အမေ့ရုပ်ရည်

အမေ့ပါးပြင် သနပ်ခါးမရှိပေမယ့်
သားအပေါ်ထား မေတ္တာစွမ်းကြောင့် ချောမောနေဆဲ။
အမေ့ခန္ဓာ ၀ဖြိုးပေမယ့်
သမီးအပေါ်ထား စေတနာစွမ်းကြောင့် ကြည့်ကောင်းနေဆဲ၊၊
အမေ့လက်ဖျား ကြမ်းတမ်းပေမယ့်
မြေးအပေါ်ထား စိတ်ထားစွမ်းကြောင့် နူးအိနေဆဲ။
အမေ့ခြေဖ၀ါး ကွဲအပ်ပေမယ့်
သားသမီးပေါ်ထား သတ္တိစွမ်းကြောင့် လျှောက်လှမ်းနေဆဲ။
အလုပ်များစွာ သားမြေးများကြောင့်
လုပ်နေရလဲ တစ်ချက်မညည်း ပင်ပန်းကြီးလဲ လုပ်နေဆဲပါ
လုပ်လျက်ပဲမို့ အမေရုပ်ရည် ကြမ်းတမ်းနေလဲ
သားတို့တွက်တော့ ကြည့်ကောင်းပါ၏
"မောင်စေတနာ"

အရိုင်းအချစ်

ငယ်ငယ်ကအရိုင်းအချစ်
အပိုင်းပိုင်းဖျတ်လို့ထားခဲ့ပြီ
ဆင်းစားလို့တွေးတောပြန်ပြောလို့ခက်တဲ့
အတွေးမျိုးနဲ့မင်းကိုငါချစ်ခဲ့မိတယ်
ဒါပေမဲ့...ပြန်ဆင်းစားရင်ရေးရေးလေးတောင
မပေါ်တော့ဘူး.....
မောင်ရဲဝင်းနိုင်"

ဓာတ်ပုံ

မမြင်တဲအခါ စိတ်ဖြေသာအောင်... ခါခါထက်ခါ ကြည့်မိပါသည်... ရင်မှာလှိုက်ခုံ ချစ်ဓာတ်ပုံကို... ချစ်သူပေးထား ချစ်ကိုပွားမှို့... လွမ်းအားကြွယ်ဝ ဒီတစ်ညဝယ်... ဖွဖွနမ်းကာ စိတ်ဖြေသာသည်... ရင်မှာလွမ်းလို့ ချစ်သူရယ်... ဓာတ်ပုံထဲတွင် ချစ်ရုပ်သွင်ကို... ပြန်မြင်ရဆဲ ငေးနေဆဲမှာ... သက်ပန်ရည်စူး မောင့်ချစ်ဦး၏... ကြည်နူးဖို့စကား အသံကြားချင်သည်... အလွမ်းတစ်ည ရင်နွမ်းလျှချိန်... ချိုမြသံသာ ကြားလိုပါ၍... ရင်ခုန်စွာဖြင့် ချစ်ဓာတ်ပုံရယ်... စကားတက်ရင် ကောင်းလိမ့်မယ်...

ခိုတစ်ကောင်ရဲ့သီချင်း

အချိန်ရမယ်ဆို ...
မေတ္တာတရားအကြောင်း ပြောပြမယ်
ဉာဏ်ပညာအကြောင်း ဆွေးနွေးမယ်
စိတ်ဝင်စားမယ်ဆို ...
မကျက်တော့တဲ့ ဒဏ်ရာတွေအကြောင်းပြောလို့
တစ်ဦးအနာကို တစ်ဦးက လျှာနဲ့ရက်ပေးရင်း
အချင်းချင်း ရေငုံနှုတ်ပိတ်ပေးသင့် ပေးရမယ်။

ကိုယ့်အကုသိုလ်နဲ့ ကိုယ်
ခဏ ခဏ ကျကွဲနေတဲ့ကောင်
ဒါတောင် အသံမြည်ခွင့် မရခဲ့ ...
ပိုက်ဆံမရှိတဲ့အကြောင်း
ခိုတစ်ကောင်လို ညည်းမနေချင်ဘူး
အဆင်မပြေမှုတွေကတော့
တောက်တဲ့ တစ်ကောင်လို
ခြေမြဲ လက်မြဲ
ဘ၀က သေပေးမှ ကျေအေးမှာလား။

အမြီးတောင် မကျက်သေးဘူး
ခေါင်းစားလိုသူတွေက ခပ်များများ
အဆီတ၀င်းဝင်း ကိုယ်ကျင့်တရားများနဲ့
ဟီးဟီးထ အရှက်မဲ့ စိတ်ဓါတ်များ
ပါးစပ်ဟောင်းလောင်းနဲ့
သွားကြားထိုးတံ တစ်ပွေ့တစ်ပိုက် ဟန်ရေးပြသူများ
ကိုယ့်ထက်နိမ့်တာတွေကို
မော့မော့ကြည့်ရတာ နာတယ်။

လူညံ့အကြောင်းတွေသိဖို့
ငါကိုယ်တိုင် ညံ့ပေးလိုက်ရခြင်းများ
ကမ္ဘာ့သတင်းစာများနဲ့
တန်ဖိုးမဖြတ်နိုင်တဲ့ မနက်စာများ
ဖွတ်ကျောပေါ် ထင်းခွေပြီးချက်ပြုတ်တဲ့ညစာ
ဘာမှ မရှိရင်တော့
ရေသောက် ဗိုက်မောက် အိပ်နေလိုက်ရုံပဲ
တစိမ်းပြင်ပြင် မျက်နှာတွေကြား
အသွေးတူ အသားတူချင်း နင်းတာ ရွံတယ်

နွမ်းနယ်တဲ့ ဦးခေါင်းကိုထူရင်း
အရေခွံလဲ မြွေတစ်ကောင်လို လူးလွန့်
အကောင်သေးပေမယ့် ဇ,ရှိတယ်ဆိုဆို
မြွေပွေးမှန်းသိအောင် အမောက်ထောင်တယ်ဆိုဆို
လမ်းတွေပျောက်နေသရွေ့
လမ်းတွေလျှောက်နေကြဦးမှာဘဲ
လမ်းဟာ
အကြွေစေ့သံ တချွင်ချွင်နဲ့ ...
အိမ်ပြန်ဖုိ့ လှမ်းနေဦးမယ်ထင်မယ်။

ပိုက်ဆံမရှိတဲ့အကြောင်း
အဆင်ပြေတာ မပြေတာတွေလည်း
ခိုတစ်ကောင်လို ညည်းမနေချင်တော့ဘူး ...။ ။

"လေပြည်"

တစ်နေ့တော့ပြန်လာခဲ့ပါ့မယ် . . . မေမေ

ဟိုးအဝေးမှာ

ကြယ်စင်တွေ..သူတို့စွမ်းသလောက်

မှုန်ပြပြပေမယ့်..“ လင်း ” ပြရှာတယ် မေမေ

ကျွန်တော်ရော...မေမေ့အတွက်

ဘယ်လို သစ္စာတရားတွေနဲ့

ဘယ်လို မေတ္တာတရားတွေနဲ့

“ လင်း ” ပြခဲ့ပြီးပြီလဲဟင် ...

မေမေ

ကျွန်တော်တို့အရပ်မှာ

နေတွေမပွင့်ဘူး .. လတွေမသာဘူး

အချိန်တိုင်းမှာ ဖိနှိပ်စီးပိုးမှုတွေနဲ့

ဘယ်လိုများ နေသာစရာကောင်းမှာတဲ့လဲ

ဂါရ၀တရား နဲ့ ရိုသေမှုဟာ

လူ့ဘုံသမိုင်းမှာ ပျောက်ဆုံးနေလေရဲ့

မေမေသင်ကြားခဲ့သမျှ

ကျွန်တော့်မှာ . . . . နောင်တ ဆိုတာကိုအဖော်ပြုလို့

ခရီးကြမ်းကို ဆက်လက်လွှင့်နေမိဆဲ

မေမေ

ဒီမြေဒီရေဟာ ကျွန်တော့်အတွက်တော့

တမာခါးတွေစိုက်ပျိုးထားတဲ့ ပူပြင်းစူးရှ

ကန္တာရသက်သက်ရယ်ပါ မေမေ

တခမ်းတနား အဆောက်အအုံတွေနဲ့

မီးရထားဖြူဖြူကြီးတွေနဲ့

သူတို့ဟာ စက်ရုပ်တွေများလားမေမေ

အချိန်တန်အိပ် အချိန်တန်စား

ဘ၀ဟာ နေခြင်းလား... သေခြင်းလား

ဘယ်လို အသိတရားမျိုးတွေနဲ့

ကျွန်တော်ဆက်နေထိုင်ရမလဲဟင် မေမေ

ကျေးဇူးပြု၍ ငါ့ကိုချစ်ရင် မုန်းပါ

ကောင်မလေးရေ……..
ငါ့ရင်ခွင်မှာ မင်း တစ်ကိုယ်စာလေးတောင်
ခိုလှုံ ခွင့် မပေးနိုင်ခဲ့ဘူး။
ငါဟာ “တေမိ” မဟုတ်သလို
“အရိယာ”လည်း မဖြစ်သေးပါဘူး။
မင်းခံစားရတဲ့ ဝေဒနာဝါကျတွေအတိုင်း
ဤ သည် မရွေး ငါကိုယ်တိုင်လည်း
ခံစားခဲ့ရဖူးပါတယ်။
ဒါပေမယ့်……….
ဘ၀မှာလိုအပ်ရင် အချစ်ဆိုတာလည်း
တိတ်တိတ်လေး ရှင်သန်ပေးရတယ်။
ကိုယ်တိုင်ဆွဲတဲ့ စည်းမျဉ်းအပြင်ဘက်ကို
ငါဟာ ခြေချော်လက်ချော်လေးတောင်
လျှောက်မကြည့်ဝင့်သူပါကွယ်။
လက်ညှိုးပေါင်းများစွာရဲ့ တံတွေးခွက်ထဲ
ငါကိုယ်တိုင်လည်း မစီးမျောဝံ့သလို
မင်းကိုလည်း မသိမ်းသွင်းချင်ဘူး။
ကောင်မလေးရေ………..
မင်းအိမ်မက်တွေထဲ ငါ့ကိုအလည်မခေါ်ချင်ပါနဲ့
ငါဟာ မင်း မျှော်လင့်တဲ့ အိန်လ်ဂျယ်မဟုတ်ခဲ့ပါဘူးကွယ်။
တကယ်တော့ အချစ်ဆိုတာ
အချစ်ခံရတာထက် ချစ်နေရတာက
ပိုပြီးမွန်မြတ်သန့်စင်ပါတယ်။
ကောင်မလေးရေ….
ကျေးဇူးပြု၍ ငါ့ကိုချစ်ရင် မုန်းလိုက်ပါ။

"ခိုင်နုငယ်"