ပရလောက သံယောဇဉ်

ပရလောက ရှိမရှိနဲ့ပတ်သက်ပြီး ငယ်စဉ်ကတည်းက ပုံပြင်တွေ ၀တ္တုတွေ အတော်များများ ဖတ်ဖူးပါတယ်။ တချို့ကလည်း ကိုယ်တိုင်တွေ့ဖူးမှယုံကြည်ကြပါတယ်။ တစ်ချို့ကလည်း ကိုယ်တိုင်မကြူံဘူးပေမဲ့ ယုံကြည်လောက်တဲ့ အထောက်အထားတွေကို တွေ့ပြီး ယုံကြည်ကြပါတယ်။ ဘုရားဟော ဇတ်တော်တွေမှာလည်း နတ်၊ နဂါး၊ ပြိတ္တာ တွေအကြောင်းပါဝင်ပါတယ်။ ကျွှန်တော်အယူအဆကတော့ ကိုယ်တိုင်မမြင်ဘူးသော်လည်း ယုတ္တိတန်တယ်ဆိုရင် ယုံကြည်သင့်တယ် ထင်ပါတယ်။ ပရလောကသားတွေကို တစ်ခါလောက်မျက်ဝါးထင်ထင် မြင်ဘူးချင်တယ်။ တစ်ခါတော့ ထူးထူးဆန်းဆန်း ဖြစ်ရပ်လေး တစ်ခုနဲ့ တိုက်တိုက်ဆိုင်ဆိုင်ကြုံခဲ့ဖူးပါတယ်။  အဲဒီဖြစ်ရပ်လေးကို အားလုံးသိအောင် ရေးသားလိုက်တာပါ။ ဒီဇတ်လမ်းမှာပါဝင်တဲ့ လူပုဂ္ဂိုလ် တွေရဲ့ အမည်နာမ၊ ရွာအမည်များကို လွှဲပြောင်းထားတာကလွဲလို့ ဇတ်လမ်းတစ်ခုလုံးက ဖြစ်ရပ်မှန်ပါပဲ။

ကျွှန်တော် ဘွဲရပြီး ကျွှန်တော့်မွေးရပ်မြေဖြစ်တဲ့ ရမ်းဗြဲကျွန်းကို အလည်တစ်ခေါက် ပြန်ဖြစ်ပါတယ်။ မွေးရပ်မြေက အပြန်မှာ ကျွှန်တော့် အဖေဘက်က ဦးလေးတစ်ယောက်ရဲ့ ဖိတ်ခေါ်မှုနဲ့ ဆွေမျိုးတွေရှိရာ အမ်းမြို့ နယ်ကရွာတစ်ရွာကို ကျွှန်တော် အလည်အပတ်သဘောမျိုးနဲ့ ရောက်သွားပါတယ်။ အဲဒီရွာနာမည်က မင်းဒင်ရွာလို့ခေါ်ပါတယ်။ အိမ်ခြေနှစ်ရာငါးဆယ်လောက်ရှိတဲ့ ရခိုင်ရိုးမ အနောက်တောင်ခြေ တစ်ခုမှာတည်ရှိတဲ့ ရွာလေးတစ်ရွာဖြစ်ပါတယ်။ တစ်ရွာလုံး ရခိုင်လူမျိုးတွေဖြစ်ပြီး သူတို့ ရခိုင်ဘာသာစကားက ကျွန်တော်တို့ ဒေသမှာပြောတဲ့ စကားထက်ပိုပြီး လေယူလေသိမ်းက ပိုပြီးဝဲပါတယ်။ ရခိုင်အချင်းချင်းတောင် နားလည်အောင် တော်တော်နားစိုက် ထောင်ရပါတယ်။

အဲဒီရွာကို တတ်တောင်ဆိုတဲ့ ရွာကနေ ၆ နာရီကြာ မော်တော်ဘုတ် စီးပြီး၊ ၂ နာရီခန့် လမ်းလျှောက်မှ ရောက်တာပါ။ ကျွှန်တော်တို့ရွာကိုရောက်သွားတဲ့ အချိန်မှာ ညနေ ၆ နာရီနီးပါးရှိပါပြီ။ ရွာကိုရောက်ခဏနားပြီး ရေမိုးချိုး ထမင်းစားကြပါတယ်။ ထမင်းဝိုင်းမှာပဲ ထူးခြားတဲ့သတင်း တစ်ခုကိုကြားရပါတယ်။ ကျွှန်တော် တည်းတဲ့အိမ်ရဲ့ ဘေးအိမ်မှာ ကျောင်းသူမိန်းကလေးတစ်ယောက် ဖျားနာနေတာ သုံးပတ်လောက်ကြာနေပြီပါတယ်။ ဘယ်လိုဆေးဆရာကို ခေါ်ကုသော်လည်း မသက်သာပဲဖြစ်နေပါတယ်။ ကျွှန်တော့်အတွက်တော့ ကြားကြားချင်း ဒီကိစ္စကိုလက်မခံနိုင်ပါဘူး။ တကယ်နားလည်တတ်ကျွမ်းတဲ့ ဆရာဝန်၊ အထူးကုတွေနဲ့ သေချာကုရင် ပျောက်ကိုပျောက်နိုင်တယ်ပေါ့။ သူဖြစ်တာဘယ်လိုရောဂါဆိုတာ ဒီတောက ဆေးဆရာရမ်းကုတွေက ဘယ်သိနိုင်မလဲပေါ့။ စိတ်ထဲ့စဉ်းစားမိတာပါ။ နုတ်ကတော့ ကိုယ်နဲ့သိပ်မဆိုင်တော့ ထုတ်မပြောဖြစ်ပါဘူး။ အဲဒီမိန်းကလေးကို အင်္ဂလိပ်ဆေးနဲ့ ဘယ်လိုမှကုမရလို့ ပရောဂဆရာနဲ့ ကုမယ်ဆိုပြီးသူ့မိသားစုက စီစဉ်နေကြတယ်ဆိုပဲ။ ကျွှန်တော်လည်းနည်းနည်းတော့ စိတ်ဝင်စားသွားတယ်။ ပရောဂကုတာ ရုပ်ရှင်ထဲမှာပဲ မြင်ဘူးတယ်လေ။ အပြင်မှာတစ်ခါမှ မမြင်ဖူးဘူး။ ဒီတစ်ခါတော့ မလွတ်တန်းကြည့်ရမယ် ဆိုပြီး စိတ်ထဲ တေးထားလိုက်တယ်။ ကျွှန်တော့်ဦးလေးကလည်းရွာမှာ ရပ်မိရပ်ဖထဲမှာပါလေတော့ နေရာတကာသူမပါရင် မပြီးဘူး။ စကားပြောရင်လည်း သူ့အလှည့်ချည်းပဲ သူများကိုသိပ်အလှည့်မပေးတတ်တဲ့သူမျိုး။ သဒ္ဒါတရား ကောင်းပြီးနေရာတကာပါလွန်းလို့ သူမိန်းမက သူကိုအမြဲဘရိတ်အုပ်နေရတဲ့ သူမျိုး။

ညနေစာစားပြီး ဦးလေးကဘေးအိမ်ကိုသတင်းသွားမေးကြမယ်လို့ ကျွှန်တော့်ကိုလာခေါ်ပါတယ်။ သူစကားထဲမှာပါသေးတာက နေမကောင်းတဲ့ကောင်မလေးက အတော်ကိုချောတယ်ဆိုပဲ။ ကျွှန်တော်တို့ရောက်သွားတော့ ညရှစ်နာရီကျော်လောက်ရှိနေပါပြီ။ တောရွာမှာဆိုတော့ ရှစ်နာရီဆိုတာ အားလုံးအိပ်ယာ ၀င်တဲ့အချိန်ပါပဲ။ ဒါပေမဲ့ နေမကောင်းတဲ့သူရှိတဲ့ အတွက် သတင်းလာမေးတဲ့သူတွေနဲ့ သူတို့အိမ်မှာ လူစည်နေပါတယ်။ အိမ်က ကျွှန်းတိုင်တွေအများကြီးနဲ့ဆောက်ထားတဲ့ နှစ်ထပ်ရခိုင်အိမ်ကြီးပါပဲ။ အပေါ်ထပ်ကိုတက်သွားတော့ လူနာကိုဘုရာခန်းမှာ သိပ်ထားပြီး ဘုရားခန်းရှေ့ ၀ရန်တာမှာ လူနာရဲ့ဖခင်၊ မိခင် နဲ့ အတူဧည့်သည် လူကြီးနှစ်ဦး ထိုင်နေကြပါတယ်။ ဦးလေးက ကျွှန်တော့်ကို ရန်ကုန်က သူ့တူဖြစ်ကြောင်း ဘွဲ့ရပြီး အလုပ်မ၀င်ခင် ဆွေမျိုးများရှိရာသို့ ဒေသန္တရဗဟုသုတ အလိုငှာ လာရောက်လည်ပတ်ကြောင်း စသည်ဖြင့် ပြောဆို မိတ်ဆက်ပေးပါတယ်။ သူမိဘတွေပြောပြတာကတော့ မကျန်းမာ ဖြစ်နေတဲ့ မိန်းကလေးက သားသမီးတွေထဲမှာ အကြီးဆုံးပါ။ ဆယ်တန်းဖြေဖို့ လုပ်နေပါတယ်။ သူ့အောက်က တစ်ယာက်က ၆ တန်း မိန်းကလေးပါပဲ။ အငယ်ဆုံးတစ်ယောက်က ယောက်ကျားလေးဖြစ်ပြီး တစ်တန်းပါ။ သူ့မိဘများပြောပြချက်အရတော့ နေမကောင်းဖြစ်တာ သုံးပတ်လောက်ရှိပါပြီ။ အစမှာ အသံဝင်သွားတာကစတာပါ။ အသံဝင်ပြီး သုံး၊ လေးရက်လောက်မှာ ဖျားပါတယ်။ နောက်ပြီး အစာမစားနိုင် အိပ်ယာထဲ လဲတာပါပဲ။ ညဆိုရင်ကယောင်ကတမ်းထပြောပြီး ငိုတယ်ဆိုပါတယ်။ ဆရာဝန်ကိုပင့်ပြီး ပြပါသော်လည်း မသက်သာသည်မှာ တစ်ပတ်ကျော်ကြာပြီဖြစ်တဲ့အတွက် လူကြီးသူမတွေက အကြံပေးတဲ့အတိုင်း ပရောဂဆရာကိုခေါ်ပြဖို့ လုပ်နေကြတာဖြစ်ပါတယ်။ စကားစမြည်ပြောနေကြတဲ့ အချိန်မှာပဲ လူနာကို ဆန်ပြုတ်တိုက်ဖို့ လုပ်ပါတယ်။ မကျန်းမာတဲ့ မိန်းကလေးက ဦးလေးပြောတဲ့အတိုင်း အသားဖြူဖြူနဲ့ တော်တော်ကိုချောပါတယ်။ သူညီမဖြစ်တဲ့ ၆ တန်းကျောင်းသူလေးလဲ သူ့အမလိုပဲ တော်တော်ချောပါတယ်။ ကျန်တဲ့ မိဘနှစ်ပါးနဲ့ အငယ်ဆုံးကလေး၊ သူတို့ဆွေမျိုးတွေကတော့ ကျွှန်တော့မျက်စိထဲ သာမန်ပါပဲ။ ပရောဂဆရာကို နောက်နေ့ညနေ ၆ နာရီမှာချိန်းထားတယ်ပြောပါတယ်။ ဆရာကလည်း ပရောဂကုတဲ့နေရာမှာ အဲဒီနယ်တ၀ိုက်အလွန်နာမည်ကြီးတဲ့ ဆရာဆိုပဲ။ အဲဒီညတော့ လူကြီးတွေ အာလာပသာလာပပြောကြတာကို နားထောင်ပြီး ပြန်ခဲ့ပါတယ်။

အဲလိုနဲ့ပဲ နောက်တစ်နေ့ ညနေ ၅ နာရီကျော်လောက်ကတည်းက သူတို့ အိမ်ဘက်က လှုပ်လှုပ်ရှားရှား စကားပြောသံတွေ စကြားရပါတယ်။ ကျွှန်တော်တို့လည်း ထမင်းစောစောစားပြီး နေရာကောင်းရအောင် ထိုင်တောင်မထိုင်ပဲ သူတို့အိမ်ကို ထွက်ခဲ့ကြပါတယ်။ လူနာကိုဘုရားခန်းရှေ့ မှာသိပ်ထားပြီး သူ့မိသားစုတွေကတော့ ထုံးစံအတိုင်း သူဘေးမှာ ၀ိုင်းထိုင်လို့ပေါ့။ ကျွှန်တော်ကတော့ ဘုရားခန်းအရှေ့ ၀န်ရတာမှာ လူကြီးတွေနဲ့ထိုင်နေပါတယ်။ ကျွှန်တော့်မှာပြောစရာစကားလည်းမရှိပါဘူး။ အားလုံးကလူကြီးတွေပဲဆိုတော့ သူတို့အချင်းချင်းပဲ ပြောဆိုနေကြတာပါ။ သူတို့ပြောတဲ့ စကားကလည်း အရမ်းဝဲတော့ တော်တော်အာရုံစိုက်နားထောင်ရပါတယ်။ ဒီလိုနဲ့ပဲ လေ့လာအကဲခတ်ရင်း ဆရာအလာကို စောင့်နေပါတယ်။ အဲလိုစောင့်နေရင်း ဆရာမလာခင် မိနစ်ပိုင်းအလိုမှာပဲ လူနာကကောက်ကာငင်ကာ ထငိုပါတော့တယ်။မိသားစုဝင်တွေက ချော့မောပြီးဘယ်လိုပဲမေးမေး ငိုတာကရပ်မသွားသလို စကားလည်းလုံးဝပြန်မပြောပါဘူး။  ဆရာက ၆ နာရီကျော်လောက်မှာ သူ့တပည့်တစ်ယောက်နဲ့ ရောက်လာပါတယ်။ ဆရာကအသက် ၇၀ ကျော်လောက်ရှိမယ်ထင်ပါတယ်။ ဆရာက အိမ်ပေါ်ကိုတက်လာပြီး လူနာဘေးမှာထိုင်လိုက်တာနဲ့ပဲ လူနာက အသံထွက်ငိုတာရပ်ပြီး ကြိတ်ငိုနေပါတော့တယ်။ ဆရာက လူနာဘေးကလူတွေကို ဖယ်ခိုင်းပြီး သူ့မှာပါတဲ့ရေပုလင်းထဲကရေနဲ့ လူနာပတ်လည်ကိုဖြန်းပါတယ်။ ပြီးတော့ဘုရားရှေ့ ခိုးပါတယ်။ အားလုံးစီမံစရာတွေ စီမံပြီးမှ လူနာဘေးကထိုင်ပြီး ''ကဲ အခုဒီသမီးငယ်ရဲ့ခန္တာမှာ ပူးကပ်နေတာ ဘယ်သူလဲပြောစမ်း'' ဆိုပြီး ငေါက်လိုက်ပါတော့တယ်။ ဘာမှပြန်မပြောပါဘူး။ ဆရာကနှစ်ခွန်းငေါက်လိုက်မှ လူနာက ''အရင်ဘ၀ကသူ့အမပါ'' ဆိုပြီးပြန်ပြောတယ်။ လူနာကို ဘေးကသူအမေနဲ့ အဒေါ်ဖြစ်သူက ထိုင်ပြီးစကားပြောနိုင်အောင် တွဲကိုင်ပေးထားလိုက်ပါတယ်။ ဆရာက ဘာလို့ဒီလိုလုပ်ရတာလဲလို့ဆရာက ဆက်ပြီးမေးတော့ စကားကိုဆက်ပြီးပြောပါတယ်။ သူမပြောပြတာက သူတို့တွေက အရင်ဘ၀ကညီအမလေးယောက် အတူရှိနေကြတာပါတဲ့ သူတို့ရဲ့သိုက်နန်းက မင်းဘူးမြို့နယ်ထဲကပါတဲ့။ သူကအကြီးဆုံးဖြစ်ပြီး အလတ်မ ဖြစ်သူ (ယက္ခု နေမကောင်းဖြစ်နေသူ) က လူပြည်ကိုသွားချင်တဲ့ အတွက်ခွင့်ပြုလိုက်တာပါ။ အလတ်မပြီးတော့ နောက်အငယ်တစ်ယောက်ကလည်း သွားချင်ပြန်တော့ ခွင့်ပြုလိုက်ပြန်သတဲ့။ သူတို့ကတိပြုခဲ့တာက အိမ်ထောင်မပြုပါဘူး။ အိမ်ထောင်မပြုခင်ပြန်လာမယ်ဆိုလို့ အခုသူတို့ကို ခေါ်ဖို့လုပ်နေရတာပါ။ ဘယ်သူ့ကိုမှ ထိခိုက်အောင်မလုပ်ပါဘူး။ သူတို့ညီအမလေးယောက်ကို မခွဲပါနဲ့ဆိုပြီး ပြောလိုက်ငိုလိုက် တော်တော်ကြာပါတယ်။ ဒီနေရာမှာကျွှန်တော်ပြောချင်တာက သူမပြောတဲ့စကားပါပဲ။ သူမပြောတဲ့စကားက ကျွှန်တော့်ကို အရမ်းကိုအံသြစေပါတယ်။ ဘာကြောင့်လည်းဆိုတော့ ဒီလောက်စကားအလွန်ဝဲပြီး ရခိုင်အချင်းချင်းတောင် အတော်နားထောင်ရတဲ့ ရခိုင်ရွာကြီးမှာ ဗမာလိုပီပီသသပြောတတ်တာဆိုလို့ ရန်ကုန်ကလာတဲ့ ကျွှန်တော်တစ်ယောက်တည်း ပါတယ်ဆိုတာ ရဲရဲကြီးပြောရဲတယ်။ ကျွှန်တော်ကငယ်ငယ်ကတည်းက ရန်ကုန်မှာကြီးလို့ ကျွှန်တော်ဗမာစကားပြောရင် ကျွှန်တော့်ကိုရခိုင်မှန်း ဘယ်သူမှ မသိပါဘူး။ ပရောဂဆရာကလည်း ဒီဘ၀မှာ သူလည်းသူမိသားစုနဲ့သူဖြစ်နေပြီဖြစ်တဲ့အတွက် အဲလိုပြန်ခေါ်ဖို့မဖြစ်နိုင်ကြောင်း ရခိုင်စကားနဲ့ပြောပါတယ်။ လူနာကလည်း ဗမာစကားနဲ့ပြန်ပြီးဖြေပါတယ်။ ငိုတဲ့အခါလည်း သူတို့ညီအမတွေဘယ်လောက်ချစ်ကြတယ် ဆိုတဲ့အကြောင်းကို ဗမာလိုဖွဲ့နွဲ့ပြောပြီးငိုပါတယ်။ နောက်ဆုံးတော့ ဆရာက အမိန်ပြန်တမ်းထုတ်ပြီး သိုက်ကြိုးဖြတ်လိုက်ပါတယ်။ အဲလိုဖြတ်တာ သူတစ်ယောက် တည်းကိုမဟုပ်ပါဘူး။ သူညီမကိုပါဖြတ်လိုက်တာပါ။ သိုက်ကြိုးမဖြတ်ခင် အတော်ကြီးကို တောင်းပန်ပြီး ငိုခဲ့ပါသေးတယ်။ နောက်ဆုံးဆရာသိုက်ကြိုးဖြတ်ပြီးတော့ လူနာမိန်းကလေးက ဘုန်းကနည်းလဲပြီး နဲနဲလေးငြီးပြီး အိပ်ပျော်သွားပါတယ်။ ကျွှန်တော်တို့လည်း အံသြခြင်းများစွာနဲ့ အိမ်ကိုပြန်ခဲ့ကြပါတယ်။

နောက်နေ့မနက်မိုးလင်းတော့ လူနာသတင်းမေးဖို့ အစောဆုံးဦးလေးကိုပူဆာသူက ကျွှန်တော်ပါ။ ကျွှန်တော့်ခေါင်းထဲမှာ မေးစရာမေးခွန်းပေါင်းများစွာ တန်းစီနေပါတယ်။ ဒါပေမဲ့ ဦးလေးက မိန်းကလေးနေကောင်းပါစေဦး စောင့်ပါဦးဆိုလို့ ၄ ရက်တိတိစောင့်ခဲ့ပါတယ်။ အဲနေ့ကစပြီး ကောင်မလေးလည်း လူကောင်းပကတိအလားနေကောင်းသွားပါတယ်။ အားရှိလာအောင်တော့ အားပြန်မွေးရတာပေါ့။ ၄ ရက်ကြာလောက်စောင့်နေတဲ့ အတောအတွင်းမှာပဲ သူ့ရဲ့ညီမဖြစ်သူ၊ သူမိသားစုတွေနဲ့ ကျွှန်တော် အတော်လေးရင်းနီးသွားခဲ့ပါတယ်။ ၄ ရက်မြောက်တဲ့နေ့မှာ ကျွှန်တော်သူတို့အိမ်ကို သွားလည်တော့ မိန်းကလေးက အိမ်ရှေ့ မှာ ထိုင်နေရာက ကျွှန်တော်လာတာမြင်တော့ ထပြေးဖို့လုပ်ပါတယ်။ လူကြီးတွေက အတင်းတားပြီး နင့်ကို ဒီဧည့်သည်လေးက စကားပြောချင်လို့ ဆိုပြီးအတင်းခေါ်မှာ ဆက်ထိုင်နေပါတယ်။ အဲနေ့က ကျွှန်တော်သူကို မေးတဲ့မေးခွန်းတွေကတော့ ဗမာစကားပြောဘူးလား၊ ပြောတတ်လား။ ကျောင်းမှာဆရာမက ဗမာလိုပြောပြီးသင်တာလား။ ရခိုင်စကားနဲ့သင်တာလား။ ရန်ကုန်ရောက်ဘူးလား။ အဲညက အဖြစ်တွေကိုမှတ်မိလား စသဖြင့် စုံလို့ပါပဲ။ သူအဝေးဆုံးရောက်ဘူးတာ အမ်းမြို့ ပါ။ အမ်းမြို့ ကလွဲပြီး ဘယ်မှမရောက်ဘူးပါဘူး။ ဗမာစကားကိုဘယ်နေရာမှာမှ ပြောစရာနေရာမရှိပါဘူးတဲ့။ ဗွီဒီယိုကားတွေကို ကြည့်တဲ့အတွက်နားလည်ပြီး သီချင်းတွေလည်း နည်းနည်းပါးပါးနားထောင်ဘူးပါတယ်တဲ့။ (ရခိုင်တော်တော်များများက ဗမာစကားကိုနားလည်ကြပါတယ်။ ပြန်မပြောတတ်ကြပါ) ပရောဂကုတဲ့ညက ကိစ္စတွေ သူဘာမှမသိပါဘူးတဲ့။

သို့သော် သူ့ကိုပရောဂ ကုတဲ့ညက သူပြောခဲ့တာတွေကိုကျွှန်တော့်နားနဲ့ ဆက်ဆက်ကြားခဲ့တဲ့ အတွက် ကျွှန်တော့်အဖို့တော့ သူ့ကိုကြည့်ရင်း အံသြပြီးရင်းအံသြနေရပါတယ်။ သူ့မိသားစုတွေကတော့ သူတို့သမီးလေး နေကောင်းသွားတဲ့ အတွက်ဘာမှထွေထွေထူးထူး မစဉ်းစားကြတော့ပါဘူး။ သူ့သူငယ်ချင်းတွေကတော့ အဲဒီညက သူဗမာစကားပြောတာကို နဲနဲအံသြကြပါသတဲ့။ ကျွှန်တော်ကတော့ ပရလောကဆိုတဲ့ စကားလုံးကိုကြားတိုင်း သူမကိုပြေးပြီးမြင်ယောင်မိပါတယ်။ သူမရဲ့အရင်ဘ၀က အမဖြစ်သူကော အဆင်မှပြေပါလေစ ဆိုပြီးတစ်ခါတစ်ရံ စဉ်းစားမိပြီး စိုးရိမ်မိပါတော့တယ်။
 
WMM (www.englishfreeclub.blogspot.com)