အင်တာနက် Bandwidth ကို 40 Gbps အထိ ချဲ့မည်

မြန်မာ့ဆက်သွယ်ရေးဟာ လက်ရှိ ပြည်တွင်းသုံးစွဲဖို့အတွက် အင်တာနက် Bandwidth 13 Gbps ရှိရာကနေ လာမယ့် အရှေ့တောင်အာရှ အားကစားပွဲ မတိုင်ခင် အင်တာနက် Bandwidth ကို 20 Gbps အထိ တိုးချဲ့မယ်၊ ဒါတင်မက ၂၀၁၄ ခုနှစ်ရောက်ရင်တော့ အင်တာနက် သုံးစွဲသူ ၁၀၀ မှာ ၇ ယောက်ရှိလာရေး ရည်ရွယ်ပြီး Bandwidth ကို 40 Gbps အထိ တိုးချဲ့ သွားမယ်လို့ မြန်မာ့ဆက်သွယ်ရေးလုပ်ငန်းက အထွေထွေမန်နေဂျာ ဦးကျော်စိုးဝင်းက ဒီဗွီဘီကို ပြောပါတယ်။

လက်ရှိ မြန်မာနိုင်ငံမှာ အင်တာနက်ကို မိုဘိုင်းဖုန်းနဲ့ သုံးစွဲသူ ၁ သန်း ၂ သိန်းကျော်၊ ADSLလိုင်း တပ်ဆင်ထားသူ ၇၀၀၀ ကျော်ရှိတယ်လို့ ညွှန်ကြားရေးမှူး ဦးအောင်မော်ကလည်း ပြောပါတယ်။
မြန်မာနိုင်ငံက အင်တာနက်လိုင်းတွေဟာ နှေးကွေးလွန်းတဲ့အတွက် စီးပွားရေး လုပ်ငန်း တွေ လုပ်ဆောင်ရာမှာ အဆင်မပြေဘူးလို့ အိုင်တီကုမ္ပဏီတာဝန်ရှိသူတဦးဖြစ်တဲ့ မဖြူဖြူက ဒီဗွီဘီကို ပြောပါတယ်။


From : ..dvb