တရုတ်နည်းပညာဝန်ကြီး မစ္စတာဝမ်က မြန်မာနိုင်ငံရဲ့ သိပ္ပံပညာဆိုင်ရာ ဓာတ်ခွဲခန်းတွေ ပူးတွဲဆောက်လုပ်ဖို့နဲ့ Satellite ဂြိုဟ်တု ကရတဲ့ ဓာတ်ပုံနဲ့ အချက်အလက်တွေကို မျှဝေနိုင်ရေးအတွက် အစီအစဉ်ချမှတ်ဖို့ လုပ်ဆောင်ချင်ကြောင်း ပြောကြားခဲ့တဲ့အပြင် တရုတ်နဲ့ အာဆီယံနိုင်ငံတွေကြား နည်းပညာ ဖြန့်ဖြူးပေးမယ့် ဗဟိုဌာနတခုကို မြန်မာနိုင်ငံမှာ တည်ထောင်ဖို့ ဆန္ဒရှိကြောင်းလည်း ပြောကြားခဲ့ပါတယ်။
ဒါ့အပြင် မြန်မာလူငယ်သိပ္ပံပညာရှင်လေးတွေ အနေနဲ့ တရုတ်နိုင်ငံ ထဲမှာ လေ့ကျင့်သင်ကြားမှုတွေလာပြီး လုပ်ဆောင်ကြဖို့နဲ့ သုတေသန လုပ်ငန်းတွေကို အတူလက်တွဲ လုပ်ဆောင်ဖို့ပါ ဖိတ်ခေါ်ခဲ့ပါတယ်။ အခုလို တရုတ်နိုင်ငံက သိပ္ပံနဲ့နည်းပညာဆိုင်ရာ အကူညီတွေနဲ့ ပံ့ပိုးမှုတွေပေးအပ်တာ ဟာ မြန်မာနိုင်ငံ စီးပွားဖွံ့ဖြိုးရေးအတွက်သာမက နှစ်နိုင်ငံ ပြည်သူတွေကြား ရင်းနှီးမှု ပိုပြီး တိုးလာစေမှာဖြစ်တယ်လို့ ဒေါက်တာဦးကိုကိုဦးကပြောပါတယ်။
ဆွေးနွေးပွဲအပြီးမှာ CRESDA လို့ခေါ်တဲ့ China Center for Resources Satellite Data and Application တရုတ်နိုင်ငံရဲ့ ဂြိုဟ်တုကရတဲ့ အချက်အလက်ဆိုင်ရာ ဗဟိုဌာန နဲ့ မန္တလေးနည်းပညာတက္ကသိုလ်တို့ကြား သဘောတူစာချုပ်တရပ်ကို ချုပ်ဆိုခဲ့ပါတယ်။
ဒီသဘောတူညီချက်အရ Satellite ဂြိုဟ်တုကရတဲ့ အချက်အလက်တွေကို တရုတ်က မြန်မာကို မျှဝေပေးမှာဖြစ်ပြီး မြန်မာနိုင်ငံရဲ့ စိုက်ပျိုးရေး ဆိုင်ရာလုပ်ငန်းတွေ၊ သဘာဝဝန်းကျင်ဆိုင်ရာ စောင့်ကြည့် ထောက်လှန်း မှုတွေနဲ့ သဘာဝဘေးအန္တရာယ် ကာကွယ်ရေး ဆိုင်ရာ လုပ်ငန်းတွေမှာ ထိရောက်မှုရှိစေဖို့ အသုံးပြုနိုင်တော့မှာ ဖြစ်တယ်လို့ နည်းပညာဝန်ကြီး ဒေါက်တာ ဦးကိုကိုဦးကပြောပါတယ်။
“ဒါဟာ ဌာနအတွက်ရော နိုင်ငံအတွက်ရော အရေးကြီးတဲ့ လုပ်ငန်းတခုဖြစ်ပါတယ်။ ဒီခေတ်မှာ ဒါဟာ အရေးကြီးတယ်ဆိုတာ အားလုံးလည်း သိပါတယ်။ ဒီသဘာဝဘေးအန္တရာယ် ကာကွယ်ရေးအတွက်ဟာ သိပ်အရေးကြီးတဲ့ အချိန်ဖြစ်ပါတယ်။ နောက်တခုကတော့ ဒီနိုင်ငံမှာ အရေးကြီးတာတခုက Satellite Application ပေါ့လေ။ ဒီဂြိုဟ်တုက ရတဲ့ပုံတွေကို အသုံးပြုပြီးတော့ နယ်ပယ်အသီးသီး မှာပေ့ါ။ စိုက်ပျိုးရေးက အစ နယ်ပယ်အသီးသီးမှာ သုံးလို့ရတဲ့ remote sensing center တခုတည်ထောင်နိုင်ဖို့ အတွက် ဒါကလည်း အထောက်အကူပြုတဲ့အတွက် ဒါဟာ ဌာနအတွက် အများကြီးအထောက်အကူပြုတာပေါ့။”
ဒီသဘောတူညီချက်ဟာ တရုတ်-အာဆီယံ သိပ္ပံနဲ့နည်းပညာဆိုင်ရာ ပူးပေါင်းဆောင်ရွက်ရေး အစီအစဉ်ရဲ့ အစိတ်အပိုင်းတခုဖြစ်သလို ပထမဆုံး သဘောတူညီ လက်မှတ်ရေးထိုးခဲ့တဲ့ အစီအစဉ်တခုလည်း ဖြစ်ပါတယ်။
No comments:
Post a Comment
သင့်စိတ်နှင့်သင့်ကိုယ်လွတ်လက်စွာပေါက်ကွဲပိုင်ခွင့်ရှိပါတယ် ဒါပေမဲ့ သင်ပေးသွားတဲ့ Comment ဟာသင့်ရဲ့စိတ်ထားပါပဲ မိတ်ဆွေ...လာရောက်အားပေးတဲ့အတွက် အမြဲကျေးဇူးတင်နေမှာပါ.....GOOD LUCK...