အမျိုးကိုထိမချိ့အောင်နာလို့ဒီဆိုဒ်ပေါ်မှာဘာသာရေးနဲနိုင်ငံရဲ့အကြောင်ရာတွေပါလာတဲ့အတွက်သူငယ်ချင်းဘလော့မိတ်ဆွေများအားအထူးတောင်ပန်လိုက်ပါတယ် နိုင်ငံ။ဘာသာ၊သာသနာနဲ့ လူမျိုးကိုချစ်သော...
ကျွန်တော်တို့ငယ်ငယ်က ထပ်ခါတလဲလဲကြားဖူးခဲ့တဲ့ ပုံပြင်လေးတစ်ပုဒ်ရှိတယ်။ ဆင်းရဲတဲ့လူနှစ်ယောက်ကို အသပြာတစ်ထောင်ထုပ်တစ်ထုပ်နဲ့ ပညာ ဘယ်အရာကိုယူမလဲလို့မေးတဲ့အခါ တစ်ယောက်က အသပြာတစ်ထောင်ထုပ်ကိုယူပြီး တစ်ယောက်ကတော့ ပညာကိုယူခဲ့တယ်။ အချိန်အနည်းငယ်အကြာမှာတော့ အသပြာတစ်ထောင်ထုပ်ယူခဲ့တဲ့သူက ငွေတွေကုန်သွားတဲ့အခါ အရင်လိုဘ၀မျိုးကိုပဲပြန်ရောက်သွားခဲ့ပြီး ပညာကိုရွေးချယ်လိုက်တဲ့လူကတော့ သူသင်ကြားလိုက်ရတဲ့ပညာကို အရင်းတည်ပြီးလုပ်ကိုင်တစ်သက်တာ ချမ်းချမ်းသာသာနဲ့နေထိုင်သွားရတယ်ဆိုတဲ့ပုံပြင်လေးပေါ့။ ပုံပြင်ရဲ့ ပေးချင်တဲ့သင်ခန်းစာကတော့ ရိုးရိုးရှင်းရှင်းလေးပါ။ ငွေကြေးအရင်းအနှီးဆိုတာ ကြာရှည်မခံဘူး ကုန်ခန်းသွားနိုင်တယ်။ ပညာအရင်းအနှီးကသာ တစ်သက်တာပတ်လုံးမကုန်မခမ်းနိုင်သုံးစွဲနိုင်တယ်၊ ပညာရွှေအိုး လူမခိုးနိုင်ဘူးဆိုတဲ့ သဘောပါပဲ။
တကယ်တော့ ပုံပြင်တွေဟာ သင်ခန်းစာတစ်စုံတစ်ခုပေးနိုင်တာကလွဲရင် လက်တွေ့ဘ၀နဲ့ တစ်ထပ်တည်းကျနိုင်ဖို့ ခဲယဉ်းလွန်းပါတယ်။ လက်တွေ့ဘ၀ထဲမှာ Open Sesame လို့အော်ပြီး ခိုးသားလေးဆယ်ရဲ့ရတနာတွေရသွားတဲ့ အလီဘာဘာတွေမရှိသလို၊ နမ်းလိုက်တာနဲ့ ဖားကလေးက ရွှေမင်းသမီးလေးဖြစ်ပြီး တစ်သက်ပတ်လုံးပျော်ရွှင်စွာနေထိုင်သွားကြလေသတည်းဆိုတာမျိုးတွေလည်း မရှိပါဘူး။ ဒီလိုပဲ ငယ်ငယ်တုန်းက ကျွန်တော်တို့ကြားဖူးခဲ့တဲ့ ပညာနဲ့ဥစ္စာ ပညာကိုသာ ရယူဖို့သင်ခန်းစာပေးတဲ့ ပုံပြင်လေးကလည်း လက်တွေ့ဘ၀နဲ့ ကိုက်ညီဖို့ခက်ခဲနေပြန်ပါတယ်။ ပညာနဲ့ဥစ္စာ ပညာကိုသာရွေးချယ်ရာလို့ဆိုပေမယ့် ငွေအသပြာထောင်ထုပ် မရှိရင် ပညာလည်းမရနိုင်တဲ့ ခေတ်အခြေအနေမှာ ပုံပြင်ထဲကလို ဘယ်အရာကိုရွေးချယ်မလဲလို့ မေးမယ့်သူမရှိပါဘူး။ လက်တွေ့ဘ၀မှာတော့ ပညာဆိုတာ ရွှေအိုးကြီးတစ်လုံးလို့တင်စားမယ်ဆိုရင် ရွှေအိုးကြီးဖြစ်လာနိုင်ဖို့အတွက် ပေးဆပ်ရတဲ့ ရွှေအိုးလေးတွေရဲ့ အရင်းအနှီးကလည်း မနည်းလှတဲ့အတွက် ပညာရွှေအိုးဆိုတာ လူတိုင်းပိုင်ဆိုင်ခွင့်ရနိုင်တဲ့ အရာတစ်ခုဖြစ်မလာနိုင်တော့ပါဘူး။
စားဝတ်နေရေးဆိုတဲ့ ခက်ခဲကြမ်းတမ်းလှတဲ့လမ်းပေါ်မှာ ရုန်းကန်နေရတဲ့သူတွေအတွက် ပညာသင်ကြားနိုင်ရေးဆိုတာ ထိပ်တန်းဦးစားပေးအရာတစ်ခုမဟုတ်နိုင်ပါဘူး။ တစ်နေ့စာတစ်နေ့ စားသောက်ရဖို့အနိုင်နိုင်ကြိုးစားနေရသူတွေ၊ ကျောတစ်ခင်းစာနေရာကြောင့် မောပမ်းနေရသူတွေ၊ ချမ်းအေးနေချိန်မှာ ၀တ်စရာအ၀တ်လေးတစ်စုံရှိဖို့ ပင်ပန်းနေရတဲ့သူတွေအတွက် ပညာသင်ကြားဖို့ဆိုတာက အပြောလွယ်သလောက်အလုပ်ခက်လွန်းနေတယ်။ တကယ်တော့ သုံးမကုန်စွဲမကုန် ပညာဆိုတဲ့ရွှေအိုးကြီးက ငွေကြေးချို့တဲ့သူတွေအတွက်တော့ အလှမ်းဝေးလွန်းတဲ့အဖိုးတန်ပစ္စည်းတစ်ခုဖြစ်နေပါတယ်။
ပညာကိုရွှေအိုးကြီးအဖြစ်တင်စားတာမမှားပါဘူး။ ဆင်းရဲမွဲတေခြင်းက လွတ်မြောက်နိုင်ဖို့အတွက် တစ်ခုတည်းသော ထွက်ပေါက်ဟာ ပညာတတ်မြောက်နိုင်ခြင်းပါ။ ဒါပေမယ့် နေ့စဉ်ရှင်သန်လှုပ်ရှားနိုင်ဖို့အတွက် ကြိုးစားရုန်းကန်နေရတဲ့အတွက် ပညာသင်ကြားခွင့်မရ၊ ဒီလိုပညာသင်ကြားခွင့်မရတဲ့အတွက်ကြောင့်ပဲ ဆင်းရဲမွဲတေတဲ့ဘ၀ထဲက ရုန်းမထွက်နိုင်ဘဲ ထပ်ခါထပ်ခါသံသရာလည်ရတယ်။ ဒီအခါ ဆင်းရဲနွမ်းပါးသူတစ်ယောက်အဖြစ်မွေးဖွားလာတဲ့သူဟာ ဆင်းရဲနွမ်းပါးသူအဖြစ်နဲ့ပဲ သေဆုံးရဖို့များနေပြီး အလွန့်အလွန်ရှားပါးလွန်းတဲ့အခြေအနေတွေမှာသာ တစ်ယောက်စ နှစ်ယောက်စရုန်းထွက်နိုင်လေ့ရှိတယ်။ လူတစ်ယောက်ရဲ့ လုပ်ဆောင်ချက်ဟာ အဲဒီလူရဲ့ လုပ်နိုင်ကိုင်နိုင်စွမ်း၊ လုပ်ချင်ကိုင်ချင်စိတ်နဲ့ အခွင့်အရေးဆိုတဲ့ အရာသုံးခုကို မြှောက်ပြီးတွက်ချက်ရတယ်လို့ဆိုပါတယ်။ ဒီတွက်ချက်မှုအရဆိုရင်တော့ လုပ်နိုင်ကိုင်နိုင်စွမ်းရော လုပ်ချင်ကိုင်ချင်စိတ်ရော ဘယ်လိုပဲရှိနေပါစေ အခွင့်အရေးဆိုတဲ့အရာမှာသာ သုညဖြစ်နေခဲ့ရင် လူတစ်ယောက်ရဲ့လုပ်ဆောင်မှုကလည်း သုညဖြစ်နေရတယ်။ ဒီလိုဆိုရင် ပညာသင်ကြားနိုင်ခွင့်ဆိုတဲ့အခွင့်အရေးကိုမှမရနိုင်တဲ့သူတစ်ယောက်အတွက် ဆင်းရဲမွဲတေမှုဝဲဂယက်ထဲက လွတ်မြောက်နိုင်ဖို့ဆိုတာ မဖြစ်နိုင်သလောက်ပါပဲ။
မျှတမှုမရှိတဲ့လောကကြီးမှာ လူတိုင်းဟာအခွင့်အရေးတန်းတူမရနိုင်ဘူး။ ချမ်းသာတဲ့သူတွေ ထားစရာမရှိအောင်ချမ်းသာနေပေမယ့် ကုန်းကောက်စရာမှမရှိအောင်ဆင်းရဲသူတွေလည်း အများအပြားပါ။ ဒါပေမယ့် ၀မ်းနည်းစရာကောင်းတာက ငွေကြေးဥစ္စာကွာခြားမှုကပဲ ပညာသင်ကြားရနိုင်ဖို့အခွင့်အရေးကို ထပ်မံပိုင်းခြားထားပြန်တဲ့အခါမှာတော့ ချို့တဲ့နွမ်းပါးသူတွေအတွက် မျှော်လင့်ချက်ဆိုတာ နည်းလွန်းပါတယ်။ တတ်နိုင်သူတွေက နိုင်ငံတွင်းမှာသာမဟုတ်ဘဲ ပညာရေးအဆင့်အတန်းအမြင့်ဆုံးဆိုတဲ့နိုင်ငံတွေမှာ မတောင့်မတသင်ကြားနေကြချိန် အမိုးမလုံ အကာမလုံတဲ့ ရပ်ကွက်ထဲကယိုင်နဲ့နဲ့စာသင်ကျောင်းလေးမှာတောင် မတတ်နိုင်သူတွေ ဒုနဲ့ဒေးပါ။ နောက်ဆုံးတော့ အရင်ကကြားဖူးတဲ့ပုံပြင်လေးလို ပညာနဲ့ဥစ္စာ ဘယ်ဟာကိုရွေးချယ်မလဲလို့ ရွေးချယ်ဖို့ အခွင့်အရေးတောင်မရှိတဲ့ဘ၀တွေအတွက် ပညာရွှေအိုးဆိုတာ လူမခိုးပေမယ့် ရနိုင်ဖို့တော့လည်း အင်မတန်ခက်တဲ့အရာတစ်ခုဖြစ်နေဆဲပါပဲ။
No comments:
Post a Comment
သင့်စိတ်နှင့်သင့်ကိုယ်လွတ်လက်စွာပေါက်ကွဲပိုင်ခွင့်ရှိပါတယ် ဒါပေမဲ့ သင်ပေးသွားတဲ့ Comment ဟာသင့်ရဲ့စိတ်ထားပါပဲ မိတ်ဆွေ...လာရောက်အားပေးတဲ့အတွက် အမြဲကျေးဇူးတင်နေမှာပါ.....GOOD LUCK...