RFA Burmese TV Magazine 2013 April 20

မြန်မာဌာန | သတင်းများ အလုပ်သမားတွေအတွက် အသေးစားချေးငွေ ထုတ်ချေးမည်

စက်ရုံ၊ အလုပ်ရုံ အလုပ်သမားတွေ အနေနဲ့ အသေးစား စီးပွားရေးလုပ်ငန်တွေ အကောင်အထည်ဖော်နိုင်ဖို့ မကြာခင်မှာ ငွေချေးပေးဖို့ စီစဉ်နေတယ်လို့ သမဝါယမဝန်ကြီး ဦးကျော်ဆန်းက ဒီကနေ့ ဧပြီလ ၂၀ ရက်နေ့မှာ ပြောကြားလိုက်ပါတယ်။

သမဝါယမဝန်ကြီး ဦးကျော်ဆန်းဟာ အထည်ချုပ် လုပ်ငန်းပိုင်ရှင်တွေအပြင် အလုပ်သမားတွေနဲ့ ရန်ကုန်မြို့၊ လှိုင်သာယာစက်မှုဇုန် (၁) ကနောင်ခန်းမမှာ ဒီကနေ့ တွေ့ဆုံစဉ် အလုပ်သမားတွေ လိုအပ်နေတဲ့ အရင်းအနှီး မရှိခြင်း အခက်အခဲ ပြေလည်စေဖို့ အသေးစားချေးငွေတွေကို ထုတ်ချေးသွားမယ်လို့ ပြောခဲ့တာပါ။

" စက်ရုံအလုပ်ရုံအသီးသီးက အလုပ်သမားပြည်သူများ လူမှုစီးပွားဘဝ သူတို့ရဲ့ လုပ်ငန်းအတွက်လိုအပ်တဲ့ အရင်းအနှီး အခက်အခဲတွေကို ပြေလည်အောင် ကူညီပေးနိုင်ဖို့အတွက် အသေးစားငွေချေးလုပ်ငန်း ဆောင်ရွက်ဖို့လုပ်ငန်းစဉ် ၁ ဖြစ်ပါတယ်၊ လုပ်ငန်းစဉ် ၂ ကတော့ အဲ့ဒီမိုက်ခရိုဖိုင်းနက်လုပ်ငန်းဆောင်ရွက်တဲ့ အခါမှာ လိုအပ်တဲ့ငွေကြေးကိုရရှိအောင် မိုင်ခရိုဖိုင်းနက်ဘဏ် ထူထောင်ပြီးဆောင်ရွက်ဖို့ တိုင်းပြည်စီပွားရေးရဲ့ ဒုတိယ မဏ္ဍိုင်လို့သတ်မှတ်ထားပါတယ်၊ ဒါဟာ နိုင်ငံတကာရဲ့ စံဖြစ်ပါတယ်"

ဒီအစီအစဉ်ကို အလုပ်သမား(၅)ဦး ပါဝင်တဲ့ အစုအဖွဲ့စုဖွဲ့ပြီး ဝိုင်းကြီးချုပ်စနစ်ပုံစံမျိုး စီစဉ်ဆောင်ရွက်မှာ ဖြစ်တယ်လို့ ဆိုပါတယ်။

ဝိုင်းကြီးချုပ်စနစ်ဆိုတာ ငွေချေးသူတွေထဲက တစ်ဦးဦးက ချေးယူထားတဲ့ငွေကို ပြန်မဆက်နိုင်ရင် အစုအဖွဲ့ထဲမှာပါတဲ့ ကျန်တဲ့သူတွေက ပြန်လည်ပေးဆပ်ရမှာ ဖြစ်တယ်လို့ ဦးကျော်ဆန်းက ရှင်းပြခဲ့ပါတယ်။

အလုပ်သမားတွေအတွက် အခုလို ချေးငွေထုတ်ပေးဖို့ ပြင်ဆင်နေတာထက် အမှန်တကယ်လိုအပ်တဲ့ လုပ်ခလစာ ပြည့်ပြည့်ဝဝ ရရှိဖို့သာ အရေးကြီးတယ်လို့ အလုပ်သမားအရေး ဆောင်ရွက်ပေးနေတဲ့ ၈၈ မျိုးဆက်ကျောင်းသားများအဖွဲ့က မမာမာဦးက အခုလို ဝေဖန်ပြောကြားပါတယ်။

" ငွေချေးလုပ်ငန်းဆိုတာက သူတို့အနေနဲ့ကတော့ အလုပ်သမားတွေ သက်သာချောင်ချီရေးအတွက် လုပ်တယ်လို့ ဆိုပေမယ့် စေတနာမှန်ပေမယ့် လုပ်နည်းက မှားနေတယ်လို့ထင်တယ်၊ အလုပ်သမား အဓိကလိုအပ်တာ လုပ်ခလစာ ပြည့်ပြည့်ဝဝရရှိဖို့ရာလိုအပ်တာ၊ အကြွေးပြန်ဆပ်ဖို့ရာအတွက်က ပိုပြီးတော့ အလုပ်သမားတွေက ဝန်ထုပ်ဝန်ပိုးဖြစ်လာလိမ့်မယ်"

လက်ရှိမှာတော့ အခုလို ချေးငွေထုတ်ချေးရာမှာ မတည်ငွေ ဘယ်လောက် ထုတ်ချေးမယ်၊ ဘယ်လိုအချက်တွေ လိုက်နာ ဆောင်ရွက်ရမယ်ဆိုတာမျိုးတော့ အသေးစိတ် စီစဉ်တာ မရှိသေးပါဘူး။

ဒီအစီအစဉ် အကောင်အထည်ဖော်နိုင်ဖို့အတွက် အလုပ်ရှင်၊ အလုပ်သမား နောက်တကြိမ် တွေ့ဆုံပြီး ဆွေးနွေးမယ်လို့လည်း ဝန်ကြီး ဦးကျော်ဆန်းက ပြောပါတယ်။

(RFA)

မြန်မာဌာန | သတင်းများ စာနယ်ဇင်း လွတ်လပ်ခွင့်ပေးပြီးနောက် အဆိပ်ဖြစ်စေတဲ့ စာတွေများလာ

ရခိုင်ပြည်နယ်၊ စစ်တွေမြို့မှာ ဧပြီလ ၂၀ ရက်နေ့က ပြုလုပ်တဲ့ ပုံနှိပ်ထုတ်ဝေခြင်းလုပ်ငန်း(ဥပဒေကြမ်း) ရှင်းလင်းတင်ပြခြင်းနဲ့ အကြံဥာဏ်တောင်းခံခြင်း အခမ်းအနားကို တွေ့ရစဉ်

photo: RFA/ Min Thein Aung

မြန်မာနိုင်ငံမှာ အစိုးရက စာနယ်ဇင်း
လွတ်လပ်ခွင့်တွေကို ဖွင့်ပေးလိုက်တဲ့နောက်ပိုင်း ပြည်သူတွေကို အဆိပ်အတောက်ဖြစ်စေတဲ့စာပေတွေ အများအပြား ထွန်းကားလာနေတယ်လို့ ပြန်ကြားရေးဝန်ကြီးဌာန ဒုတိယဝန်ကြီး ဦးပိုက်ထွေးက ပြောကြားလိုက်ပါတယ်။

ဒီကနေ့ ရခိုင်ပြည်နယ် စစ်တွေမြို့မှာပြုလုပ်တဲ့ ပုံနှိပ်ထုတ်ဝေခြင်းလုပ်ငန်း(ဥပဒေကြမ်း) ရှင်းလင်းတင်ပြခြင်းနဲ့ အကြံဥာဏ်တောင်းခံခြင်း အခမ်းအနားမှာ ပြည်ထောင်စု ဒုတိယဝန်ကြီးက အခုလိုပြောကြားလိုက်တာဖြစ်ပါတယ်။

"တင်ထုတ်စနစ်ကနေ ထုတ်တင်စနစ်ကို ကျွန်တော်တို့ ပြောင်းလဲကျင့်သုံးခဲ့ပါတယ်။ အဲဒီလိုကျင့်သုံး လိုက်ပြီးနောက်ပိုင်းမှာပေါ့လေ အခုအချိန်အထိ ဘာတွေဖြစ်လာလဲဆိုတော့ ကျွန်တော်တို့ ဂျာနယ်တွေ၊ မဂ္ဂဇင်းတွေမှာ ပြည်သူလူထုကို အဆိပ်အတောက်ဖြစ်စေတဲ့ ရေးသား မှုမျိုးတွေ တစ်စတစ်စများပြားလာနေတာကို ကျွန်တော်တို့ တွေ့ရပါတယ်"

ပြန်ကြားရေးဌာနရဲ့ စာရင်းပြုစုချက်အရ ပြီးခဲ့တဲ့မတ်လအထိ လောင်းကစားကိစ္စရပ်တွေကို အားပေးလှုံ့ဆော်တဲ့ ဂျာနယ်အမျိုးအစား ၁၃ မျိုးနဲ့ မြန်မာ့ယဉ်ကျေးမှုနဲ့ မလျော်ညီတဲ့ ရေးသားချက်၊ ဖော်ပြချက်နဲ့ ဓာတ်ပုံတွေပါဝင်တဲ့ ဂျာနယ်အမျိုးအစား ၄၆ စောင်ထိတွေ့လာရတယ်လို့ ဝန်ကြီးကဆိုပါတယ်။

ဒီဥပဒေမူကြမ်းကို အတည်ပြုပြီး နည်းဥပဒေတွေနဲ့ အသက်ဝင်လာတဲ့အခါမှာ ဒီအဆိပ်အတောက်စာပေတွေကို ထိန်းချုပ်သွားနိုင်မှာ ဖြစ်တယ်လို့လည်း ဝန်ကြီးကပြောပါတယ်။

ဒီကနေ့ စစ်တွေမြို့မှာပြုလုပ်တဲ့ အခမ်းအနားဟာ ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေမူကြမ်းကို အတည်ပြုနိုင်ဖို့အတွက် ဒေသခံတွေရဲ့ သဘောထားဆန္ဒနဲ့ အကြံဥာဏ်တွေကို အခုလ ၃၀ ရက်နေ့ နောက်ဆုံးအထိ တောင်းခံခြင်းဖြစ်ပြီး ပြန်ကြားရေးဝန်ကြီးဌာနအနေနဲ့ အဲဒီအကြံပြုဆွေးနွေးချက်တွေကို ဥပဒေပြုရေးအဖွဲ့နဲ့ ဆွေးနွေးညှိနှိုင်းသွားမှာ ဖြစ်တယ်လို့ ပြန်ကြားရေးဝန်ကြီးဌာန မူပိုင်ခွင့်နဲ့ မှတ်ပုံတင်ဌာနခွဲက ညွှန်ကြားရေးမှူး ဦးအောင်ကျော်ဦးက ဒီအခမ်းအနားမှာ ပြောဆိုခဲ့ပါတယ်။

ဒါ့အပြင် အခုလို ဥပဒေမူကြမ်းအတွက် အကြံဥာဏ်တောင်းခံတာတွေကို အခြားတိုင်းနဲ့ ပြည်နယ်အချို့မှာလည်း ပြုလုပ်ခဲ့တယ်လို့သိရပါတယ်။

ဒီအခမ်းအနားကို ပြည်နယ်အစိုးရ တာဝန်ရှိသူတွေ၊ ဥပဒေပညာရှင်တွေ၊ စာပေပညာရှင်တွေ စုစုပေါင်း ၇၀ လောက်က တက်ရောက်ဆွေးနွေးခဲ့ပါတယ်။

(RFA)

ပဋိပက္ခ ဒီမိုကရေစီ အဟန့်အတားနဲ့ ကျော်လွှားရေး နည်းလမ်း

ဦးကျော်ကျော်သိန်း
20.04.2013

မြန်မာနိုင်ငံမှာ မကြာသေးခင်က ဖြစ်ပွားခဲ့တဲ့ ဘာသာရေးအသွင်ဆောင်တဲ့ ပဋိပက္ခတွေဟာ ဒီမိုကရေစီပြုပြင်ပြောင်းလဲရေးအတွက် ဘယ်လောက့် အတိုင်းအတာ အထိ အဟန့်အတားဖြစ်စေတယ်လို့ထင်ပါသလဲ။ ဒီလို အဟန့်အတားတွေကို ဘယ်လိုကျော်လွှားဖြေရှင်းကြမလဲ ဆိုတာကို ကိုကျော်ကျော်သိန်းနဲ့ အတူ မြန်မာနိုင်ငံရှေ့နေများ ကွန်ယက်အဖွဲ့ က  ရှေ့နေဦးကိုနီ၊ ရွှေဝါရောင်သံဃာ့လှုပ်ရှားမှုမှာ ပါဝင်ခဲ့တဲ့ အရှင်ပဏ္ဍဝံသခေါ် ဦးပြည်ကျော်တို့ကို ပင်တိုင်ထားပြီး သောတရှင်တွေပါဝင်ဆွေးနွေးသုံးသပ်ထားတဲ့ စနေညဘက် တိုက်ရိုက် လေလှိုင်းဆွေးနွေးခန်းဖြစ်ပါတယ်။

ထိုင်းနိုင်ငံရောက် မြန်မာဒုက္ခသည်တွေ အနာဂတ်

 

 Published 20.04.2013
ထိုင်း-မြန်မာနယ်စပ် ထိုင်းနိုင်ငံဘက်က ဒုက္ခသည်စခန်းတွေမှာ ရှိနေတဲ့ မြန်မာနိုင်ငံသား ဒုက္ခသည်တွေ နေရပ်ရင်းပြန်နိုင်ဖို့ ဆိုရင် ဘေးကင်းလုံခြုံတဲ့အခြေအနေရှိဖို့လိုတယ်လို့ ဒုက္ခ သည်တွေကို အကူအညီပေးနေတဲ့ အဓိကအဖွဲ့ကြီးတစ်ဖွဲ့ရဲ့ အကြီး အကဲက ပြောလိုက်ပါတယ်။ Sally Thompson ဟာ မြန်မာနိုင်ငံကနေ အကြောင်းအမျိုးမျိုးနဲ့ နေရပ်စွန့် ထွက်ပြေးသွားကြပြီး ထိုင်းနိုင်ငံက ဒုက္ခသည်စခန်းတွေမှာ ခိုလှုံနေကြရတဲ့ မြန်မာနိုင်ငံသားတွေကို အကူအညီပေးနေတဲ့ Thai Burma Border Consortium TBBC အဖွဲ့ရဲ့ အကြီးအကဲဖြစ်ပါတယ်။ အမေရိကန်ပြည်ထောင်စုဆီ ခေတ္တရောက်လာခဲ့တဲ့ Sally Thompson ကို ကိုသားညွန့်ဦးက တွေ့ဆုံမေးမြန်းထားပါတယ်

အစိုးရနဲ့ SSA တိုက်ပွဲ ဒေသခံတွေဒုက္ခရောက်

  

ရှမ်းကလေးငယ်တချို့။ (မေလ ၂၁ ရက်၊ ၂၀၀၅)။

မဆုမွန်
20.04.2013

ရှမ်းပြည်နယ်မြောက်ပိုင်း တန့်ယန်းမြို့အနီးမှာ တရားဝင်အပစ်အခတ်ရပ်စဲထားတဲ့ ရှမ်းပြည်မြောက်ပိုင်းတပ်နဲ့ မြန်မာအစိုးရတပ်ဖွဲ့တွေကြား တိုက်ပွဲတွေပြင်းထန်နေတဲ့အတွက် အိုးအိမ်စွန့်ခွာ ထွက်ပြေးနေရတဲ့ စစ်ပြေးဒုက္ခသည်ဦးရေဟာ အခုဆိုရင် နှစ်ထောင်နီးပါးရှိသွားပြီလို့ ဒုက္ခသည်အရေး အကူအညီပေးနေသူတွေက ပြောပါတယ်။ ရာချီတဲ့ စစ်ပြေးဒုက္ခသည်တွေအတွက် သောက်သုံးရေပြတ်လပ်ပြီး စားနပ်ရိက္ခာတွေလည်း အရေးပေါ်လိုအပ်နေတယ်လို့ ရှမ်းလူထုအခြေပြု လူမှုအဖွဲ့အစည်းတွေက ဆိုပါတယ်။ အသေးစိတ်ကို မဆုမွန်က တင်ပြထားပါတယ်။

အပစ်ရပ်ဖို့ နှစ်ဘက်သဘောတူထားတဲ့ကြားကပဲ SSA ရှမ်းပြည်မြောက်ပိုင်းတပ်မတော်နဲ့ မြန်မာစစ်တပ်ကြား အခုဆိုရင် ရင်ဆိုင်တိုက်ပွဲတွေ ဆက်တိုက်ဖြစ်ပွားနေပြီး တိုက်ပွဲတွေက ပြင်းထန်လာနေတဲ့အတွက် ရာနဲ့ချီတဲ့ ဒုက္ခသည်တွေဟာ ထိုင်းနယ်စပ်၊ တရုတ်နယ်စပ်နဲ့ မြို့ပေါ်တွေကို ထွက်ပြေးတိမ်းရှောင်နေကြရတယ်လို့ ရှမ်းလူထုအခြေပြုအဖွဲ့ ပြောခွင့်ရ စိုင်းခေးစိုင်က ပြောပါတယ်။

“လောလောဆယ်မှာ လူဦးရေ ၂,၀၀၀ နီးပါး ရှိပြီခင်ဗျ။ အခုလတ်တလောကတော့ ပစ်ခတ်နေတဲ့နေရာတွေက ရွာသားတွေကတော့ တချို့မြို့ထဲမှာတော့ ခဏရှောင်နေတယ်။ တချို့ကတော့ ဘုန်းကြီးကျောင်းတွေဆီမှာ ရှောင်နေတယ်။ တချို့ကတော့ တရုတ်နယ်စပ်၊ တချို့ကတော့ ထိုင်းဘက်ခြမ်း အဲဒီလိုတော့ သူ့ဟာနဲ့သူ သူ့လမ်းနဲ့သူ ပုန်းရှောင်နေတာရှိပါတယ်။”

အခုဆိုရင် ရှမ်းပြည်မြောက်ပိုင်းမှာ ထွက်ပြေးတိမ်းရှောင်နေရတဲ့ စစ်ပြေးဒုက္ခသည်ဦးရေဟာ ၂,၀၀၀ လောက်ရှိသွားပြီဖြစ်ပြီး၊ ဒုက္ခသည်တွေအတွက် အရေးပေါ် စားနပ်ရိက္ခာနဲ့ သောက်သုံးရေတွေ အရေးတကြီး လိုအပ်နေတယ်လို့ စိုင်းခေးစိုင်က ပြောပါတယ်။

“အရေးကြီးဆုးကတော့ လတ်တလော ကျနော်တို့ အစားအစာရယ်၊ နောက်ပြီးတော့ သောက်သုံးရေ ရယ်ပေါ့။ နောက် တခြား အိပ်ယာ၊ ခြင်ထောင် အဲဒါတွေကတော့ ဒုတိယပေါ့နော်။ ပထမဆုံးကျတော့ သူတို့ နေ့စဉ်စားသောက်ဖို့ အစားအစာတွေကလည်း အရေးကြီးနေပါတယ်ခင်ဗျ။ အဲဒါကို ကျနော်တို့ ကူညီဖို့လည်း တခြားနေရာတွေကိုလည်း တိုက်တွန်းနေတယ်။”

တကယ်တော့ ရှမ်းပြည်တိုးတက်ရေးပါတီ SSPP ရဲ့ လက်အောက်ခံ ရှမ်းပြည်တပ်မတော် SSA မြောက်ပိုင်းတပ်ဖွဲ့နဲ့ မြန်မာအစိုးရငြိမ်းချမ်းရေး ကိုယ်စားလှယ်အဖွဲ့ကြား ၂၀၁၂ ခုနှစ်၊ ဇန်နဝါရီလတုန်းက အပစ်အခတ်ရပ်စဲရေး သဘောတူထားပြီးဖြစ်ပါတယ်။ နှစ်ဘက်တပ်ကြား ဒီလိုမျိုးတိုက်ပွဲတွေ ပြန်ဖြစ်နေတဲ့အပေါ်မှာလည်း နှစ်ဘက်တာဝန်ရှိသူတွေ ရှမ်းပြည်နယ် လားရှိုးမြို့မှာ တွေ့ဆုံဆွေးနွေးထားပြီးလည်းဖြစ်ပါတယ်။ ဒါပေမဲ့ ရှမ်းပြည်နယ်မြောက်ပိုင်း ဘက်မှာတော့ တိုက်ပွဲတွေ ဆက်ဖြစ်နေတုန်းပဲလို့ စိုင်းခေးစိုင်က ပြောပါတယ်။
“အပစ်အခတ်ရပ်စဲတာက နှစ်ကြိမ်တောင်ရှိပါပြီ။ အခု လတ်တလော အသစ်ပြန်ပြီးတော့ လက်မှတ်ရေးထိုးတာလည်း ရှိတယ်ခင်ဗျ။ နောက်ပြီးတော့ ဆွေးနွေးနေတာလည်း ရှိတယ်ခင်ဗျ။ အဲဒီလိုမျိုးလုပ်ရင်းတန်းလန်းနဲ့လည်း ပစ်နေတာတွေ ပိုဖြစ်လာတာကတော့ အဲဒါတော့ဘာကြောင့်လဲ ပြောလို့မတတ်ဘူး။”

မြန်မာစစ်တပ်နဲ့ SSPP/ SSA မြောက်ပိုင်းတပ်တွေကြား ပြီးခဲ့တဲ့ မတ်လကတည်း တိုက်ပွဲတွေဖြစ်ပွားခဲ့တာမှာ သင်္ကြန်တွင်းတုန်းကလည်း တိုက်ပွဲတွေဖြစ်ခဲ့ပါသေးတယ်။ ရှမ်းပြည်နယ် တန့်ယန်းမြို့နဲ့ မိုင်းရှူးမြို့ကြားမှာ အခုထက်ထိ တိုက်ပွဲတွေ ဖြစ်ပွားနေတဲ့အကြောင်းလည်း ဆက်ပြောပြပါတယ်။

“တန့်ယန်းနဲ့ မိုင်းရှူးပေါ့။ တန့််ယန်းရယ်၊ မိုင်းရှူးရယ်ကြားထဲမှာ ဖြစ်နေတယ်ခင်ဗျ။ အဲဒီလိုမျိုး လက်နက်ကြီးနဲ့ပစ်တာတွေ၊ ထိခိုက်မှုတွေ ရှိတယ်။ နောက်ပြီးတော့ ၀င်ပြီးတော့ လမ်းဖြတ်ရင်းနဲ့တိုက်တာတွေ။ တချို့ကတော့ အစီအစဉ်ရှိရှိနဲ့ တက်ပြီးတော့ တွေ့ဆုံတိုက်တာတွေ အဲဒါတော့ ခဏခဏဖြစ်နေတယ်။”

အခုအချိန်အထိ ရှမ်းပြည်မြောက်ပိုင်းတပ်နဲ့ အစိုးရတပ်ကြား စစ်ရေးတင်းမာမှုတွေ ရှိနေဆဲဖြစ်ပြီး နယ်မြေမတည်ငြိမ် မအေးချမ်းတဲ့အတွက် ဒေသခံပြည်သူတွေ အခုလို ဒုက္ခတွေတွေ့နေရတဲ့အပေါ် နှစ်ဘက်အပစ်အခတ်ရပ်စဲထားတဲ့ အဖွဲ့တွေအနေနဲ့ အပစ်ရပ်သဘောတူမှုကို လေးစားသင့်ပြီး ဒေသခံပြည်သူတွေကလည်း စစ်အမြန်ငြိမ်းဖို့ လိုလားနေကြတယ်လို့ ပြောပါတယ်။

“ကျနော်တို့ အပစ်အခတ်လည်း ရပ်စဲထားပြီးပြီ။ သိပ်မကြာသေးဘူး။ လက်မှတ်ထိုးတာလည်း သိပ်မကြာသေးဘူး။ အကောင်အထည်ဖော်ဖို့လည်း စကားပြောပြီးသားဖြစ်နေတဲ့ အတွက်ကြောင့် ဒီစစ်ကတော့ တတ်နိုင်လို့ရှိရင် ရပ်ပြီးတော့ နှစ်ဦးနှစ်ဘက် ကောင်းကောင်းဆွေးနွေး သဘောတူဖို့ပေါ့။ နောက်ပြီးတော့ ကျနော်တို့ အစိုးရဘက်ကလည်း ကျနော်တို့ သဘောတူထားတဲ့အတိုင်း အဲဒီနယ်မြေတွေကိုလည်း ပေးထားပြီဖြစ်တဲ့အတွက်ကြောင့် အဲဒီနယ်မြေကို ဘယ်လိုလုပ်ရင်ကောင်းမလဲ ဆိုတဲ့ဟာမျိုး နှစ်ဦးနှစ်ဘက်ပေါ့။ အဲဒီမှာ နိုင်ငံရေးအရရော၊ စစ်ရေးအရရော နှစ်ဘက်စလုံး သဘောတူညီချက်အတိုင်း လိုက်နာကြဖို့ရယ်၊ နောက်ပြီးတော့ ပြည်သူလူထု၊ အဲဒီဒေသခံတွေပဲဖြစ်ဖြစ် အဲဒီနေရာမှာရှိနေတဲ့ ထောင်သောင်းမက ပြည်သူလူထုရဲ့ အသက်အိုးအိမ်စည်းစိမ်တွေကိုလည်း ထည့်သွင်းစဉ်းစားပေးဖို့ မေတ္တာရပ်ခံချင်ပါတယ်ခင်ဗျ။”

မြန်မာအစိုးရရဲ့ ငြိမ်းချမ်းရေး ဖော်ဆောင်ရေးအဖွဲ့ဟာ ရှမ်းပြည်တိုးတက်ရေးပါတီ SSPP/SSA မြောက်ပိုင်းနဲ့ ၂၀၁၂ ခုနှစ် ဇန်န၀ါရီလမှာ အပစ်ရပ်ဖို့ သဘောတူခဲ့ပေမဲ့ တနှစ်ကျော်ကာလ အတွင်းမှာ အနည်းဆုံး တိုက်ပွဲပေါင်း အကြိမ် ၁၀၀ ကျော် ဖြစ်ခဲ့သလို တနှစ်ကျော်ကြာ အပစ်ရပ်ထားတဲ့ ရှမ်းပြည်ပြန်လည် ထူထောင်ရေးကောင်စီ ခေါ် RCSS/SSA တောင်ပိုင်းနဲ့လည်း အပစ်ရပ်ဖို့ သဘောတူပြီးတဲ့နောက် တိုက်ပွဲပေါင်းအကြိမ် ၆၀ ကျော်လောက် ဖြစ်ပွားခဲ့ပါသေးတယ်။

(VOA)  မှ

တရုတ်ဇီချွမ်ငလျင် လူပေါင်းရာကျော်သေဆုံး

 

ဇီချွမ် ငလျင်အပျက်အစီးတချို့ (ဧပြီလ ၂၀ ရက်၊ ၂၀၁၃)။

ဗွီအိုအေ (မြန်မာဌာန)
20.04.2013

တရုတ်နိုင်ငံ ဇီချွမ်ဒေသအနောက်ပိုင်းမှာ စနေနေ့မနက်ပိုင်းက လှုပ်ခတ်သွားတဲ့ အင်အားပြင်း ငလျင်ဒဏ်ကြောင့် လူ ၁၁၃ ဦးထက်မနည်း သေဆုံးပြီး ၂,၆၀၀ ကျော် ဒဏ်ရာရခဲ့တယ်လို့ တရုတ်သတင်းမီဒီယာတွေက ဖော်ပြပါတယ်။ ငလျင်ဒဏ်ခံရတဲ့ ဒေသတွေမှာ ကယ်ဆယ်ရေးအဖွဲ့တွေက ရှာဖွေကယ်ဆယ်မှု တိုးလုပ်နေပြီး ရုပ်အလောင်းတွေ ရှာတွေ့လာတာနဲ့အမျှ သေဆုံးသူဦးရေ တိုးလာတယ်လို့ အစိုးရအာဘော် Xinghua သတင်းဌာနက ပြောဆိုပါတယ်။

ငလျင်ဒဏ် ပြင်းပြင်းထန်ထန်ခံရတဲ့ Lushan ဒေသမှာ တယ်လီဖုန်းလိုင်းတွေ ပြတ်တောက်နေပြီး လမ်းပန်းဆက်သွယ်ရေး ခက်တာကြောင့် ခုထက်ထိလက်လှမ်းမမီသေးဘူးလို့ အစိုးရသတင်းတွေက ဖော်ပြပါတယ်။ လူနေအိမ်တွေပျက်စီးပြီး တချို့ရွာတွေနဲ့ မြို့နယ်တွေမှာ ပြိုကျပျက်စီးပြီး အဆောက်အဦးတွေ ပြားချပ်ကုန်တာကို  တရုပ်စစ်တပ်ကထုတ်ပြန်တဲ့ ဒေသ ဧရိယာ ဓာတ်ပုံတွေနဲ့ အစိုးရရုပ်မြင်သံကြားမှာ တွေ့မြင်ကြရပါတယ်။

ကယ်ဆယ်ရေးလုပ်ငန်းတွေကို စောင့်ကြပ်ကြည့်ရှုဖို့ ငလျင်ဘေးသင့်ဒေသတွေကို တရုတ်ဝန်ကြီးချုပ် Li Keqiang သွားရောက်ခဲ့ပါတယ်။ အမေရိကန် ဘူမိဗေဒ လေ့လာရေး စစ်တမ်းအရ ပြင်းအား ၆.၆ ရှိတယ်လို့ဆိုပြီး တရုတ် ငလျင်တိုင်းထွာရေး စစ်တမ်းအရ ပြင်းအား ၇ ရှိတဲ့ငလျင်ကြောင့် အကြီးအကျယ် ထိခိုက်ပျက်စီးမှုတွေ ဖြစ်ခဲ့ပါတယ်။ မြေအောက် ၇ မိုင်အနက်လောက်ထိ ငလျင်ဒဏ်ခံစားခဲ့ရတာလည်း ဖြစ်ပါတယ်။

အရှေ့ဘက် မိုင် ၇၀ ကျော်လောက်မှာရှိတဲ့ ပြည်နယ်မြို့တော် Chendu မှာ လည်း အဆောက်အဦးတော်တော်များများ ငလျင်ဒဏ် ပြင်းပြင်းထန်ထန်ခံခဲ့ရပါတယ်။ ၂၀၀၈ ခုနှစ်ကလည်း တရုတ်နိုင်ငံ ဇီချွမ် ဒေသမှာ ပြင်းအားကြီး ငလျင်ကြောင့် လူ ခုနှစ်သောင်းကျော် အသက်ဆုံးခဲ့ရပါတယ်။

(VOA)  မှ