခဲ့ပြီးတဲ့နောက် အခုတခါမှာတော့ KIO ထိန်းချုပ်ရာ နယ်မြေမှာ ဆွေးနွေးဖို့ ပြင်ဆင်နေကြတာပါ။ KIO နဲ့ မြန်မာအစိုးရ ငြိမ်းချမ်းရေး ကိုယ်စားလှယ်အဖွဲ့တို့ကြား ဆွေးနွေးပွဲ အလားအလာတွေကိုိတော့ မဆုမွန်က တင်ပြပေးထားပါတယ်။

ကချင်လွတ်မြောက်ရေးအဖွဲ့ KIO နဲ့ မြန်မာအစိုးရဘက်က ပြည်ထောင်စုဝန်ကြီး ဦးအောင်မင်း ခေါင်းဆောင်တဲ့ ငြိမ်းချမ်းရေး ကိုယ်စားလှယ်အဖွဲ့တို့ကြား တတိယအကြိမ်အဖြစ် ဒီလထဲ တွေ့ဆုံရာမှာတော့ KIO ထိန်းချုပ်နယ်မြေမှာ ပထမဆုံးအကြိမ်အဖြစ် ပြုလုပ်ဖို့ စီစဉ်နေကြတာ ဖြစ်ပါတယ်။

တွေ့ဆုံဖို့အတွက် နေ့ရက် အတိအကျ နောက်ဆုံး မသတ်မှတ်ရသေးပေမဲ့ ကချင်ပြည်နယ် မြစ်ကြီးနားမြို့မှာ တွေ့ဆုံဖို့အတွက်ကိုတော့ သဘောတူထားကြတဲ့ အကြောင်း မြန်မာအစိုးရရဲ့ ငြိမ်းချမ်းရေး အကျိုးတော်ဆောင် ဦးလှမောင်ရွှေ က ပြောပါတယ်။

“ဆွေးနွေးပွဲကတော့ နှစ်ဘက်စလုံးကတော့ hour and hour ညှိနှိုင်းနေဆဲပါ။ အခုတော့ စောပြီးဖြစ်မယ့်အနေအထားတော့ ရှိပါတယ်ခင်ဗျ။ ဒါပေမဲ့ တရားဝင်စာ ကို စောင့်နေပါတယ်။ ကျနော် သိသလောက်ကတော့ ၀န်ကြီး ဦးအောင်မင်းက ဒီ KIO အဖွဲ့အစည်းကို ဒီတကြိမ် ဆွေးနွေးပွဲကို မြန်မာနိုင်ငံထဲမှာ ရှိတဲ့ မြစ်ကြီးနား (သို့မဟုတ်) KIO ဘက်က သဘောတူတဲ့နေရာ ပြည်တွင်းမှာ လုပ်ဖို့ သူ့အနေနဲ့ အရင်ဆုံး အဆိုပြုထားတယ်ခင်ဗျ။ ကျနော်တို့လည်း သူတို့ရဲ့ official reply letter ကို ၀န်ကြီး ဦးအောင်မင်း က စောင့်နေပါတယ်ခင်ဗျ။”

လက်နက်ကိုင် ပဋိပက္ခတွေ ဖြစ်ပွားပြီးတဲ့နောက် တွေ့ဆုံ ဆွေးနွေးမှုတွေကို တရုတ်နိုင်ငံက ကြားဝင် ကမကထ လုပ်ပေးခဲ့ပြီးတော့ တရုတ်နိုင်ငံ ယူနန်ပြည်နယ် ရွှေလီမြို့မှာ နှစ်ကြိမ်တိတိ တွေ့ဆုံခဲ့ကြတာပါ။

အစိုးရရဲ့ ငြိမ်းချမ်းရေး အကျိုးတော်ဆောင် ဦးလှမောင်ရွှေ ကတော့ အစောပိုင်းတုန်းက  လုံခြုံရေး အခြေအနေတွေကြောင့် တတိယနိုင်ငံ တခုမှာ တွေ့ဆုံခဲ့ရတာ ဖြစ်ပေမဲ့ အခုတကြိမ်မှာတော့ အခြေအနေတွေဟာ တိုးတက်လာတာနဲ့အမျှ ပြည်တွင်းမှာ
တွေ့ဆုံဖို့ ဆုံးဖြတ်ခဲ့ကြတာလို့ ပြောပါတယ်။

“ဆွေးနွေးပွဲတိုင်းမှာတော့ ၀န်ကြီး ဦးအောင်မင်းအနေနဲ့ ပြည်တွင်းမှာ ဆွေးနွေးဖို့ အဆိုပြုခဲ့တာချည်းပါပဲ။ ဒါပေမဲ့ ဒီလိုမျိုး ငြိမ်းချမ်းရေးဖြစ်စဉ်တွေမှာတော့ ယုံကြည်မှု စပြီး တည်ဆောက်ပြီး လုပ်ရတာဖြစ်တဲ့အတွက် တဘက်အဖွဲ့အစည်းဘက်ကနေ ကျနော်တို့ ပြည်တွင်းကို လာဖို့ အခက်အခဲရှိတဲ့ အခြေအနေမှာတော့ တဘက်အဖွဲ့အစည်းဘက်က ချိန်းဆိုတဲ့နေရာတွေကို သွားတယ်။ အခုကတော့ တစုံတခုအထိ ယုံကြည်မှု နှစ်ဘက်ကြားထဲမှာ တဖြေးဖြေး စပြီးတော့ တည်ဆောက်လာနိုင်တယ်လို့ ကျနော်တို့အနေနဲ့လည်း မှတ်ယူတယ်။ ၀န်ကြီးအနေနဲ့လည်း မြစ်ကြီးနား သို့မဟုတ် ဒါ KIO ဘက်က ညှိနှိုင်းလို့ရတဲ့ နေရာမှာ ဆွေးနွေးပွဲ တည်ဆောက်လိုပါတယ် ဆိုတာကို လွန်ခဲ့တဲ့ ရက်ပိုင်းအတွင်းက ၀န်ကြီးအနေနဲ့ ပို့ထားတယ်လို့ ရှင်းပြပါတယ်။”

နောက်ဆုံးအကြိမ်အဖြစ်  ရွှေလီမြို့က တွေ့ဆုံပွဲ အတွင်းမှာတော့ မြန်မာအစိုးရဘက်က ကာကွယ်ရေး ၀န်ကြီးဌာန ထိပ်တန်း အရာရှိတွေ အပါအ၀င် စစ်ဘက်ဆိုင်ရာ ကိုယ်စားလှယ်တွေပါ ပါဝင်ခဲ့ကြတာပါ။

ငြိမ်းချမ်းရေးအတွက် ခိုင်ခိုင်မာမာ သဘောတူညီချက် မရခဲ့ပေမဲ့လည်း ဆက်လက်
ဆွေးနွေး ညှိနှိုင်းသွားဖို့လည်း သဘောတူခဲ့ကြပါတယ်။ နောက်ဆုံး အကြိမ် တွေ့ဆုံမှု အတွင်းမှာတော့ တရုတ်အစိုးရဘက်က စွက်ဖက်မှုတွေ ရှိခဲ့တယ်ဆိုတဲ့ သတင်းတွေလည်း ထွက်ပေါ်ခဲ့သလို အခုအခါမှာ ဒီလိုအခြေအနေတွေကို နှစ်ဘက် စလုံးက ရှောင်ရှားလိုတဲ့ သဘောထားတွေ ရှိနေတယ်လို့လည်း ကချင် လူမှုဖွံ့ဖြိုးရေး ကွန်ရက်အဖွဲ့က ကိုစားဂျီးက ပြောပါတယ်။

“အထူးသဖြင့် တရုတ်ပြည်က ဖိအားကြောင့်က နှစ်ဘက်စလုံးက အမြန်ဆုံး အပစ်အခတ် ရပ်စဲရေးလုပ်ဖို့ သူတို့ရဲ့ အကျိုးစီးပွားအတွက် ဖိအားပေးတဲ့ဟာ များတဲ့အတွက်ကြောင့် တခြားတနေရာ စဉ်းစားတဲ့ဘက်လည်း ရှိရင် ရှိမှာပေါ့နော့်။ အပေါ်ယံအားဖြင့်တော့
မြစ်ကြီးနားမှာလို့ ပြောတယ်။ အဓိကအားဖြင့် တရုတ်ပြည်ရဲ့ ဖိအားတော့ နှစ်ဘက် စလုံးမှာ နည်းနည်းများထင်တယ်။ တရုတ်ပြည်မှာ ဆွေးနွေးဖို့လည်း ဒီအခြေအနေတွေ ရှိနေတယ်။”

ဒီလိုမျိုး ကချင်နဲ့ မြန်မာအစိုးရတို့ ငြိမ်းချမ်းရေး ဆွေးနွေးဖို့ လုပ်ဆောင်နေချိန်မှာပဲ ကချင်ပြည်နယ်တွင်းမှာ စစ်ရေးတည်ငြိမ်နေသလို အနေအထားမှာ ထင်ရပေမဲ့ တပ်အင်အားတွေ ဖြည့်တင်းထားတဲ့ မြန်မာတပ်တွေဘက်က ကချင်တပ်တွေ အနီးအထိ ပေါ်ပေါ်ထင်ထင် သွားလာနေတာမျိုးတွေရှိလို့ အချိန်မရွေး ပြန်ပြီးတော့ စစ်ဖြစ်နိုင်တဲ့ အနေအထားမျိုးမှာ ရှိနေတယ်လို့လည်း ကချင်ဒေသခံ ကိုစားဂျီးက သုံးသပ်ပါတယ်။

ဒါကြောင့် ထိပ်ပိုင်းခေါင်းဆောင်တွေ တွေ့ဆုံစဉ်မှာတော့ အောက်ခြေတပ်တွေအနေနဲ့ စစ်အင်အား တိုးချဲ့ပြီးတော့ ချတာ၊ နယ်မြေအတွင်း စစ်ပြင်ဆင်တဲ့ ပုံစံမျိုးနဲ့ စစ်ရေးပြတာမျိုးတွေ မလုပ်သင့်ဘူးလို့လည်း သူကပြောပါတယ်။

အခုလို နှစ်ဘက်တွေ့ဆုံမှုတွေ လုပ်ပြီး ဆွေးနွေးနေချိန်မှာပဲ ပြီးခဲ့တဲ့ မတ်လလယ် ပိုင်းတုန်းက ကချင်တပ်တွေနဲ့ အစိုးရတပ်တွေကြား ကချင်ပြည်နယ် ပန်ဝါဒေသနဲ့ ရှမ်းပြည်နယ် မြောက်ပိုင်းဘက်မှာ တိုက်ပွဲတွေ ပြန်ဖြစ်ပွားခဲ့ပါသေးတယ်။

ရန်ကုန် ဗလီကျောင်းမီးလောင် ကလေး ၁၃ ဦးသေဆုံး

ရန်ကုန် ၄၈ လမ်း ဗလီကျောင်းမီးလောင်မှုအတွင်း သေဆုံး ခဲ့တဲ့ အလောင်းတွေကို သယ်ဆောင်နေစဉ် (၂ ဧပြီ ၂၀၁၃)

ကိုသားညွန့်ဦး
01.04.2013

အင်္ဂါနေ့ မနက်ပိုင်း ၃ နာရီဝန်းကျင်မှာ ရန်ကုန် ၄၈ လမ်း အထက်ဘလောက်မှာရှိတဲ့ အစ္စလာမ် ဘာသာရေး စာသင်ကျောင်းတခုမှာ မီးလောင်မှုကြောင့် ကလေး ၁၀ ဦးကျော် သေဆုံးခဲ့တယ်လို့ သိရပါတယ်။

ညအချိန် မီးလောင်တာကြောင့်ရော၊ ဘာသာရေး တင်းမာမှုတွေရှိချိန် ဘာသာရေး စာသင်ကျောင်းမှာ မီးလောင်တာကြောင့်ရော ပတ်ဝန်းကျင်မှာ လှုပ်လှုပ်ရှားရှား စိုးရိမ်မှုတွေ ရှိခဲ့ပါတယ်။ ဒါပေမဲ့ အခြေအနေတွေ တည်တည်ငြိမ်ငြိမ် ထိန်းထားနိုင် ခဲ့တယ်လို့ ဗိုလ်တထောင်မြို့နယ် ရဲစခန်းက တာဝန်ရှိသူတဦးက ပြောပါတယ်။

“၄၈ လမ်း။ ၁၀ ရပ်ကွက်မှာပါခင်ဗျ။”

မေး။          ။ မူဆလင်စာသင်ကျောင်းလို့ ပြောပါတယ်။ ဟုတ်လားခင်ဗျ။
“ဟုတ်ကဲ့ ဗလီနဲ့ စာသင်ကျောင်း တွဲလျက်ပါခင်ဗျ။ မီးလောင်တာက ခဏလေးပါခင်ဗျ။ မကြာပါဘူးခင်ဗျ။ ငြိမ်းသွားပါပြီခင်ဗျ။”

မေး။          ။ ဟုတ်ကဲ့ ဘာကြောင့်မီးလောင်တာလဲခင်ဗျ။ ဘာကြောင့်ဖြစ်တယ်လို့ သိရပါလဲ။
“မီးအားမြှင့်စက်ကနေ ၀ါယာရှော့ဖြစ်ပြီး မီးလောင်တာပါ။ မီးအားမြှင့်စက် အပူရှိန်လွန်ပြီးတော့ ဖြစ်သွားတာပါခင်ဗျ။”

မေး။          ။ လူ အသေအပျောက်ရှိတယ်လို့ သိရပါတယ်။
“ကျနော်တို့ အဲ့ဒါကတော့ စာရင်းက စိစစ်နေတုန်းပဲခင်ဗျ။”

မီးလောင်တဲ့ စာသင်ကျောင်းမှာ မိဘမဲ့ကလေးငယ် ၄၀ ကျော်ရှိတယ်လို့ သိရပါတယ်။ တိုက်လှေကားမှာရှိတဲ့ မီးအားမြှင့်စက်ကနေ စတင် လောင်ကျွမ်းတာကြောင့် ကလေးတချို့ ပိတ်မိပြီး သေဆုံးခဲ့ကြတာလို့ တာဝန်ကျ မီးသတ်အရာရှိတဦးက အဲ့ဒီ ဖြစ်ပျက်တဲ့နေရာမှာပဲ သတင်းထောက်တွေကို ပြောခဲ့ပါတယ်။


“ဒီတံခါးကို ဖွင့်လိုက်တဲ့အချိန်မှာ ဒီမှာရှိနေတဲ့ ကလေးတွေက ဆင်းပြေးလာတယ်။ အဲ့တော့ အားလုံးပေါင်းက ၅၀ ကျော် ၆၀ လောက်ရှိတယ်။ ကျနော်တို့က အောက်ကို ငြိမ်းပြီးတော့မှ အပေါ်တက်တဲ့အခါမှာ အလောင်းတွေကို တွေ့တယ်။ လောင်တဲ့ အကြောင်းရင်းကတော့ ဘာကြောင့်လဲဆိုရင် အောက်ထပ်မှာရှိတဲ့ လှေကားနားမှာ မီးအားမြှင့်စက်ရှိတယ်။ အဲ့ဒီမီးအားမြှင့်စက်ကနေ စပြီးတော့ လောင်တာ။ အဲ့ဒီကနေ မီးအများဆုံးလောင်ထားပြီးတော့ အဲ့ဒီကနေပြီးတော့မှ လှေကားပေါက်ကို ပိတ်နေ ပြီးတော့မှ ကလေးတွေက ဆင်းပြေးလို့ မရဘဲနဲ့ အဲ့ဒီမှာ ပိတ်မိပြီးတော့ သေဆုံးရ တာပါ။ သေဆုံးတာကတော့ အခုလောလောဆယ် ၁၃ ယောက်။ ဒဏ်ရာရတာတော့ မသိသေးဘူး။”

အသေအပျောက် စာရင်းနဲ့ပတ်သက်လို့ အတိအကျကိုတော့ ရန်ကုန်ဆေးရုံကြီးကို ဆက်သွယ်လို့ မရသေးပါဘူး။ မီးဟာလည်း နာရီဝက်လောက်ပဲ လောင်ကျွမ်းခဲ့တာ
ကြောင့် ဘေးကို ကူးစက်မှု မရှိခဲ့ပါဘူး။ ဘာသာရေး တင်းမာမှုတွေ ဖြစ်နေချိန်မှာ၊ အခုလို လောင်မီးကြောင့် အခြေအနေတွေ ဆိုးလာမှာကိုတော့ မြို့ခံတွေက စိုးရိမ်နေကြပါတယ်။

ဗလီမီးလောင်မှုအတွက် တာဝန်ရှိသူအရေးယူမည်

 

ရန်ကုန်ဗလီမီးလောင်မှုအတွင်း သေဆုံးခဲ့ရတဲ့ 

ကလေးငယ်တွေရဲ့ ဈာပနအခမ်းအနား။ (၂ ဧပြီလ ၂၀၁၃)

အောင်ရဲ မောင်မောင်

02.04.2013

ဒီနေ့မနက် ၃ နာရီလောက်က ရန်ကုန် ၄၈ လမ်း မှာရှိတဲ့ အစ္စလာမ် ဘာသာရေး စာသင်ကျောင်းတခုမှာ မီးလောင်မှုကြောင့် ကလေး ၁၃ ဦးကျော် သေဆုံးခဲ့တဲ့ အတွက် ပေါ့ဆမှုနဲ့ ဗလီကျောင်း တာဝန်ရှိသူတွေကို အရေးယူသွားမှာ ဖြစ်တယ်လို့ အစိုးရ တာဝန်ရှိသူတွေက ပြောပါတယ်။


တချိန်တည်းမှာပဲ မကြာသေးခင်တုန်းက အစ္စလာမ် ဘာသာဝင်တွေအပေါ် တိုက်ခိုက်မှုတွေကြောင့် တင်းမာမှုတွေ ရှိနေချိန်မှာ နောက်ဆက်တွဲ ပြဿနာတွေ မပေါ်အောင်လည်း ကြိုးပမ်းနေကြတဲ့အကြောင်း ဒီကနေ့ ရန်ကုန်မှာ ကျင်းပတဲ့ သတင်းစာ ရှင်းလင်းပွဲအတွင်း ရန်ကုန်တိုင်း ဒေသကြီးဝန်ကြီးချုပ်က ပြောခဲ့တာပါ။


အပြည့်အစုံကိုတော့ သတင်းစာရှင်းလင်းပွဲကို ကိုယ်တိုင်သွားရောက်  သတင်းယူခဲ့တဲ့ ဗွီအိုအေ သတင်းထောက် ကိုအောင်ရဲမောင်မောင် က တင်ပြထားပါတယ်။


ရန်ကုန်တိုင်း ဗိုလ်တထောင်မြို့နယ် ၄၈ လမ်း အစ္စလာမ် ဘာသာရေး စာသင်ကျောင်း တခုမှာ ကလေးငယ် ၁၃ ယောက်အထိ သေဆုံးခဲ့ရတဲ့ မီးလောင်ကျွမ်းမှုဟာ ဗလီကျောင်း တာဝန်ရှိသူတွေရဲ့ ပေါ့ဆမှုတွေကြောင့်လို့ ရန်ကုန်တိုင်း အစိုးရ တာဝန်ရှိသူတွေက ပြော လိုက်ပါတယ်။


မီးလောင်မှု ဖြစ်ပွားချိန်က သေဆုံးသူ မူဆလင် စာသင်သားတွေရှိရာ ၀င်ပေါက်တွေ မှာ သော့တွေ ခတ်ထားတဲ့အတွက် ဘေးလွတ်ရာ မပြေးနိုင်ဘဲ ဖြစ်ခဲ့ရတာလို့ ရန်ကုန်တိုင်း ဒေသကြီးရဲ့  ၀န်ကြီးချုပ် ဦးမြင့်ဆွေ က ဒီကနေ့ ပြုလုပ်တဲ့ သတင်းစာ ရှင်းလင်းပွဲအတွင်း ပြောဆိုခဲ့တာပါ

“ဒီကျောင်းရဲ့ အားနည်းချက်ကတော့ တံခါးတွေ အလုံပိတ်ထားတာ။ တံခါးတွေ အလုံ ပိတ်ထားပြီးတော့မှ ကျနော်တို့ ဒီ ဖြစ်တဲ့အချိန်တုန်းက ဆိုရင် သော့နှစ်ထပ် အပို ခတ်ထားတယ်။ သော့နဲ့ခတ်ထား တယ်။ သော့နှစ်ထပ်ဆိုတာကတော့ ဒီ သော့ပိတ် တဲ့နေရာမှာပဲ သော့ နှစ်လုံး တွဲခတ်ထားတာ။ သော့နှစ်လုံး တွဲခတ် ထားပြီးတော့ သူ့ရဲ့ ပတ်ပတ်လည် ပြတင်းပေါက်တွေမှာ မြေညီထပ်က ပြတင်း

ပေါက်တွေမှာပါ သံတိုင်တွေနဲ့ ဖွင့်လို့မရအောင် သူက အကုန်ပိတ်ထားတာ။”

မကြာသေးခင်တုန်းက မြန်မာနိုင်ငံ နေရာ အတော်များများမှာ အစ္စလာမ် ဘာသာဝင်တွေအပေါ် တိုက်ခိုက်မှုတွေ ဖြစ်ပွားခဲ့ရာက စိုးရိမ်မှုတွေ ရှိနေချိန်မှာပဲ တိုက်တိုက်ဆိုင်ဆိုင် ဗလီကျောင်းတခု မီးလောင်ကျွမ်းခဲ့တဲ့အတွက်လည်း သံသယတွေ ထွက်ပေါ်နေပါတယ်။

ဒါပေမဲ့လည်း မီးလောင်မှု ဖြစ်ပွားရတဲ့ အကြောင်းရင်းကတော့ မတော်တဆမှုကြောင့်

ဖြစ်တယ်လို့ ရန်ကုန်တိုင်း ၀န်ကြီးချုပ် ဦးမြင့်ဆွေ က အခုလို ပြောခဲ့ပါတယ်။

“မီးအားမြှင့်စက်ကနေ မီးလောင်တဲ့ဟာ ဘယ်သူ့မှာ တာဝန်ရှိမလဲဆိုရင် ဒီမှာ စောင့်တဲ့ သူမှာ တာဝန်ရှိပါတယ်။ စောင့်တဲ့သူရဲ့ တာဝန်ဖြစ်တဲ့အတွက် စောင့်တဲ့သူကို ဒီမှာ မီးပျက်လို့ရှိရင် ဘာလုပ်မလဲလို့ မေးတဲ့အခါကျတော့ မီးစက်အပိုတလုံး ရှေ့မှာ ထားတယ်။ အဲ့တော့ မီးစက်သုံးတဲ့အတွက် ဘာပဲပြောပြော စက်သုံးဆီ၊ ဒီဇယ်သုံးရင် ဒီဇယ်ဆီ နည်းနည်းရှိတယ်။ ဒါကတော့ ကျနော်တို့ အရင်ဆုံး ရဲမှူးကြီးတို့ အကုန်

ရောက်တဲ့အချိန်မှာ ဒါတွေလည်း မတွေ့ပါဘူး။ မတွေ့တဲ့အတွက် နောက်ပိုင်းတော့

ကောလဟာလတွေပေါ့ အဲ့ဒါတွေ ရှိပါတယ်တို့၊ ဘာတို့ ဒီတာဝန်ရှိသူတွေ စစ်ဆေးတဲ့ အချိန်မှာ ဒါတွေ မတွေ့ဘူး။”

တချိန်တည်းမှာပဲ ရန်ကုန်တိုင်း ဒေသကြီး အစိုးရအဖွဲ့က တာဝန်ရှိ ရဲတွေဟာ ဘာသာရေး ကွဲပြားမှုကို အခြေခံပြီး ဆူပူမှုတွေ ထပ်မဖြစ်အောင် ထိန်းသိမ်းနေပြီး မကြာသေးခင်တုန်းက မတည်မငြိမ်ဖြစ်အောင် လှုံ့ဆော်ခဲ့သူတွေကိုလည်း အရေးယူ နိုင်ဖို့ ကြိုးပမ်းနေတယ်လို့ ရန်ကုန်းတိုင်း ဒေသကြီး အစိုးရအဖွဲ့ ရဲမှူးကြီး ၀င်းနိုင် က ပြောပါတယ်။

မီးလောင်ကျွမ်းမှုက လွတ်မြောက်လာတဲ့ မူဆလင် ကလေး ၅၀ ကျော်ကိုတော့ အခုအခါ မင်္ဂလာတောင်ညွှန့်မြို့နယ်အတွင်းက ဗလီတခုမှာ ယာယီ ရွှေ့ပြောင်းထားပြီးတော့ သူတို့အနေနဲ့ ထိခိုက်ဒဏ်ရာတွေ အပြင်းအထန် မရခဲ့ဘူးလို့ ဗိုလ်တထောင်မြို့နယ် ကြက်ခြေနီ တပ်ရင်းက ရေးထောက် ကိုဥာဏ်မြင့် က ပြောပါတယ်။

“ကျနော်တို့ ကန်တော်လေးက ဗလီတခုကို ပို့ထားတယ်ပေါ့နော်။ ၁၀၁ လမ်းထိပ်က ဗလီနားက အဆောက်အဦးတခုမှာ ပို့ထားပါတယ်။ တငွေ့ငွေ့ လောင်တာပေါ့နော်။ ၀ုန်းကနဲဆိုပြီး လောင်တာမျိုးတော့ မဟုတ်ဘူး။ သူက ၀ါယာရှော့ကနေမှတဆင့် ကျွန်းသားတွေကို ကူးစက်ပြီးတော့ မီးက တငွေ့ငွေ့နဲ့ လောင်ပြီးတော့ မီးခိုးငွေ့တွေများတာပေါ့။ အဲ့ဒီ များတဲ့အပေါ်မှာမှ ကလေးတွေက မီးခိုးငွေ့တွေနဲ့ ပိတ်မိပြီးတော့ အောက်ဆီဂျင်ပြတ်ပြီး သေဆုံးရတာပေါ့နော် ဒီ ၁၃ ယောက်စလုံးက။ ဒီ ၁၃ ယောက်စလုံးကလည်း သူတို့က ထပ်ခိုးလေးပေါ်မှာ အိပ်ကြရတာကိုး။ နောက်တခု သူတို့ အသက်မရှင်ရတဲ့ အကြောင်းရင်းက ဘာလဲဆိုတော့ သူတို့ ပြေးဆင်းရမယ့် လမ်းမှာ မီးက လောင်တာဖြစ်တဲ့အတွက်ကြောင့်မို့ သူတို့တွေကို အခန်းထဲမှာ ဂျောင်ပိတ်မိနေသလို ဖြစ်သွားတယ်။ အပြင်ကနေလည်း ထွက်စရာ လမ်းက မရှိတော့ဘူးပေါ့နော်။”

အင်္ဂါနေ့ အစောပိုင်းက မီးလောင် ကျွမ်းမှုအတွင်း သေဆုံးသွားသူ မူဆလင်ကလေးငယ် ၁၃ ဦးရဲ့ ဈာပန အခမ်းအနားကိုတော့ ရေဝေး သုဿန်မှာ ဒီကနေ့ပဲ ကျင်းပခဲ့တာ လည်း ဖြစ်ပါတယ်။

သီတင်းကျွတ် အကြောင်း သိကောင်းစရာ

သီတင်းကျွတ်လ သည် မြန်မာတို့ ၏ ၁၂ လရာသီတွင် သတ္တမ မြောက်လဖြစ်ပြီး ၀ါတွင်းကာလ၏ နောက်ဆုံးလဖြစ်ပါသည်။ ရာသီခွင်မှာ တူရာသီ ဖြစ်ပြီး အဿဝတီကြယ် နှင့် လမင်း တို့ စန်းယှဉ်ကာ မွန်းတည့်ကြသည်။ ဤရာသီ၏ ပန်းမှာ ကြာဖြူပန်း (Nymphaea Lotus) ဖြစ်ပါသည်။ ယင်းတို့ကိုပင် မနုဿဗေဒ (Athropology) သဘောအရလူ့ယဉ်ကျေးမှုသမိုင်း ကြောင်းတစ်ခု အဖြစ် မြင်နိုင်ကြပါသည်။ သီတင်းကျွတ်လကို ရှေးမြန်မာကျောက်စာများ၌ `သန္တူလ´ ဟုရေးထိုး ကြသည်။ ချိန်ခွင်ပုံ ကြယ်တာရာ နက္ခတ်တို့  စုဝေးသောမိုးကာလဟုလည်းကောင်း၊ တောင်သူလယ်သမား တို့ စိုက်ပျိုးထားသောစပါးပင်များ သန်စွမ်းစွာထောင်မတ်သောလဟုလည်းကောင်း ပညာရှိများ ဖွင့်ဆိုကြပါသည်။ မြန်မာတို့သည် စိတ်ရင်းရိုးသားတည်ကြည်ကြသူများ ဖြစ်သည်နှင့်အညီ စစ်မှန်သော ဗုဒ္ဓသာသနာတော်ကို လွန်ခဲ့သောနှစ်ပေါင်းများစွာကပင် သိက္ခာကာမ၊ ဂန္ထကာရက၊ ပရိယတ္တိဝိသာရဒ၊ လဇ္ဇီပေသလ စသည့်တစ်ဖြာ ဂုဏ်ဝေဖြာသည့် သာသနာပြု ရဟန်းတော်များနှင့် တိုင်းချစ် ပြည်ချစ် မင်းတရားစစ်တို့ကြောင့် သက်ဝင်ယုံကြည်ဆည်းကပ်ကိုးကွယ်ခွင့် ရကြပြန်သော အခါ ဗုဒ္ဓမြတ်စွာ၏ အဆုံးအမတရားတော်များနှင့်လိုက်လျောညီထွေစွာ အေးချမ်းပျော်ရွှင်ဖွယ် ကောင်းသော လူနေမှုဘ၀များဖြင့် လောကဓံတရားများကို ရင်ဆိုင်ကျော်လွှားနိုင်သော၊ ရောင့်ရဲ တင်းတိမ်တတ်သော စိတ်နှလုံးကို ခေတ်အဆက်ဆက် ပိုင်ဆိုင်ခဲ့ကြသူများဖြစ်ကြသည်။

ဤစိတ်ဓာတ်များ အရင်းခံဖြင့် ၁၂ လရာသီရှိသည့် အနက် လပြည့်လကွယ် နေ့တိုင်းတွင် ရတနာ သုံးပါးအား ရည်စူး၍ အလှူအတန်းများ၊ ကောင်းမှုကုသိုလ်များ ပြုလုပ်လေ့ရှိကြသည်။ သီတင်းကျွတ် မီးထွန်းပွဲတော်သည် မြန်မာတို့၏ ၁၂ ရာသီ ပွဲတော်များတွင် ထင်ရှားသောပွဲတော် တစ်ခုဖြစ်ပြီး ပွဲတော်စတင်ကျင်းပခဲ့သည် အစဉ်အလာမှာ ဘုရားရှင် သက်တော်ထင်ရှား ရှိခဲ့စဉ် အခါကပင် ဖြစ်ပါသည်ဟု ပြောဆိုနိုင်ကောင်းပါသည်။ အဘယ်ကြောင့်ဆိုသော် ယခုကျင်းပသည့် သီတင်းကျွတ်လ မီးထွန်းပွဲတော်အစဉ်အလာများသည် ယင်းမှတစ်ဆင့် ကူးစပ်ဆင့်ပွားလာခြင်း ကြောင့် ဖြစ်ပါသည်။ ယင်းခေတ်အခါနှင့် ယခုခေတ်အခါတို့မတူသော်ငြားလည်း ရည်ရွယ်ချက်များ တူညီနိုင် ကြမည်ပင်။
ဗုဒ္ဓမြတ်စွာဘုရားရှင်သည် သတ္တမမြောက်ဝါကို တာဝတိံသာ နတ်ပြည်၌ ၀ါကပ်တော်မူပြီး မယ်တော်ဖြစ်ခဲ့ဖူးသော သန္တုဿီတ နတ်သားအား အမှုးပြု၍ စကြ၀ဠာနေရာ အနှံ့ မှ နတ်ဗြဟ္မာ အပေါင်းတို့ အား အဘိဓမ္မာ တရားတော်မြတ်ကို ဟောကြားတော်မူသည်။ သီတင်းကျွတ် လပြည့်နေ့  ရောက်သောအခါ ဘုရားရှင်သည် နတ်ဗြဟ္မာ အပေါင်းခြံရံကာ ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်းများဖြင့် စီချယ်အပ်သော ရတနာစောင်းတန်းဖြင့် လူ့ ပြည်ဖြစ်သော သင်္ကဿနဂိုရ်ပြည်သို့ ပြန်လည်ဆင်းသက်ကြွမြန်းတော်မူသည်။
ဟု ဗုဒ္ဓဘာသာစာပေ အဋ္ဌကထာများက ဆိုကြပါသည်။
ထိုအခါ သမယတွင် ပြည်သူပြည်သားအပေါင်းတို့က မီးရှူး မီးတိုင်များ၊ မီးပန်းများ၊ ဆီမီးများ၊ ဆွမ်းပန်းရေချမ်းများဖြင့် ကပ်လှူပူဇော်ကြသည်။ တာဝတိံသာနတ်ပြည်ရှိ စူဠာမဏိ စေတီတော် ကိုလည်း ပူဇော်သည့် အထိမ်းအမှတ်ဖြင့် မီးပုံးများပြုလုပ်၍ ကောင်းကင်သို့ လွှတ်တင် ပူဇော်ကြ သည်။ ထိုကဲ့သို့ ပူဇော်ကြသည်ကို အကြောင်းပြုကာ ယနေ့ ခေတ်အခါတိုင်အောင် မြန်မာတစ်နိုင်ငံ လုံး၌ နှစ်စဉ်ကျင်းပပြုလုပ်မြဲ ဖြစ်သည်ဟု မှတ်သားရပါသည်။

ဗုဒ္ဓ၏ အဆုံးအမ၌ တည်ကြသော မြန်မာတို့ သည်အသက်ဂုဏ်ဝါကြီးသူ၊ မြင့်မြတ်သူတို့ အပေါ်တွင် ငယ်သူ၊ နိမ့်ကျ သူတို့ က ရိုသေလေးစား၍ ပူဇော် ကန်တော့လေ့ရှိကြသည့်အတိုင်း ၀ါကျွတ်သော အချိန် ဤထူးမြတ်သော အခါသမယတွင် တတ်နိုင်သမျှ ပူဇော် သက္ကာရတို့ ဖြင့် သက်ကြီးဝါကြီးများ၊ မိဘဆရာများကို ပူဇော်ကန်တော့ကြသည့် ဓလေ့များကိုလည်း တွေ့မြင်ကြရပါသည်။
ထို့အပြင် ဤအချိန်ကာလသည် မြန်မာတို့ ၏ တစ်ဦးကိုတစ်ဦး ရိုသေလေးစားတတ်သောသဘော၊ မာန်မာနကို နှိမ့်ချတတ်သောသဘော၊ အပြန်အလှန် မေတ္တာစေတနာထားတတ်သောသဘော စသည့် အမျိုးကောင်း သားသမီးတို့၏ ယဉ်ကျေးသိမ်မွေ့သော စိတ်နေစရိုက်ကိုဖော်ကျူးပြသနေသော အမျိုးဂုဏ်ကို မြှင့်တင်ပေးနေသည့် ရိုးရာအစဉ်အလာ အချိန်အခါ ဖြစ်သည်နှင့်အညီ အစ်ကို၊ အစ်မများ ညီငယ်ညီမငယ်များအားလုံးတို့သည်လည်း လောကသာရ ရခိုင်သူမြတ် ရေးသည့် ဆုံးမစာအတိုင်း `ကောင်းသောအကြံ၊ မှန်သောအကျင့်၊ သင့်သောအယူ၊ ဖြူသောနှလုံး´ တို့ ဖြင့် သီတင်းကျွတ်လ မီထွန်းပွဲတော်ကို ပျော်ရွှင်စွာ ပါဝင်ဆင်နွဲ နိုင်ကြပါစေဟု ဤစာ၏ နိဒါန်းအချီ အနေဖြင့် ဆုတောင်း ဆန္ဒပြုလိုက်ပါသည်။

မြတ်စွာဘုရားရှင် အလောင်းတော်ကို မဟာသက္ကရာဇ် ၆၈ ခု၊ ကဆုန်လပြည့်နေ့ တွင် မိခင်မာယာဒေ၀ီ မှ ဖွားမြင်တော်မူခဲ့ပါသည်။ ဖွားမြင်တော်မူပြီးသည့်နောက် (၁၆)နှစ် အရွယ်မှာ ယသော်ဓရာ နှင့် ထိမ်းမြား လက်ထပ်တော်မူခဲ့ပါသည်။ အသက် (၂၉)နှစ်မှာ သားတော် ရာဟုလာ ကို ဖွားမြင်သော ညမှာပင် ကာမဂုဏ်၏ အပြစ်တို့ကိုတွေ့ပြီး ငြီးငွေ့တော်မူသဖြင့် နန်းစည်စိမ် နှင့်တကွ အားလုံးကို စွန့်လွှတ်ပြီး ဥရုဝေလတော ကို ၀င်ခဲ့ပါသည်။ ဥရုဝေလမှာ ပင်ပန်းဆင်းရဲသော ဒုက္ကရစရိယ အကျင့်ကို ၆နှစ် ကာလပတ်လုံး ကျင့်ခဲ့ပါသည်။ ဘုရားအလောင်းတော်သည် မဂ်ဉာဏ်ဖိုလ်ဉာဏ်နှင့် သဗ္ဗညုတဉာဏ်တော် အတွက် မည်သို့မျှ အထောက်အကူ မပြုသော ထိုအကျင့်များကို စွန့်လွှတ်ပြီး မဇ္ဈိမပဋိပဒါ ဆိုတဲ့ မဂ္ဂင်ရှစ်ပါး အကျင့်ကို ကိုယ်တော် တိုင် ကျင့်သုံးတော်မူခဲ့ပါသည်။ ထိုမဂ္ဂင်ရှစ်ပါး အကျင့်ဖြင့် ဂေါတမ ဘုရားရှင်သည် မဟာသက္ကရာဇ် (၁၀၃)ခုနှစ်၊ ကဆုန်လပြည့်နေ့ မှာ သမ္မာသမ္ဗုဒ္ဓ ဘုရားအဖြစ်ကို ရောက်ရှိတော်မူခဲ့ပါသည်။ ဘုရားဖြစ်ပြီးနောက်-
(၁) ပလ္လင်္ကသတ္တာဟ။ ။ဘုရားဖြစ်သော ဗောဓိပင်ရင်းနေရာ (ပလ္လင်)ထက်တွင် ကဆုန်လပြည့်ကျော် (၁) ရက်နေ့မှ (၇) ရက်နေ့အထိ ၀ိမုတ္တိသုခ (သံသရာမှ လွတ်မြောက်ခြင်းချမ်းသာ) ကို ခံစားလျှက် သီတင်းသုံးတော်မူခဲ့ပါသည်။
(၂) အနိမိသ သတ္တာဟ။ ။ဗောဓိပင်၏အနီး အရှေ့မြောက်အရပ် တည့်တည့် (၁၄)လံအကွာ နေရာမှာ ကဆုန်လပြည့် ကျော် (၈)ရက်နေ့မှ (၁၄) ရက်နေ့အထိ (၇)ရက် ထပ်မံ သီတင်းသုံးတော်မူခဲ့ပါသည်။ ငါသည် ပါရမီများ ဖြည့်ခဲ့သောကြောင့် ဤပလ္လင်ထက်မှာ မာရ်(၅)ပါးကိုအောင်မြင်ပြီး ဘုရားဖြစ်ခဲ့ပြီ ဟုဆင်ခြင်ကာ ဖြောင့်ဖြောင့်မတ်မတ် ရပ်နေတော်မူကာ အပရာဇိတပလ္လင်ကို မမှိတ်သော မျက်စိဖြင့် (၇)ရက်လုံး ကြည့်ရှု ၀မ်းမြောက်နေတော်မူခဲ့ပါသည်။ (အ= မ။ နိမိသ= မျက်စိမှိတ်သည်။ အနိမိသ= မျက်စိမမှိတ်ပဲ)
(၃) စင်္ကမ သတ္တာဟ။ ။ကဆုန်လကွယ်နေ့မှ နယုန်လဆန်း (၆)ရက်နေ့အထိ (၇)ရက်တွင် ဗောဓိပင်ပလ္လင်နဲ့ အနိမိသ သတ္တာဟ အကြား စင်္ကြံလျှောက်တော်မူကာ (၇)ရက် ထပ်မံသီတင်းသုံးတော်မူခဲ့ပါသည်။ ယင်းနေရာမှာ နတ်တို့က “ရှင်ဂေါတမသည် ဗောဓိပလ္လင်၌ တပ်မက်နေသေးသည်၊ ဘုရားစင်စစ်မဖြစ်သေး”ဟု ယုံမှားသံသယဖြစ်ကြသည်။ ထိုယုံမှားပျောက်စေရန် ရေအစုံ၊ မီးအစုံ ယမကပြာဋိဟာ ပြတော်မူခဲ့ပါသည်။ စင်္ကြံ ကြွရင်း တရားဆင်ခြင်၊ ဖလသမပတ် ၀င်စားသောကြောင့် စင်္ကမ သတ္တာဟ ဟုခေါ်ပါသည်။
(၄) ရတနာဃရ သတ္တာဟ။ ။ဗောဓိပင်၏ အနောက်မြောက် (၁၀)လံ အကွာတွင် နတ်များဖန်ဆင်းပူဇော်သော ရတနာ ရွှေအိမ်ထက်၌ နယုန်လဆန်း (၇) ရက်နေ့မှ (၁၃)ရက်အထိ အဘိဓမ္မာတရားတော်ကို ဆင်ခြင်တော်မူပါသည်။ အဘိဓမ္မာ ရှေးဦး (၆)ကျမ်းကို ဆင်ခြင်ရာတွင် ရောင်ခြည်တော် ကွန့်မြူးခြင်း မရှိသေးပါ။ နောက်ဆုံး ပဋ္ဌာန်းဒေသနာ တော်ကြီးကို ဆင်ခြင်သုံးသပ်တော်မူသော အခါမှသာ ရောင်ခြည်တော် (၆)သွယ် ကွန့်မြူး ထွက်ပေါ်လာခဲ့ပါသည်။
(၅) အဇပါလသတ္တာဟ။ ။ဒီနေရာကို ဆိတ်ကျောင်းသမားတွေ နေတဲ့ ညောင်ပင်လို့ ဆိုပါတယ်။ ဗောဓိပင်ရဲ. အရှေ.ဘက် (၃၂)လံ အကွာမှာ နယုန်လဆန်း (၁၄)ရက်နေ့မှ နယုန်လပြည့်ကျော် (၅)ရက်အထိ (၇)ရက် သီတင်းသုံးတော် မူပါတယ်။ ဒီနေရာမှာပဲ မာရ်နတ်ရဲ. သမီး (၃) ယောက် ဖြစ်တဲ့ (တဏှာ၊ အရတီ၊ ရာဂါ) တို့က ဘုရားရှင်ကို မိန်းမမာယာဖြင့် ဖြားယောင်းဖို့ ကြိုးစားခဲ့ကြပါတယ်။ သို့ပေးမယ့် ဘုရားရှင်က တုန်လှုပ်ခြင်း မရှိခဲ့ပါဘူး။
(၆) မုစလိန္ဒ သတ္တာဟ။ ။ဗောဓိပင်၏ အရှေ.တောင်ဘက် (၁၅)လံ အကွာ၊ မုစလိန္ဒာအိုင် အနီး ကျဉ်းပင်အောက်မှာ နယုန်လပြည့်ကျော် (၆)ရက်နေ့မှ နယုန်လပြည့်ကျော် (၁၂)ရက်နေ့ထိ (၇)ရက် သီတင်းသုံးတော် မူခဲ့ပါသည်။ ထိုနေရာကို သီတင်းသုံးစဉ်မှာ အခါမဲ့ မိုးရွာခဲ့သောကြောင့် မုစလိန္ဒာအိုင် နဂါးမင်းသည် တန်ခိုးနဲ့ လိုတာကို ဖန်ဆင်းနိုင်သော်လည်း သူ၏ပကတိ ကိုယ်တော်နှင့်သာ ပါးပြင်းမိုးပြီး ရာသီဥတုဒဏ်ကနေ ကာကွယ်ပူဇော်ခဲ့ပါသည်။
(၇) ရာဇာယတန သတ္တာဟ။ ။ဗောဓိပင်၏ တောင်ဘက် (၄၀)လံ အကွာ လင်းလွန်းပင်ရင်းမှာ နယုန်လပြည့်ကျော် (၁၃)ရက်မှ ၀ါဆိုလဆန်း (၄)ရက်နေ့ အထိ (၇)ရက် ပတ်လုံး ဖလသမာပတ် ၀င်စားပါတယ်။(၇) ရက်ပြည့်တဲ့နေ့ ဘုရားရှင် အစာအာဟာရမှီဝဲရန် လိုအပ်နေချိန်မှာ ရာမညတိုင်း၊ ဥက္ကလာဇနပုဒ်၊ ပေါက္ကရ၀တ္တီဇနပုဒ်မှ ကုန်သည်ညီနောင် တဖုဿ၊ ဘလ္လိက တို့က ဘုရားရှင်ကို မုန့်ကျစ်ဆုပ် ဆပ်ကပ်ခဲ့ပါသည်။ ယင်းကုန်သည်ညီနောင်ကို သံဃာမရှိသေးသည့်ကာလဖြစ်သည့် အတွက် ဒွေဝါစိက သရဏဂုံ (၂)ပါးကိုသာချီးမြှောက်ခဲ့ပါသည်။ ဆံတော် (၈)ဆူ စွန့်တော်မူပါတယ်။ ယင်းဆံတော်တို့ကို သူတို့၏အရပ်ပြန်ရောက်သောအခါ စေတီထဲမှာ ဌာပနာပြုခဲ့ကြောင်း မှတ်သားရပါသည်။

ဗုဒ္ဓစာပေများအရ မြတ်စွာဘုရားသည် ပထမ၀ါကို မိဂဒါဝုန် မှာ ၀ါကပ်တော်မူပြီး ဒုတိယ၀ါ၊ တတိယ၀ါ၊ စတုတ္ထ၀ါ တို့ကို ရာဇဂြိုဟ်ပြည် ဝေဠုဝန်ကျောင်း၊ ပဉ္စမ၀ါ ကို ဝေသာလီပြည်၊ ဆဋ္ဌမ၀ါ ကို မကုဠတောင် စသော နေရာဌာနများမှာ ၀ါကပ်တော်မူခဲ့ပါသည်။ သတ္တမ၀ါကို တာဝတိံသာနတ်ပြည်မှာ ၀ါကပ်တော်မူပြီး မယ်တော်ဖြစ်ခဲ့ဖူးသော သန္တုဿိတ နတ်သား ကို အမှူးထားကာ တာဝတိံတာ နတ်ပြည်ရှိ ပင်လယ်ကသစ်ပင်ရင်း ပဏ္ဍုကမ္ဗလာ မြကျောက်ဖြာထက်တွင် အဘိဓမ္မာ ဒေသနာတော် ကို ၀ါတွင်းသုံးလပတ်လုံး အသံမစဲ ဟောတော်မူခဲ့ပါသည်။ မယ်တော်မိနတ်၊ ကျေးဇူးဆပ်၊ ဟောလတ်ဘိဓမ္မာ ဟုလည်း ရှေးလူကြီးသူမများ ပြောဆိုရေးသားခဲ့ကြပါသည်။
ဝါဆိုလပြည့်ကျော် (၁) ရက်နေ့မှ သီတင်းကျွတ်လပြည့်နေ့ အထိ ရက်ပေါင်း (၉၀)၊ ၀ါတွင်း (၃) လ - မှာ
၁။ ဓမ္မသင်္ဂဏီကျမ်း ကို (၁၂) ရက်
၂။ ၀ိဘင်းကျမ်းကို (၁၂) ရက်
၃။ ဓာတုကထာကျမ်းကို (၆) ရက်
၎။ ပုဂ္ဂလပညတ်ကျမ်းကို (၇) ရက်
၅။ ကထာဝတ္ထုကျမ်းကို (၈) ရက်
၆။ ယမိုက်ကျမ်းကို (၂၀) ရက်
၇။ ပဋ္ဌာန်းကျမ်းကို (၂၅) ရက်
ဟောတော်မူခဲ့ပါတယ်။

အဘိဓမ္မာတရား ဒေသနာတော်ကို နည်း (၃) နည်း ဖြင့် ဟောကြားခဲ့ပါသည်။
(၁) အတိဝိတ္ထာရ ဒေသနာ (အကျယ်နည်း)
ဗုဒ္ဓမြတ်စွာသည် မယ်တော်ကို ကျေးဇူးဆပ်လိုခြင်း၊ မိဘကျေးဇူးကို သတ္တ၀ါတို့နားလည်စေလိုခြင်း၊ အဘိဓမ္မာတရားကို အစအဆုံး တထိုင်တည်း ဟောကြားလိုခြင်း၊ အစ အဆုံး တထိုင်တည်းဟောမှ နာကြားရသော တရားနာသူတို့ အကျိုးထူး ရနိုင်ခြင်း၊ အဘိဓမ္မာဒေသနာတော်၏ ကျယ်ဝန်းနက်နဲမှုကို သိစေလိုခြင်း၊ လူတို့သက်တမ်းနှင့် သုံးလလောက်ဟောမှ ကုန်နိုင်မည့် တရားဖြစ်သည့်အတွက် လူတို့ ဣရိယာပုထ်ဖြင့် ဟောသူရော နာသူပါ မနေနိုင်ခြင်း တို့ကြောင့် အဘိဓမ္မာ အကျယ်နည်းကို တာဝတိံ သာနတ်ပြည်၌ ဟောရခြင်းဖြစ်ပါသည်။
(၂) အတိသင်္ခေပဒေသနာ (အကျဉ်းနည်း)
မြတ်စွာဘုရားသည် လူသားဖြစ်တော်မူသည့်အတွက် ဆွမ်းခံခြင်း ဆွမ်းစားခြင်း ရေချိုးသန့်စင်ခြင်း စသည် ပြုလုပ်ရန် နိမ္မိတရုပ်ပွားတော်ကို အဓိဋ္ဌာန်ဖြင့် ဖန်ဆင်းပြီး လူ့ပြည်သို့ ကြွတော်မူရာတွင် ဟိမ၀န္တာစန္ဒကူးတော၌ နေ့သန့်စင် (အနားယူ) တော်မူပါတယ်။ ထို စန္ဒကူးတောတွင် အရှင်သာရိပုတ္တရာ မထေရ်သည် မြတ်စွာဘုရားအား ၀တ်ကြီးဝတ်ငယ် ပြုစုခစားခိုက် မြတ်စွာဘုရားက ရှင်သာရိပုတ္တရာအား အဘိဓမ္မာ တရားကို အကျဉ်းချုပ်နည်းဖြင့် ဟောတော်မူပါသည်။
(၃) နာတိ ၀ိတ္ထာရ နာတိသင်္ခေပ ဒေသနာ (မကျဉ်းမကျယ်နည်း)
အရှင်သာရိပုတ္တရာက မြတ်စွာဘုရား ဟောခဲ့သည့် အကျဉ်းနည်းကို တပည့် ရဟန်းငါးရာတို့အား မကျဉ်းမကျယ်နည်းဖြင့် ပြန်လည် ဟောတော်မူပါသည်။ နောက်တနေ့တွင် အရှင်သာရိပုတ္တရာက တပည့်ရဟန်း ငါးရာကို ဟောကြားသောအဘိဓမ္မာ ဒေသနာတော်အား မြတ်စွာဘုရား ထံမှောက်၌ ပြန်လည်တင်ပြ အစစ်ဆေးခံရာ မြတ်စွာဘုရားက နားထောင်၍ လက်ခံအတည်ပြု တော်မူခဲ့ ပါသည်။
ဤသို့ဖြင့် အဘိဓမ္မာ ဒေသနာတော်ကြီးသည် ခုနစ်ဝါမြောက်ဖြစ်သော မဟာသက္ကရာဇ် ၁၀၉ ခု ၀ါဆိုလပြည့်ကျော် (၁)ရက် မှ သီတင်းကျွတ်လပြည့်နေ့အထိ (၃)လအတွင်း နည်း(၃)နည်းဖြင့် လူ့ပြည်၊ နတ်ပြည် တပြိုင်တည်း ပေါ်ထွန်းခဲ့ပါသည်။

ဗုဒ္ဓမြတ်စွာဘုရားရှင်သည် အဘိဓမ္မာဒေသနာတော်ကို ဟောကြားပြီး တာဝတိံသာနတ်ပြည်မှ သင်္ကဿနဂိုရ်ပြည်သို့ သီတင်းကျွတ်လပြည့်နေ့တွင် ဆင်းသက်တော်မူခဲ့သဖြင့် ထူးမြတ်သောနေ့ အဖြစ်သတ်မှတ်ကြပါသည်။ ဘုရားရှင် ဆင်းသက်ကြွမြန်းလာသည်ကို ရည်စူးပြီး ဘုရားရှင်အား ပူဇော်သောအားဖြင့် ဆီမီးထွန်းကာ မီးထွန်းပွဲကျင်းပသော အစဉ်အလာသည် ရှေးဘိုးဘေးဘီဘင်များ လက်ထက်ကပင် ရှိခဲ့ပါသည်။ ထို့အပြင်ဘုရားရှင်သည် မယ်တော်ဖြစ်ခဲ့ဖူးသော နတ်သားကို တာဝတိံသာနတ်ပြည်၌ အဘိဓမ္မာခုနှစ်ကျမ်းကို ဟောကြားတော်မူပြီးနောက် သီတင်းကျွတ် လပြည့်နေ့တွင် လူပြည်သို့ သက်ဆင်းတော်မူသည်ကို အကြောင်းပြုလျှက် ဤနေ့ကို “အဘိဓမ္မာအခါတော်နေ့” ဟု သမုတ်ကာ အဘိဓမ္မာ ရွတ်ဖတ်ပူဇော်ပွဲများလည်း ကျင်းပကြပါသည်။

တစ်နည်းဆိုလျှင် သီတင်းကျွတ်လပြည့်နေ့ကို “ဘုရားဆုပန်နေ့” ဟူ၍လည်း ခေါ်ဆိုနိုင်ပါတယ်။ ဘုရားရှင် တာဝတိံသာမှ ဆင်းသက်တော်မူသောအခါ လကျာင်္ဘက်ရွှေစောင်းတန်းက နတ်ဒေ၀တာများ၊ လက်ဝဲဘက် ငွေစောင်းတန်းက ဗြဟ္မာများခြံရံလိုက်ပါကာ ကိုယ်တော်တိုင် အလယ်က ပတ္တမြားစောင်း တန်းဖြင့် ဆင်းသက်တော်မူပါသည်။ ထိုသို့ နတ်ဗြဟ္မာများခြံရံလိုက်ပါ၍ ဆင်းသက်တော်မူလာသည့် ဘုရားရှင်၏ တုနှိုင်းဖွယ်မရှိ တင့်တယ်ပြည့်စုံသော အသရေ တော်ကို ဖူးမြင်ကြရသောအခါ (၃၆)ယူဇနာ အတွင်းရှိသော ပရိသတ်အားလုံး ဘုရားကိုအားကျ၊ ဘုရားဖြစ်ချင် စိတ်တွေ ပေါ်လာကာ ဘုရားဆုကို တောင်းကြပါသည်။ ထို့အတွက်ကြောင့် “ဘုရားဆုပန်နေ့” ဟုခေါ်ဆိုထိုက်ပါသည်။

သီတင်းကျွတ်လပြည့်နေ့တွင် ၀ါတွင်းသုံးလကုန်ဆုံး ကျွတ်လွတ်သောနေ့ဖြစ်သဖြင့် ၀ါဆိုတော်မူကြကုန်သော သံဃာတော် အရှင်မြတ်တို့ လွတ်လွတ်ကျွတ်ကျွတ်သွားလာ သီတင်းသုံးနိုင်သည့် အခွင့်အရေးကို ရရှိကြပါသည်။ ထိုနေ့အထိဝါဆိုကြသည့် သံဃာများသည် အလွန်အကျိုးထူးသော ကထိန်အလှူကို ခံယူထိုက်သော အခွင့်အရေး လည်းရရှိကြပါသည်။
အချုပ်အားဖြင့်ဆိုရသော်
သီတင်းကျွတ်လပြည့်နေ့သည် ရဟန်းတော်များ ၀ါကျွတ်သောနေ့၊ အပြစ်ရှိက ပြောကြားပါရန် အချင်းချင်း ဖိတ်ပန်အမှုပြုကြသော ပ၀ါရဏာနေ့၊ ဘုရားရှင် တာဝတိံသာနတ်ပြည်၌ အဘိဓမ္မာတရားတော်ကို ဟောကြားပြီးမြောက် အောင်မြင်တော်မူသော အဘိဓမ္မာအခါတော်နေ့၊ နတ်ဗြဟ္မာအပေါင်းခြံရံလျက် တာဝတိံသာမှ သင်္ကဿနဂိုလ်ပြည်သို့ ဆင်းသက်တော်မူသောနေ့၊ ထိုသို့ဘုရားရှင် ဆင်းသက် တော်မူသည်ကို ရည်စူးပူဇော်သောအားဖြင့် ဆီးမီးစသည့် ထွန်းညှိပူဇော်သောနေ့၊ ဗြဟ္မာနတ် လူ သုံးဘုံသူတို့ ဘုရားရှင်အား အတူတကွ ကြည်ဖြူပူဇော်သောနေ့၊ နတ်လူအများ ဘုရားဆု ပန်သောနေ့ စသော ဂုဏ်ထူးဝိသေသအဖုံဖုံနှင့် ပြည့်စုံသော နေ့ထူးနေ့ မြတ် ပင် ဖြစ်ပါသည်။
ဤကဲ့သို့နေ့ထူး၊ နေ့မြတ်မှာ ဓမ္မမိတ်ဆွေ သူတော်ကောင်းများအားလုံး သတိပဋ္ဌာန်တရားတော်များကို နာယူကျင့်ကြံ အားထုတ်နိုင်ကြသဖြင့် ဒုက္ခခပ်သိမ်းကင်းငြိမ်းရာ အမြိုက်နိဗ္ဗာန်ကို ရနိုင်ကြပါစေဟု ဆုတောင်းပြီး ဤဆောင်းပါးကို နိဂုံးချုပ်လိုက်ရပါသည်။

အသျှင်ဉာဏုတ္တရ (သီရိလင်္ကာ)

ဘုရားဟော မဇ္စိုမပဋိပဒါ နှင့် ယနေ့ မြန်မာ

ခေါင်းစဉ်ကိုသာ အမြင့်ကြီး ပေးလိုက်ရပေမဲ့ FreeIdea ရဲ့ အတွေးအခေါ်၊ အရည်အချင်း၊ အသိပညာ လောက်နဲ့ ဒီအကြောင်း ရေးဖို့ မထိုက်တန်သေးဘူး ဆိုတာကိုတော့ အရင်ဦးဆုံး ၀န်ခံပါရစေ။
ဘာဘဲဖြစ်ဖြစ် ကိုယ်လက်လှမ်းမှီသလောက် တွေးခေါ်ပြီး ရေးသားပေးလိုက်ပါတယ် ....။

ဗုဒ္ဓ မြတ်စွာဘုရားရှင် ဟာ (၆) နှစ်တာ ကာလပတ်လုံး ဆင်းရဲတဲ့ကျင့်စဉ်နဲ့ ကျင့်ကြံအားထုတ်ခဲ့ရာမှာ သဗ္ဗညုဘုရားရှင် အဖြစ် မရောက်ရှိခဲ့ပါဘူး ....။ အဲဒီအချိန်မှာမှ ပြန်လည်ဝေဖန်သုံးသပ်ပြီး မဇ္စိုမပဋိပဒါ လို့ခေါ်တဲ့ အလယ်အလတ်လမ်းစဉ် ကို လိုက်နာပြီး ကျင့်ကြံပွားများခဲ့တာ မဟာသက္ကရာဇ် (၁၀၃)ခုနှစ်၊ ကဆုန်လပြည့်နေ့မှာ သစ္စာလေးပါးကို ထိုးထွင်းသိမြင်ပြီး သဗ္ဗညုဘုရားရှင် အဖြစ်သို့ ရောက်တော် မူခဲ့ပါတယ်။

ဒီ မဇ္စိုမပဋိပဒါ လမ်းစဉ်နဲ့ ပတ်သက်ပြီးလည်း အချက်(၈)ချက် ကို ဟောကြားတော်မူခဲ့ပါတယ် ...။ ဒီ လမ်းစဉ်(၈)ရပ် (သို့မဟုတ်) မဇ္စိုမပဋိပဒါ လမ်းစဉ် ကို အင်္ဂလိပ်လို "Noble Eightfold Path" "Middle Way" စသည်ဖြင့် အဆင်ပြေသလို ပြန်ဆိုကြတာကိုတော့ ဖတ်ဘူးပါသေးတယ် ...။

ဗုဒ္ဓဘာသာဝင်တွေအများဆုံးနေထိုင်ရာ ကျွန်တော်တို့မြန်မာနိုင်ငံအနေနဲ့ကော ဘုရားရှင်ရဲ့ ဟောကြားတဲ့ စကားကို ဘယ်လောက်လိုက်တာကြသလဲ ?
ဒီမေးခွန်းကို ဘုရားရှင်ဟောကြားတော်မူခဲ့တဲ့ လမ်းစဉ်(၈) ရပ်နဲ့ အတူယှဉ်တွဲပြီး ကျွန်တော်တို့ စဉ်းစားကြည့်ကြရအောင်ပါ ....။ မေးခွန်းအတွက် အဖြေတစ်ခုတော့ ထွက်လာကောင်းပါရဲ့ ....။
(၁) သမ္မာဒိဋ္ဌိ
လမ်းစဉ်အမှတ်(၁) အနေနဲ့ သမ္မာဒိဋ္ဌိ လို့ ဘုရားရှင်ဟောတော်မူခဲ့ပါတယ် ...။ မြန်မာလိုတိုက်ရိုက်ပြန်ဆို မယ်ဆိုရင် မှန်ကန်တဲ့အမြင်၊ မှန်ကန်တဲ့ နားလည်မှု လို့ပြန်လို့ရပါတယ် ...။ အင်္ဂလိပ်လိုဆိုရင်တော့ Right View, Right Understanding လို့ပြောရမှာပါ ...။
မှန်ကန်တဲ့အမြင်ရှိဘို့အတွက် အမြင်မှန်ဘို့တော့ လိုအပ်ပါတယ်။ အမြင်မှန်ဘို့အတွက် မှန်ကန်တဲ့ နားလည်မှု ရှိဘို့လိုပါတယ်။
လက်ရှိ မြန်မာနိုင်ငံမှာ ဖြစ်ပေါ်နေတဲ့ ပဋိပက္ခတွေကို ဆန်းစစ်ကြည့်ရင် သမ္မာဒိဋ္ဌိ အားနည်းနေတယ် လို့ပြောရမှာပါ ...။ နိုင်ငံတော်အစိုးရဘက်က အားနည်းမှုတွေရှိနေသလို ပြည်သူတွေဘက်ကလည်း အားနည်းမှုတွေ ရှိခဲ့တာ အမှန်ပါ ...။ ဒီလိုအားနည်းမှုတွေကြောင့် ၀မ်းနည်းစရာကောင်းတဲ့ သတင်းတွေ ကြားခဲ့ရကြသလို ကြည်ကွဲစရာမြင်ကွင်းတွေကိုလည်း မြင်တွေ့ခဲ့ကြပြီးပါပြီ .....။ ရှေ့ဆက်လျှောက်မဲ့ ခရီး အတွက် ဒီလိုအဖြစ်ဆိုးတွေကနေ ကင်းလွှတ်အောင် ကြိုးစားကြဖို့တော့ လိုအပ်မယ်ထင်ပါတယ် ....။ သမ္မာဒိဋ္ဌိ အားကောင်းလာအောင် ကြိုးစားကြရမှာပါ ...။
(၂) သမ္မာသင်္ကပ္ပ
လမ်းစဉ်အမှတ်(၂) အနေနဲ့ သမ္မာသင်္ကပ္ပ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့အတွေး လို့ပြန်လို့ရပါတယ် ...။ အင်္ဂလိပ်လိုတော့ "Right Resolutions" "Right Aspirations" "Right Ideas" စသဖြင့် အမျိုးမျိုးပြန်ဆိုကြတယ်။ ဆရာတော်ကြီး တစ်ပါးကတော့ မှန်ကန်တဲ့အတွေးကို အင်္ဂလိပ်လို "Right Thoughts" လို့ပြန်ဆိုသင့်ကြောင်းပြောတာ ကြားဖူးပါတယ် ....။ ဘယ်လိုဘဲ ဘာသာပြန်ပါစေ အရေးမကြီးပါဘူး ...။ အရေးကြီးတာက လူတိုင်း လူတိုင်းရဲ့ စိတ်ထဲမှာ မှန်ကန်တဲ့အတွေးတွေကို အမြဲမပြတ် တွေးခေါ်နေကြဖို့ လိုအပ်မှာပါ။
ဒီမိုကရေစီ ဆိုတဲ့ ခေတ်စနစ်ဟာ အုပ်ချုပ်တဲ့ အစိုးရအဖွဲအစည်းတွေမှာချည်းဘဲ တိုင်းရင်းသား ပြည်သူ အားလုံးမှာလည်း တာဝန်ရှိတဲ့ သဘောတရားပါ ....။ ဒီနေရာမှာ အစိုးရ ဟာ "အာဏာပိုင်" မဟုတ်ပါဘူး။ ပြည်သူကတင်မြှောက်ထားတဲ့ "အုပ်ချုပ်သူ" သာလျှင်ဖြစ်ပါတယ်....။
ဒီတော့ ဖြစ်ပျက်ခဲ့သမျှ မြန်မာ့ပြဿနာတွေမှာ နှစ်ဦးနှစ်ဘက် မှန်ကန်တဲ့ အတွေးတွေ အားနည်းခဲ့ကြတော့ ဒုက္ခဆင်းရဲတွေနဲ့ ကြုံခဲ့ကြတယ်ဆိုတာ သိသာလှပါတယ် ...။ သမ္မာသင်္ကပ္ပ အားကောင်းအောင် ကြိုးစားကြရအုံးမှာပါ .....။
(၃) သမ္မာဝါစာ
လမ်းစဉ်အမှတ်(၃) အနေနဲ့ သမ္မာဝါစာ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့စကား လို့ပြန်လို့ရပါတယ် ...။ အပေါ်ကလမ်းစဉ်တွေ အားနည်းပြီး ပြဿ နာတွေ ပေါ်ပေါက်လာ တဲ့အချိန်မှာ သမ္မ၀ါစာ ဆိုတဲ့ မှန်ကန်တဲ့စကားကတော့ ထွက်ပေါ်လာတော့မှာ မဟုတ်ပါဘူး ....။
ကိုယ်ပြောတဲ့စကား မှန်ကန်နေရုံနဲ့ မလုံလောက်ပါဘူး။ နားဝင်ချိုနေရုံနဲ့ မလုံလောက်ပါဘူး။ သာယာနာပျော်ဖွယ်ကောင်းနေရုံနဲ့ မလုံလောက်ပါဘူး။ ကိုယ်ပြောလိုက်တဲ့စကားဟာ သူတစ်ပါးအတွက် အသုံးတည့်ရပါမယ်၊ အကျိုးဖြစ်ထွန်းစေရပါမယ်။ အကျိုးရှိရပါမယ်။
"What one utters is not only true, sweet and pleasant but also useful, fruitful and beneficial."
သမ္မာဝါစာ စကားဟာ ပြောသူရော နားထောင်ရသူကိုပါ စိတ်ချမ်းမြေ့စေတာ အမှန်ပါ ...။ ဒီတော့ ကျွန်တော်တို့တစ်တွေလည်း သမ္မာဝါစာ အားကောင်းလာအောင် ပိုပြီးကြိုးစားသင့်ပါတယ် ...။
(၄) သမ္မာကမ္မန္တ
လမ်းစဉ်အမှတ်(၄) အနေနဲ့ သမ္မာဝါစာ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် အလုပ်မှန်တာ လို့ပြန်လို့ရပါတယ် ...။ အင်္ဂလိပ်လို ဆိုရင်တော့ Right Action လို့ပြန်ရမှာပါ။ လူ့လောကမှာ အပြောအဆိုမှန်နေရုံနဲ့ မပြီးသေးဘဲ အလုပ်မှန်ဖို့လည်းလိုတယ် ဆိုတာကို ဘုရားရှင်က ထောက်ပြ ဟောကြားခဲ့တာပါ။
လောဘစိတ်၊ ဒေါသစိတ်တွေအခြေခံပြီး သူ့တပါးအသက် သတ်ခြင်း၊ သူ့ဥစ္စာ ခိုးခြင်း၊ သူတပါးသားမယား ပြစ်မှားစော်ကားခြင်းတို့ကို မလွန်ကျူးဘူးဆိုရင် Right Action လို့ပြောလို့ရပါတယ် ...။ အခုဖြစ်ပျက်ခဲ့သမျှ မြန်မာ့ပြဿနာတွေမှာတော့ Right Action ကိုမတွေ့ခဲ့ရပါဘူး .... Wrong Action လို့ပြောလို့ရတဲ့ လုပ်ရပ်တွေကိုဘဲ တွေ့နေကြရမှာပါ ....။ ဒီတော့ သမ္မာကမ္မန္တ အားကောင်းကြဖို့ လိုနေပြီပေါ့ ....။
(၅) သမ္မာအာဇီဝ
လမ်းစဉ်အမှတ်(၅) အနေနဲ့ သမ္မာအာဇီဝ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့စီးပွါးရေးလုပ်ငန်း လို့ပြန်လို့ရပါတယ် ...။ အင်္ဂလိပ်လို ဆိုရင်တော့ Right Livelihood လို့ပြန်ရမှာပါ။ လူတော်တော်များများရဲ့ ပါးစပ်ဖျားမှာ ရေပန်းစားနေတဲ့ စကားလုံးဖြစ် ပေမဲ့ တကယ်လိုက်နာနိုင်တဲ့သူက နည်းပါးလှပါတယ် ....။ ဒုက္ခဆင်းရဲတွေ၊ ပြဿနာတွေ ကြားမှာ စီးပွားရှာရတာ ပိုကောင်းတယ်လို့ ပြောတဲ့စကားတောင် ကြားဖူးပါသေးတယ် ...။
ဗုဒ္ဓဘာသာစာပေထဲမှာ မလုပ်ရမဲ့စီးပွါးရေးလုပ်ငန်း ငါးမျိုး ကို ပြဆိုထားပါတယ်။
လက်နက်ရောင်းဝယ်မှု (Trading Arms)
လူကုန်ကူးမှု (Trading Human beings)
သားငါးမွေးမြူရေး (Trading Animals/Flesh)
အရက်၊ မူးယဇ်ဆေးဝါး (Trading Intoxicating Drinks)
အဆိပ် (Trading Poison)
ဒါပေမဲ့ ဒီနေ့အချိန်မှာ တကယ်စီးပွားဖြစ်ပြီး ချမ်းသာကြွယ်ဝ,နေတဲ့ သူတွေကို လေ့လာလိုက်ရင် ဒီစီးပွားရေး (၅)မျိုးထဲက ပြေးမလွတ်ကြပါဘူ ....။ သမ္မာအာဇီဝ အားကောင်းဖို့လည်း ကြိုးစားကြရ အုံးမှာပါ။
(၆) သမ္မာဝါယာမ
လမ်းစဉ်အမှတ်(၆) အနေနဲ့ သမ္မာဝါယာမ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့ကြိုးစားအားထုတ်မှု လို့ပြန်လို့ရပါတယ် ...။ အင်္ဂလိပ်လို ဆိုရင်တော့ Right Effort လို့ပြန်ရမှာပါ။
ဗုဒ္ဓစာပေမှာ မှန်ကန်တဲ့ကြိုးစားအားထုတ်မှုလေးမျိုး ရှိတယ်။
ဖြစ်ပေါ်ပြီးတဲ့မကောင်းမှုအကုသိုလ်တွေကို ပယ်စွန့်နိုင်အောင် ကြိုးစားခြင်း။
မဖြစ်သေးတဲ့ မကောင်းမှုအကုသိုလ်တွေကို မဖြစ်မိအောင် ကြိုးစားခြင်း။
မဖြစ်ပြီးသေးကုသိုလ်ကောင်းမှုတွေကို ဖြစ်ပေါ်လာအောင် ကြိုးစားခြင်း။
ဖြစ်ပြီးတဲ့ကုသိုလ်ကောင်းမှုတွေကို တိုးပွါးလာအောင် ကြိုးစားခြင်း။
ဆိုတာတွေပါပဲ ....။
ဒီတော့ ဖြစ်ပျက်ခဲ့တဲ့ မြန်မာ့အရေးတွေနဲ့ ပတ်သက်ပြီး ကြုံတွေ့ခဲ့ရတဲ့ အ,ကုသိုလ်တွေကို ကျွန်တော်တို့တွေ ပယ်စွန့်ကြရပါမယ် ....။ ဒါတွေကို စံနမူနာယူပြီး နောက်ဖြစ်လာမဲ့ ပြဿနာ (အ,ကုသိုလ်) တွေကို မဖြစ်အောင်လည်း ကြိုးစားမှ ရပါမယ် ....။ ဒီ့အပြင် မြန်မာနိုင်ငံတော်ကြီး တိုးတက် စည်ပင်ရေး (ကုသိုလ်) အတွက်လည်း ကြိုးစားကြရပါမယ် ....။ နိုင်ငံတော်ကြီး ခေတ်မီဖွံ့ဖြိုးလာပြီ ဆိုရင် လည်း ရေရှည်တည်တံ့နိုင်ရေးအတွက် ကြိုးစားကြရပါအုံးမယ် ...။ ဒါမှသာ သမ္မာဝါယာမ လမ်းစဉ်သို့ ရောက်ရှိနိုင်မှာ ဖြစ်ပါတယ် ....။
(၇) သမ္မာသတိ
လမ်းစဉ်အမှတ်(၇) အနေနဲ့ သမ္မာသတိ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့သတိ လို့ပြန်လို့ရပါတယ် ...။ အင်္ဂလိပ်လို ဆိုရင်တော့ Right Mindfulness လို့ပြန်ရမှာပါ။
ဘာသာရေး( လောကုတ္တရာ) အတွက်သာမက လူမှုရေး (လောကီ) နယ်ပယ်အတွက်ပါ သတိ ဆိုတဲ့ စကားလုံးက အရမ်းလေးနက်တန်ဖိုးထားသင့်တဲ့ စကားလုံးလေးပါ ...။ အရာရာမှာ သတိလက်လွတ် ဖြစ်ရင် အမှားတွေနဲ့ ရင်ဆိုင်ရစမြဲပါ ....။ နိုင်ငံတစ်နိုင်ငံရဲ့ အချုပ်အခြာအာဏာ တည်တံ့ ခိုင်မြဲရေးအတွက် ပြည်သူပြည်သားအားလုံး ရဲ့ရင်ထဲမှာ နိုင်ငံချစ်စိတ်၊ မျိုးချစ်စိတ် သတိတရားတွေ ကိန်းအောင်းနေဖို့ လိုအပ်လှပါတယ် ....။ ဒီလိုဘဲ တစ်ဘက်စွန်းရောက်တဲ့ သတိတရားတွေ မကိန်းအောင်း ဖို့လည်း အရေးကြီးလှပါတယ် ...။ ဒါမှသာ သမ္မာသတိ လမ်းစဉ်နဲ့ ကိုက်ညီနိုင်မှာ ဖြစ်ပါတယ် ....။
(၈) သမ္မာသမာဓိ
လမ်းစဉ်အမှတ်(၈) အနေနဲ့ သမ္မာသမာဓိ လို့ ဘုရားရှင်ဟောတော်မူခဲ့ပါတယ်...။ မြန်မာလို တိုက်ရိုက်ပြန်ဆို မယ်ဆိုရင် မှန်ကန်တဲ့သမာဓိ လို့ပြန်လို့ရပါတယ် ...။ အင်္ဂလိပ်လို ဆိုရင်တော့ Right Concentration လို့ပြန်ရမှာပါ။
ဒီလမ်းစဉ်ကတော့ အထက်မှာဖေါ်ပြခဲ့တဲ့ လမ်းစဉ်တွေနဲ့ ကိုက်ညီနေခဲ့မယ်ဆိုရင် မလွဲမသွေ ရင်ထဲမှာကိန်း အောင်းလာမဲ့ လမ်းစဉ်တစ်ခုပါ ....။ နိုင်ငံတော်ကို အုပ်ချုပ်နေတဲ့ လူတန်းစားတွေ အနေနဲ့ ကျောသားရင်သား မခွဲခြားဘဲ ဥပဒေအတိုင်း အုပ်ချုပ်စီမံရမှာ ဖြစ်သလို အုပ်ချုပ်ခံပြည်သူတွေ အနေနဲ့လည်း အုပ်ချုပ်သူတွေမို့ မြှောက်ထိုးပင့်ကော် ပြုလုပ်နေစရာ မလိုပါဘူး ...။ ဒါမှသာ သမ္မာသမာဓိ လမ်းစဉ်နဲ့ ကိုက်ညီနိုင်မှာ ဖြစ်ပါတယ် ....။

ဘုရားရှင် ဟောတော်မူခဲ့တဲ့ မဇ္စိုမပဋိပဒါ လမ်းစဉ် နဲ့ ပတ်သက်ပြီး FreeIdea တို့ငယ်ငယ်တုန်းက "အတွေး အမြင်" စာစောင်တစ်ခုမှာ ဖတ်ဖူးခဲ့တဲ့ ကဗျာတိုလေးတစ်ခုကို သတိရမိပါသေးတယ် .....။
" အမြင့် မှာ နေလျှင် လေတိုက်၍ ကြွေတတ်သည်
အနိမ့် မှာ နေလျှင် မြွေ ကိုက်၍ သေတတ်သည်
ဤစကား နှစ်လီကို ကြံစည်ကာ တွေးဆကြည့်လျှင်
လူတို့မှာ မနိမ့်၊ မမြင့်၊ မတိမ်း၊ မစောင်း
တံငါလုလင် မျှားကြိုးငင် သို့ .... "
ဆိုတာလေးပါ ....။ တံငါသည်တွေ ငါးမျှားတဲ့အခါမှာ ငါးစာ ကို ငါးလာစားတဲ့အချိန် မျှားတံကို ခပ်ပြင်းပြင်းငင် လိုက်ရင် (သို့မဟုတ်) ဖြေးဖြေးလေးငင်လိုက်ရင် ငါး ကိုမဖမ်းမိနိုင်ပါဘူး ....။ အခြေအနေပေါ်မူတည်ပြီး အနေတော်လေး ငင် လိုက်မှ ငါးကို ဖမ်းမိနိုင်မယ် ဆိုတာလေးကို ဥပမာထားပြီး အလယ်အလတ်လမ်းစဉ်ရဲ့ သဘောလေးကို ရေးသားထားတာပါ ...။

လက်လှမ်းမီသလောက်၊ ဥာဏ်မီသလောက် ရေးသားပြတာပါ ....။ တွေးခေါ်မှုလေးအပေါ် ဝေဖန်စရာရှိ ခဲ့ရင် Comment မှာရေးခဲ့လို့ ရပါတယ် ...။ ဘုရားဟောလမ်းစဉ် (၈) ရပ်နဲ့ ပတ်သက်ပြီး DHAMMA GARDEN CENTRE မှ လမ်း ဆိုတဲ့ Post လေးကို ကိုးကားထားပါတယ် ...။
မိတ်ဆွေများအားလုံး ဘုရားဟော မဇ္စိုမပဋိပဒါ လမ်းအတိုင်း လျှောက်လှမ်းနိုင်ကြပါစေ .....။

ဤဆိုဒ်မှ

တောင်သူလယ်သမားအရေး ကာကွယ်ရေး လွှတ်တော်မှာ ဆွေးနွေး

အောင်ရဲ မောင်မောင်
01.04.2013

တောင်သူလယ်သမားအရေး ကာကွယ်ပေးရေး ဥပဒေတရပ် ပြဌာန်းနိုင်ဖို့ ဒီကနေ့ လွှတ်တော်မှာ လွှတ်တော်ဥက္ကဌ သူရ ဦးရွှေမန်းအပါအ၀င်၊ ဒေါ်အောင်ဆန်းစုကြည် နဲ့ မြန်မာနိုင်ငံ ဆန်စပါးအသင်းချုပ်က တာဝန်ရှိသူတွေပါ တက်ရောက်ပြီး ဆွေးနွေး ခဲ့ကြတာပါ။

လယ်သမားတွေအတွက် အခွင့်အရေးပေးနိုင်ဖို့ ရေးဆွဲမယ့် ဥပဒေဖြစ်တဲ့အတွက် လယ်သမားတွေနဲ့ လယ်သမားအရေး အဓိကထား ဆောင်ရွက်နေတဲ့ အဖွဲ့အစည်းတွေပါ  ပါဝင်သင့်တယ်လို့လည်း တောင်သူလယ်သမားနဲ့ စိုက်ပျိုးရေး အလုပ်သမားများ အဖွဲ့ချုပ်က ခေါင်းဆောင်ပိုင်းတွေက ပြောပါတယ်။

ဒီသတင်းအပြည့်အစုံကိုတော့ ဆက်သွယ် မေးမြန်းထားတဲ့ ဗွီအိုအေ မြန်မာပိုင်းရဲ့ သတင်းထောက် ကိုအောင်ရဲမောင်မောင်က ပြောပြပေးမှာ ဖြစ်ပါတယ်။

လယ်သမားတွေရဲ့ လက်ရှိ လယ်ယာကဏ္ဍမှာ ကြုံတွေနေရတဲ့ ကြွေးမှီ အခက်အခဲတွေ ကို ဖြေလည်ဖို့နဲ့ ရှေ့လာမယ့် လယ်ယာကဏ္ဍ ဖွံ့ဖြိုးရေးလုပ်ငန်းတွေမှာ အဓိက
ဆောင်ရွက်ကြမှာဖြစ်တဲ့ လယ်သမားတွေရဲ့ ဘ၀ အာမခံချက် အတွက်ကိုပါ အထောက်အကူပြုတဲ့ ဥပဒေတရပ် ရေးဆွဲနိုင်ဖို့ကို လွှတ်တော်အတွင်းမှာ
ဆွေးနွေးခဲ့ကြတာ ဖြစ်တယ်လို့ မြန်မာနိုင်ငံ ဆန်စပါး လုပ်ငန်းရှင်များ အသင်းချုပ် ဥက္ကဌ ဦးချစ်ခိုင် က ပြောပါတယ်။

“တောင်သူလယ်သမားတွေကို ကာကွယ်ရေး ဥပဒေ ရေးဆွဲဖို့အတွက် ခေါ်ယူဆွေးနွေး အကြံပြုချက်တွေ တောင်းတာ၊ တင်ပြချက်တွေကို ခေါ်ပြီးတော့ ပဏာမ နားထောင်တာပေါ့နော်။”

လက်ရှိ ပြည်တွင်းမှာရှိတဲ့ လယ်သမား အများစုဟာ အစိုးရဆီက ချေးယူထားတဲ့
ငွေကြေးတွေကို ပြန်မဆပ်နိုင်တာကြောင့် ချေးငွေအသစ် ထပ်မရနိုင်တာတွေကို ကြုံတွေ့နေရတာအတွက် အစိုးရအနေနဲ့ လယ်သမားတွေရဲ့ ကြွေးမှီတွေကို နိုင်ငံတော်က ကူဆပ်ပေးတာမျိုးတွေ လုပ်သင့်တယ်လို့ ဒီကနေ့ပွဲမှာ ဆွေးနွေးခဲ့တဲ့ အကြောင်း ဦးချစ်ခိုင်က အခုလို ပြောပါတယ်။

“လယ်ယာကဏ္ဍရဲ့ ကြွေးမြီကိစ္စတွေကို အကြွေး လျှော်ပစ်တဲ့နည်း ဒါမှမဟုတ် အကြွေး ဆိုင်းငံ့ပြီးတော့ အကြွေးကို ကာလကို နည်းနည်းလေး ဆန့်ပေးဖို့ပေါ့နော် အတိုးရပ်ဆိုင်း ကာလဆန့်ပေးဖို့ကိစ္စ၊ ဒီနှစ်ခုကိုပဲ ဆွေးနွေးခဲ့တာပေါ့။”

အခုလို တောင်သူလယ်သမားတွေဟာ ကြွေးမှီ ပြဿနာတွေကို အဓိက ရင်ဆိုင်နေရသလို ရာသီဥတုကြောင့် သီးနှံပျက်စီးတာတွေကိုလည်း မြန်မာပြည် အရပ်ရပ်က လယ်သမားတွေက ရင်ဆိုင်နေရတာလည်း ဖြစ်ပါတယ်။

ဒါကြောင့် ရှေ့လာမယ့် လွှတ်တော်မှာ လယ်သမားတွေ ရင်ဆိုင်နေရတဲ့ အခက်အခဲတွေ ကို ပြေလည်နိုင်ဖို့အတွက် အကူအညီ ပေးနိုင်တဲ့ ဥပဒေတခု ရေးဆွဲ ပြဌာန်းနိုင်ဖို့ လွှတ်တော်က ဆောင်ရွက်ရမှာ ဖြစ်တယ်လို့ ပြည်သူ့ လွှတ်တော်ဥက္ကဌ သူရ ဦးရွှေမန်း က ပြောခဲ့သလို၊ ဒီကနေ့ ဆွေးနွေးပွဲကို တက်ရောက်လာတဲ့  ပြည်သူ့ လွှတ်တော် ကိုယ်စားလှယ် ဒေါ်အောင်ဆန်းစုကြည်ကလည်း လယ်သမား ပြဿနာကို မူဝါဒတရပ် ထားပြီး ဖြေရှင်းဖို့နဲ့ လယ်သမားတွေ ဆင်းရဲမှု လျှော့ချနိုင်ရေးအတွက်တွေကို အဓိကထား ဆွေးနွေးခဲ့တယ်လို့ ဦးချစ်ခိုင် က ပြောပါတယ်။

“ဒေါ်အောင်ဆန်းစုကြည်က ဒီလယ်ယာကဏ္ဍနဲ့ပတ်သက်တဲ့ မူဝါဒပိုင်းဆိုင်ရာတွေ ပြော ပါတယ်။ လယ်သမားတွေရဲ့ ကြွေးမြီကိစ္စ၊ လယ်ယာကိုင်းမျိုးကိစ္စတွေ၊ ကျေးလက် လယ်သမားတွေရဲ့ ဆင်းရဲမှု လျှော့ချရေးကိစ္စတွေ၊ နောက်တခါ လမ်းပန်းဆက်သွယ်ရေး နဲ့ တခြားကိစ္စတွေ ပြောပါတယ်။ ဥက္ကဌကြီးကလည်း ဒီကိစ္စ ဥပဒေတွေကို အမြန်ဆုံး
ရေတိုလုပ်ရမယ့် လုပ်ငန်းနဲ့ ရေရှည်လုပ်ရမယ့် လုပ်ငန်းတွေ ဥပဒေ ပေါ်ပေါက်လာရေး အတွက်ကို အသေးစိတ်ပြောပါတယ်။”

လယ်သမားတွေရဲ့ ကြွေးမှီပြဿနာနဲ့ သီးနှံတွေ အောင်အောင် ဘယ်လို ဆောင်ရွက်သင့် တာတွေနဲ့ပတ်သက်ပြီး ဆွေးနွေးခဲ့သလို အရင် စစ်အစိုးရလက်ထက်က လယ်မြေတွေကို သိမ်းတာကြောင့် လယ်သမားတွေ လယ်ယာမြေ ဆုံးရှုံးမှုတွေ ရှိခဲ့တာကြောင့် နောင်မှာ လယ်ယာမြေ မှတ်ပုံတင်တွေ ခိုင်ခိုင်မာမာ ရှိရေးတွေ ဖြစ်လာဖို့တွေကိုလည်း ဥပဒေကြမ်းမှာ ပါနိုင်ဖို့ ဆွေးနွေးတယ်လို့ ဦးချစ်ခိုင် က ပြေပါတယ်။

ဒီကနေ့ နေပြည်တော်မှာ လုပ်ခဲ့တဲ့ပွဲမှာ လယ်သမားအရေးနဲ့ လယ်ယာမြေအရေး ဆောင် ရွက်နေတဲ့ အဖွဲ့အစည်းတွေ ပါဝင်ခြင်းမရှိခဲ့ပါဘူး။ လယ်သမား အခွင့်အရေးနဲ့ ပတ်သက် ပြီး ဆွေးနွေးတဲ့ပွဲမှာ လယ်သမားအရေး လက်တွေ့ဆောင်ရွက်တဲ့ အဖွဲ့တွေ ပါသင့်တယ် လို့ တောင်သူလယ်သမားနဲ့ စိုက်ပျိုးရေး အလုပ်သမားများ အဖွဲ့ချုပ် က ဥက္ကဌ ဦးသန်းဆွေ က ပြောပါတယ်။

“သူတို့ လွှတ်တော်ထဲမှာ ဆွေးနွေးတာကတော့ တပိုင်းပေါ့။ တကယ်တမ်း အောက်ခြေ မှာ ဖြစ်တဲ့ဟာတွေက တခြားစီတွေပဲ။ ကျနော်တို့ ခံစားနေရတာတွေ အများကြီးပဲဗျ။
နိုင်ငံတော်က မူဝါဒတွေ အမျိုးမျိုး ပြောင်းလဲသော်လည်းဘဲ၊ အောက်ခြေမှာ လုံးဝ မပြောင်းလဲဘူး။ အဲ့ဒီအတွက် ကျနော်တို့က စိတ်မကောင်းဘူးခင်ဗျ။”

လယ်သမားချေးငွေနဲ့ပတ်သက်ပြီး အချိန်ကာလ ကြာရှည်စွာ ချေးငွေ ချထားပေးဖို့ ဥပဒေမှာ ထည့်သွင်းထားတယ်လို့ လယ်သမားအရေး ဆောင်ရွက်ပြီး ကိုယ်တိုင်လည်း လယ်သမားတဦးဖြစ်တဲ့ မစုမာ က အခုလို ပြောပါတယ်။

“သူတို့တကယ်ပဲ လယ်သမားတွေဘက်ကို ကြည့်ရှုထောက်ညှာမယ်ဆိုရင် အကြွေးတွေကိုလည်း ကျမ ထင်တယ်။ ကျမတို့ကိုတောင်မှ နိုင်ငံတကာက တိုင်းပြည်ကို လျှော်ပေးနေတယ်ဆိုရင် ကျမတို့ရဲ့ တိုင်းပြည်မှာရှိနေတဲ့ လယ်သမားတွေကိုလည်း တိုင်းပြည်က ပြန်ပြီး လျှော်ပေးသင့်တယ်လို့ ကျမတို့ ထင်ပါတယ်။ ကာလတို ကာလရှည်နဲ့ဆိုရင် ကျမ ထင်တယ်ပေါ့နော် ကျမတို့ ချေးတယ်ဆိုရင်တော့ သိပ်ပြီးတော့ အဆင်မပြေလောက်ဘူး။ ဖြစ်နိုင်ချေ အများဆုံးကတော့ ဖြစ်သင့်တာကတော့ ကာလရှည် ချေးပေးမယ်ဆိုရင် အတိုးနှုန်း သက်သာစွာနဲ့ ချေးပေးမယ်ဆိုရင် ကျမတို့ လယ်သမားတွေအတွက် အသက်ရှု အများကြီး ချောင်နိုင်ပါတယ်။”

နိုင်ငံတော် သမ္မတ ဦးသိန်းစိန်ကလည်း လက်ရှိ လယ်ယာကဏ္ဍ ဖွံ့ဖြိုးဖို့အတွက် ပြည်ပ က ချေးငွေတွေရအောင် ဆောင်ရွက်ပြီး လယ်သမားတွေအတွက် ချေးပေးနိုင်ဖို့တွေ
ဆောင်ရွက်ပေးမယ်လို့လည်း မတ်လ ၃၁ ရက် မနေ့က ပြည်သူကို ပြောကြားခဲ့တဲ့ အသံလွှင့် မိန့်ခွန်းမှာ ပြောခဲ့ပါသေးတယ်။

(VOA)  မှ

George Soros ၈၈ ခေါင်းဆောင်တွေနဲ့ တွေ့ဆုံ

ကိုဇော်ဝင်းလှိုင်
01.04.2013

မြန်မာနိုင်ငံမှာ ရောက်နေတဲ့ Open Society Institute အဖွဲ့ တည်ထောင်သူ ဂျော့ရှ် ဆိုးရော့စ် (George Soros) ဟာ မကြာသေးခင် သီတင်းပတ်အတွင်းက ဖြစ်ပေါ်ခဲ့တဲ့ အကြမ်းဖက် ဆူပူမှုမျိုး တွေ နောက်ထပ် မဖြစ်ပေါ်ရအောင် နည်းလမ်းရှာဖွေတဲ့ တွေ့ဆုံဆွေးနွေးမှုတွေ အရပ်ဘက် လူမှုအဖွဲ့အစည်းတွေ နဲ့ ပြုလုပ်နေတာမှာ ဒီကနေ့ ၈၈ မျိုးဆက် ကျောင်းသားခေါင်းဆောင်
တွေနဲ့ တွေ့ဆုံခဲ့ပါတယ်။ အပြည့်အစုံကို ကိုဇော်ဝင်းလှိုင် က တင်ပြထားပါတယ်။

မြန်မာနိုင်ငံကို မတ်လ ၂၇ ရက်နေ့ကတည်းက ရောက်နေတဲ့ Open Society Institute အဖွဲ့ စတင်တည်ထောင်သူ သန်းကြွယ်သူဌေးကြီး ဂျော့ရှ် ဆိုးရော့စ် (George Soros) ဟာ ၈၈ မျိုးဆက် ကျောင်းသားခေါင်းဆောင်တွေနဲ့ ရန်ကုန်မြို့ သင်္ကန်းကျွန်းမြို့နယ်က ရုံးခန်းမှာ သွားရောက် တွေ့ဆုံခဲ့တာပါ။

ပွင့်လင်းလူ့အဖွဲ့အစည်း ဖြစ်ပေါ်လာရေးနဲ့ ပညာရေးကဏ္ဍတွေအတွက် ငွေကြေးဆိုင် ရာ ထောက်ပံ့မှုတွေ ပေးနေတဲ့ OSI – Open Society Institute အနေနဲ့ မြန်မာနိုင်ငံမှာ အခုနောက်ဆုံး ဖြစ်သွားခဲ့တဲ့ ပဋိပက္ခတွေနဲ့ ပတ်သက်ပြီး ထပ်မံ မဖြစ်ပွားစေဖို့နဲ့ ငြိမ်းချမ်းစွာ ဖြေရှင်းနိုင်ရေးတို့ကို ၈၈ မျိုးဆက် ကျောင်းသား ခေါင်းဆောင်တွေ ဖြစ်ကြတဲ့ ကိုမင်းကိုနိုင်၊ ကိုကိုကြီး၊ ကိုအံ့ဘွယ်ကျော်၊ ကိုမာကီးတို့နဲ့ တွေ့ဆုံ ဆွေးနွေးခဲ့တာပါ။

ဆွေးနွေးဖြစ်ခဲ့တဲ့ အကြောင်းအရာတွေနဲ့ပတ်သက်လို့တော့ ၈၈ မျိုးဆက် ကျောင်းသား
ခေါင်းဆောင် တဦးဖြစ်သူ ကိုအံ့ဘွယ်ကျော်က အခုလို ပြောပြပါတယ်။

“မြန်မာနိုင်ငံတွင်းမှာ မကြာသေးခင်က ဖြစ်တဲ့ ပြဿနာတွေပေါ့ဗျာ။ ပဋိပက္ခတွေ ပတ်သက်ပြီးတော့ သူက နောက်နောင် အဲ့ဒါမျိုး မဖြစ်စေချင်တဲ့သဘောနဲ့ ကျနော်တို့ CSO အနေနဲ့ နောက်နောက် ဘယ်လို တားနိုင်မလဲ။ ပြီးခဲ့တဲ့ ကိစ္စတွေအတွက်ရော ဘယ်လို ထိန်းသိမ်းပြီး ဆောင်ရွက်သလဲ ဆိုတဲ့ကိစ္စတွေကို ကျနော်တို့နဲ့ အပြန်အလှန် ဆွေးနွေးဖြစ်ကြတာပါ။ အခု အကြမ်းဖျဉ်းအနေနဲ့ကတော့ပေါ့နော် ဒီကိစ္စတွေ ဖြစ်မလာအောင် CSO တွေ အချင်းချင်း ဒီအရပ်ဘက် လူ့အဖွဲ့အစည်း အချင်းချင်းကြားမှာ ဘယ်လို ထိန်းသိမ်းကြမလဲဆိုတဲ့ အဲ့ဒီကိစ္စလေးတွေကိုပဲ ယေဘုယျ ကျနော်တို့ တိုင်ပင်ဆွေးနွေးဖြစ်ကြတာပါ။ ဘာသာရေး ပဋိပက္ခဖြစ်တဲ့ကိစ္စကိုလည်း သူ စိတ်ဝင်စားတယ်ပေါ့။ အဲ့ဒီ စိတ်ဝင်စားတဲ့အပေါ်မှာ သူ ဘာတွေ ဘယ်လိုတွေ လုပ်ပေးနိုင်မလဲ။ ဒီက အရပ်ဘက် အဖွဲ့အစည်းတွေက ဘာတွေ လုပ်ပေးနိုင်မလဲ။ ဘာတွေ လုပ်ပေးခဲ့သလဲ။ အဲ့ဒီကိစ္စလေးတွေ မေးကြ ဆွေးနွေးကြတာပါ။”

မစ္စတာ ဆိုးရော့စ် ဟာ မြန်မာနိုင်ငံအတွင်း လက်ရှိ လုပ်ဆောင်နေတဲ့ ငြိမ်းချမ်းရေး ဖော်ဆောင်ရေး လုပ်ငန်းတွေဘက်ပါ စိတ်ဝင်စားမှု ပြသလာတယ်လို့လည်း ကိုအံ့ဘွယ်ကျော်က ပြောပါတယ်။

“သူက မြန်မာနိုင်ငံ Peace Process မှာလည်း သူက ကူညီပေးချင်တဲ့ သဘောမျိုးရှိ ပါတယ်။ အဲ့တော့ ဒီ Peace Process မှာလည်း ကူညီချင်တယ်။ Conflict တွေဖြစ်တဲ့ ပဋိပက္ခတွေမှာလည်း သူကနေ ဘယ်လိုနည်းနဲ့ ကူညီနိုင်မလဲဆိုတဲ့ကိစ္စကို ကျနော်တို့နဲ့ လာပြီး ဆွေးနွေးတာပါ။”

မစ္စတာ ဆိုးရော့စ် တည်ထောင်ထားတဲ့ Open Society Institute ဟာ ကမ္ဘာတလွှား ဖွံ့ဖြိုးမှု နောက်ကျနေတဲ့ တိုင်းပြည်တွေမှာ ပွင့်လင်း လူ့အဖွဲ့အစည်း ပေါ်ထွန်းလာရေး၊ ဒီမိုကရေစီနဲ့ ဥပဒေ စိုးမိုးရေး၊ သတင်းမီဒီယာ လွတ်လပ်ခွင့်ရှိရေးနဲ့ ပညာရေးဆိုင်ရာ ကိစ္စရပ်တွေအတွက် ရန်ပုံငွေ ထောက်ပံ့ပေးနေတာ ဖြစ်ပါတယ်။

မြန်မာနိုင်ငံ ဒီမိုကရေစီ ရရှိရေးကို ထောက်ခံ အားပေးတဲ့အနေနဲ့ အစောပိုင်းမှာ ပြည်ပ
ရောက်နေတဲ့ မြန်မာ့ ဒီမိုကရေစီ အင်အားစုတွေ၊ ကျောင်းသားတွေ ပညာဆက်သင်နိုင်
အောင် Burma Project ဆိုတဲ့ ခေါင်းစဉ်အောက်မှာ ပညာသင် စရိတ်တွေ ထောက်ပံ့ပေး ခဲ့တာပါ။

အခု မြန်မာနိုင်ငံအတွင်း ပြုပြင် ပြောင်းလဲမှုတွေ ဖြစ်ပေါ်လာတာကြောင့် မြန်မာနိုင်ငံအတွက် သီးသန့် ဌာနေကိုယ်စားလှယ် ခန့်အပ်ပြီး ရုံးခန်းဖွင့် ဆောင်ရွက်ဖို့ စီစဉ်နေတာပါ။

ဒါဟာ မစ္စတာ ဆိုးရော့စ်အနေနဲ့ မြန်မာနိုင်ငံကို ၃ ကြိမ်မြောက် လာရောက် လည်ပတ်
ခြင်းလည်းဖြစ်ပြီး အခု ခရီးစဉ်အတွင်း သမ္မတ ဦးသိန်းစိန်၊ NLD ပါတီ ဥက္ကဌ
ဒေါ်အောင်ဆန်းစုကြည်တို့နဲ့လည်း တွေ့ဆုံပြီး ဖြစ်တယ်လို့ သိရပါတယ်။

(VOA)  မှ