အမျိုးကိုထိမချိ့အောင်နာလို့ဒီဆိုဒ်ပေါ်မှာဘာသာရေးနဲနိုင်ငံရဲ့အကြောင်ရာတွေပါလာတဲ့အတွက်သူငယ်ချင်းဘလော့မိတ်ဆွေများအားအထူးတောင်ပန်လိုက်ပါတယ် နိုင်ငံ။ဘာသာ၊သာသနာနဲ့ လူမျိုးကိုချစ်သော...
တပ်မတော်က သိမ်းယူထားသော လယ်ယာမြေများကို ပြန်လည် ရရှိရေးအတွက် တောင်သူလယ်သမားများ အနေဖြင့် လယ်ခွန်ပြေစာသာ ပြသနိုင်ရန် လိုအပ်ကြောင်း အမျိုးသားလွှတ်တော် ကိုယ်စားလှယ် ဦးလှဆွေက ပြောကြားသည်။
“ပြေစာ မရှိလည်း မြေစာရင်းမှာ ဆောင်ထားတဲ့ မူရင်းပြေစာ ရှိရင်ရတယ်။ သက်သေခံ လယ်နီးချင်းလေးဦး ထောက်ခံလည်း ရတယ်” ဟု အဆိုပါ ပုဂ္ဂိုလ်က ဆိုသည်။
နိုင်ငံတစ်ဝန်းလုံးတွင် တပ်မတော် တပ်ရင်းတပ်ဖွဲ့ အသီးသီးက သိမ်းယူထားသော လယ်ယာမြေများကို တပ်မတော်က ဇူလိုင်လ အတွင်း ပြန်လည် ပေးအပ်မည်ဟု သတင်းများ ပေါ်ထွက်ခဲ့ပြီးနောက် လယ်သမားများအကြား လယ်ယာမြေ ပိုင်ဆိုင်မှု အထောက်အထားအတွက် ရတက်မအေး ဖြစ်နေချိန်တွင် ၎င်းက ယင်းကဲ့သို့ ပြောကြားခြင်း ဖြစ်သည်။
တိုင်းဒေသကြီးနှင့် ပြည်နယ်အစိုးရများထံသို့ တပ်မတော်က လယ်ယာမြေများကို ပြန်လည် ပေးအပ်မည် ဖြစ်ပြီး လယ်သမားများက မိမိတို့ ပိုင်ဆိုင်ကြောင်း ကျေးရွာမြေယာ ကော်မတီထံတွင် စာရင်းတင်၍ လျှောက်ထားနိုင်ကြောင်း၊ ယင်းအဆင့်တွင် ကျေနပ်မှု မရှိပါက မြို့နယ်အဆင့် မြေယာကော်မတီနှင့် နောက်ဆုံး အဆင့်တွင် တိုင်းအဆင့် မြေယာကော်မတီ အဆင့်ဆင့် တက်၍ လျှောက်ထားနိုင်ကြောင်း ၎င်းကဆိုသည်။
လယ်ယာမြေ ပိုင်ဆိုင်မှု အထောက်အထားဆို၍ မြန်မာ့ဆိုရှယ်လစ် လမ်းစဉ်ပါတီ လက်ထက်က တာဝန်ကျေ စပါးသွင်းခဲ့ရသည့် အခွန်ပြေစာများနှင့် သစ်တောရေးရာ ဝန်ကြီးဌာနသို့ အခွန်ဆောင်ထားရသည့် ပြေစာများသာ ရှိကြောင်း တပ်မတော်နှင့် လယ်ယာမြေ အငြင်းပွားနေသည့် ပဲခူးတိုင်းဒေသကြီး မင်းလှမြို့နယ် အနောက်သင်အိုင် ကျေးရွာမှ လယ်သမားက ပြောကြားသည်။
လယ်သမား အများစုတွင် လယ်ယာမြေ ပိုင်ဆိုင်မှုအတွက် လယ်ခွန်ပြေစာ ရှိရုံဖြင့် လယ်ပြန်ရမည် ဆိုပါက များစွာ အဆင်ပြေသော်လည်း မိမိတို့ ပိုင်ဆိုင်သည့် လယ်မြေများ လက်ထဲ ရောက်သည် အထိ စောင့်ကြည့်ရဦးမည် ဖြစ်ကြောင်း ဧရာဝတီတိုင်းဒေသကြီး ဖျာပုံခရိုင် ဘိုကလေးမြို့နယ်၊ ကံစုအနောက်ကျေးရွာ အုပ်စုမှ လယ်သမားများက ဆိုသည်။
လယ်သမား အများစုမှာ ပိုင်ဆိုင်မှု အထောက်အထား မရှိဘဲ မိရိုးဖလာ လုပ်ကိုင်နေခြင်း ဖြစ်ကြောင်း၊ အခွန်ပြေစာများ ပျောက်ဆုံးကုန်သည့် လယ်သမားများလည်း ရှိကြောင်း အလုပ်သမား၊ လယ်သမားအရေး လိုက်ပါဆောင်ရွက်နေသည့် ဦးဇော်ရန်းက ဆိုသည်။
“လယ်ယာမြေ ပြန်ပေးရေးကို လယ်ယာမြေ ကော်မတီက စီစစ်မယ် ကြားတယ်။ သူတို့ လုပ်မယ့်ပုံစံကို စောင့်ကြည့်ရုံပါပဲ” ဟု ၎င်းကဖြည့်စွက် ပြောကြားသည်။
ကျေးရွာ မြေယာကော်မတီတွင် ရပ်ကျေး အုပ်ချုပ်ရေးမှူး၊ ကျေးရွာစာရေး၊ မြေတိုင်းစာရေးနှင့် ရပ်မိရပ်ဖနှစ်ဦး အပါအဝင် စုစုပေါင်း ငါးဦး ပါဝင်ပြီး လယ်ယာမြေ ပြန်လည် ရရှိလိုသော လယ်သမားသည် အဆိုပါ ကော်မတီတွင် လျှောက်ထား၍ တစ်လအတွင်း ကန့်ကွက်သူ မရှိက ပြန်လည် ရရှိမည် ဖြစ်ကြောင်း လယ်ယာမြေနှင့် အခြားမြေများ သိမ်းဆည်းမှု ဖြေရှင်းရေး ကော်မတီ ထံမှ သိရသည်။
The Voice Weekly
No comments:
Post a Comment
သင့်စိတ်နှင့်သင့်ကိုယ်လွတ်လက်စွာပေါက်ကွဲပိုင်ခွင့်ရှိပါတယ် ဒါပေမဲ့ သင်ပေးသွားတဲ့ Comment ဟာသင့်ရဲ့စိတ်ထားပါပဲ မိတ်ဆွေ...လာရောက်အားပေးတဲ့အတွက် အမြဲကျေးဇူးတင်နေမှာပါ.....GOOD LUCK...